Wafilipi 2:9 - Pokomo

⁹ Na kwa dzambo hiḍyo, Muungu kamukuzya, na kamuhendeza akae pfantu pfa hila nkuu pfa mwiso. Kamumpa sari ḍiiḍyo kuu kuchia masari yonse.

Wafilipi 2:9 Iomraidhean Croise

Matayo 11:27

Makisa Yesu kamba, “Baba kanimpa mawezo dzuu ya kula kintu. Ntaku yuḍejwonse amumanyiye huyu Mwana, lamud̯a Baba jeje heket̯u. Na ntaku yuḍejwonse amumanyiye huyu Baba lamud̯a huyu Mwana na hawaḍe wonse wa huyu Mwana atsaniyeo kumuyanganya huyu Baba kwao.”

Matayo 28:18

Yesu kawendea hafufi na kawamba, “Mamulaka yonse ya mbinguni na lumwenguni niyapfegwa mimi.

Luka 10:22

Makisa Yesu kamba, “Baba kanimpa mamulaka dzuu ya kula kintu. Ntaku yuḍejwonse amumanyiye huyu Mwana kwamba ni gani, lamud̯a Baba jeje heket̯u. Na ntaku yuḍejwonse amumanyiye huyu Baba kwamba ni gani, lamud̯a huyu Mwana na hawaḍe wonse wa huyu Mwana atsaniyeo kumuyanganya huyu Baba kwao.”

Yohana 13:3

Yesu ewa kamanya ya kwamba kayawa kwa Muungu na anauja kwa Muungu. Na pia ewa kamanya ya kwamba Babajwe kamumpa mamulaka dzuu ya kula kintu.

Yohana 17:11

Mimi nyakunukani lumwenguni nyakudzani kwako, ela wao amaale waa lumwenguni. E Baba jwangu wiye Mudheru, nakuyomba uwamiye kwa ziziḍe nguvu unimpiyezo, yani nguvu za sariḍyo. Wamiye ili waweze kuwa na umodza dza hivi vyangu nawe hwivyo kintu kimodza.

Yohana 17:12

Nipfokuwa pfamodza nao, niwamiya kwa hizi nguvu unimpiyezo, yani nguvu za sariḍyo. Na ntaku hat̯a mumodza jwao aariye, lamud̯a huyu jwa kwamba iwa ni had̯i aare. Na haya yahendeka ili haya yorejweyo humu matsoroni yapate kut̯imiya.

Yohana 17:5

D̯ubva sasa Baaba, ningiza humuḍe maremboni mwako nimokuwa pfamodza nawe hangu lumwengu ntajudzaumbwa.

Mahendo 5:31

Huyu ndiye apfazijwe hat̯a mukono kuyume wa hila wa Muungu, dza haju na mupfonya, ili awawezese wantu wa Isiraeli wapfyehuze mama na wayatsijwe nabvise zao.

Waefeso 1:10

Kapanga kwamba ngeraye ikifika, anatsanganya kula kintu kiumbijwecho, chicho mbinguni na lumwenguni kiwe nsii ya mut̯awala mumodza, yani Kirist̯o.

Wakolosai 1:18

Dza vya kitswa kiivyo kwa mwii, ndivyo vya Kirist̯o aivyo muyongozi jwa hiḍi tsanganikoḍye. Ndiye jwa d̯ura afufukie na akiwa na maisha ya kuunga na yuungo. Ndookomu ka dzuu ya kula kintu.

2 Watesalonike 1:12

Hunamuyombea ili kwamba, muḍihendeze sari ḍya Ḅwana jwehu Yesu ḍishad̯we na kukuzwa, nanywi pia mupate kushad̯wa kwa dzamboḍye. Na haya yonse yanawezekana kwa t̯ei ya Muungu na Ḅwana jwehu Yesu Kirist̯o.

Waeburania 1:4

Huyu Mwana jwa Muungu kahendezwa kuwa mukuu kuchia hawa malaika, dza vya sariḍye apfegejweḍyo ḍiivyo kuu kuchia haya masari yao.

Waeburania 1:9

Wewe kutsaka hachi na kukeva mazuka. Ndiyo maana mimi Muungujo, nikuhiiya mafuha nikutsana, na nikuhendeza uwe na tsekea ya kuhilwa, tsekea iyo nkuu kuchia hi ya hawa wenziwo.”

Waeburania 12:2

Nahugije kumuyowa Yesu eye muḍabvisa na mut̯imiza jwe faro yehu. Jeje kabea kufwa kwa kinyaya hapfaḍe muhini mwa mpatsa pfasipfo kuviona dza kintu, kwa dzambo ḍya tsekea eyoakiyoweeya kudzawa nayo. Na sasa kakaa mukono kuyume Uhajuni mwa Muungu.

Waeburania 2:9

Hwichokuonani ni huyu Yesu, eyewekwa nsii kachu ya hawa malaika, na sasa akipfegwa marembo na hila kwa dzambo ḍya hichi kifo afwiyecho. Iwa ni t̯ei ya Muungu kwehu, kwamba Yesu afwe kwa dzambo ḍya kula muntu.

1 Pet̯ero 3:22

Kirist̯o kenda mbinguni na kakaa mukono kuyume wa hila wa Muungu. Ana mamulaka dzuu ya malaika wonse na nguvu zonse za kiruhu zizo yuwinguni.

2 Pet̯ero 1:17

Koro saa ya Muungu Baba jwehu epfomuhendeza Yesu ayangae na marembo na akimuyanganya kwamba ni mukuu, swiswi wenye hwiiwa pfamodza nae hapfaḍe dzuu ya hu murima mudheru. Husikia idzwi kuu kuyawa mbinguni ḍikyamba, “Huyu ni Mwanangu mutsakwa, nitsakizijwee nae muno.”

3 Yohana 1:7

Koro wepfonjia charo cha kwenda na kuhenda kazi ya Ḅwana, wadziza kupfokea ugijo uḍewonse kuyawa kwa wantu wasiokuwa wahikiza.

Upfenuo wa Yohana 11:15

Kisa huyu malaika jwa fungahe kabiga hi t̯arumbet̯a yakwe. Na nisikia saut̯i nkuu mbinguni zikyamba, “Uhaju wa huju lumwengu uhenda uhaju wa Ḅwana jwehu na Mutsanwa jwakwe. Nae anat̯awala maishi na maishi.”

Upfenuo wa Yohana 19:16

Na hapfa kiweoni pfakwe, hiḍi vwaziḍye ḍyoregwa hivi vyuuwo hivi: “Haju jwa mahaju na Ḅwana jwa maḅwana.”

Upfenuo wa Yohana 3:21

Na kula adzeyeshinda, namumpa kukaa pfamodza nami kwa kiti changu cha kihaju dza hiviḍe vyangu nishindiyevyo nikikaa pfamodza na Baba kwa kitiche cha kihaju.

Upfenuo wa Yohana 5:12

Hawa malaika wekikwimba na saut̯i nkuu wakyamba, “Huyu Mwana Mbuzi ayagijwe, anamala kushad̯wa kwa dzambo ḍya uwezowe mukuu, ujabvawe, mvidhyoye na nguvuze. Jeje anamala kukuzwa na kuhilwa.”