Wafilipi 2:30 - Pokomo

³⁰ koro ewa kayangiza hat̯arini haya maishaye hat̯a echamba afwe kwa dzambo ḍye kazi ya Kirist̯o, ili aweze kuunimpa hu ugijo musioweza kuuniyeheya nywinywi wenye na mukono.

Wafilipi 2:30 Iomraidhean Croise

Mahendo 20:24

Kenge hat̯a vivyo haya maisha yangu sikwakuyaonani na maana muno kwangu. Cha mud̯a kwangu ni kwisa hi kazi ya Ḅwana Yesu animpiyeyo kuhenda. Yani kazi ya kulalabva *Maagu Mema ya t̯ei ya Muungu.”

Warumi 16:4

na hat̯a wewa wayangiza maisha yao hat̯arini kwa dzambo ḍyangu. Hachi nina ḍuḍa nao muno. Kisa simi t̯u niyekuwayaviani ḍuḍa, ela hat̯a haya matsanganiko yonse ya wantu wa vyeet̯i vingine, yana ḍuḍa nao.

1 Wakorint̯o 15:53

Koro hu mwii wiwonanangika ni had̯i ukoranywe uwe mwii usiwonangika; na hu mwii wiwonafwa ni had̯i ukoranywe uwe mwii usiofwa.

1 Wakorint̯o 16:10

Timoteo akidza kwenu, mupfokeeni urembo, koro nae kakuhendani kazi ya Ḅwana dzami.

1 Wakorint̯o 16:17

Nitsekea kwamba Sit̯efano, Fotunato na Akaiko wadza huku niiko. Waniyavya hu udhuma wa kumutsowa nywinywi.

2 Wakorint̯o 12:15

Mimi natumia na mojo mumodza kula nichonacho na kudzit̯ut̯uma kwa dzambo ḍya ruhu zenu. Ami nikimamutsaka muno dzevihivi, anywi munanitsaka kachuchu ḅasi?

2 Wakorint̯o 4:12

Swiswi hwakuuḅwani-uḅwani ni kufwa kwa dzambo ḍya kumusumwiiya nywinywi, ela kwenu nywinywi hiḍi hiḍi ḍinamumpa maisha ya kiruhu.

Wafilipi 2:17

Hat̯a ikiwa kwamba mimi ni kuyavigwa dza sehemu ya hi mvuugiya mwiyokumuyavizani Muungu kwa dzambo ḍya serefano yenu kwakwe, mimi nya t̯ayari na natsaika pfamodza nanywi nyonse.

Wafilipi 2:27

Gula ndivyo ḍugha. Ewa mujwazi muno hat̯a echamba afwe. Ela Muungu kamufwiya t̯ei, na hat̯a nami pia kanifwiya t̯ei nitsekudzapatwa ni tsungu zaid̯i ya hu nionao.

Wafilipi 4:10

Nina tsekea nkuu muno kwa Ḅwana, kwa dzambo nangaa sasa mupata namfasi ya kuyanga muud̯ama mwiyonayo kwangu. Nimanya kwamba hangu iiḍe mwikinimuud̯amia, ela ntamwikipata hi namfasi t̯u ya kudziyanga.

Wafilipi 4:18

Nisakupfokea ugijo mwema muno kuyawa kwenu, ndookomu sasa nina vinji kuchia hivi nivyonatsaka. Si t̯uri kawii kwa dzambo hizi nt̯unu mumumpiyezo Epafurodito aniyeheye nisakuzipfokea. Hachi zinatsakiza dza harufu nyema ya mvuugiya ya kutsomwa iyonayavigwa kwa Muungu, ikamutsakiza nae akaikuḅali.

Filemoni 1:13

Ninkitsaka muno kwamba nikae nae ili aweze kunimpa ugijo pfantu pfako, kwa hu huu muḍa nifungijweo gerenzani kwa dzambo ḍya kuyasumwiiya haya Maagu Mema.

Upfenuo wa Yohana 12:11

Hawa wenzehu wamushinda Shaat̯ani kwa dzambo ḍya hu mwazi wa huyu Mwana Mbuzi wihijweo na kwa dzambo ḍya ushuhuḍa wao weo nao. Koro ntawakuyahwaa maisha yao kuwa na maana, ela wewa t̯ayari hat̯a kufwa kwa dzambo ḍya Ḅwana.