Wafilipi 2:2 - Pokomo

² namuyomba munitsekeze kaḅisa kaḅisa. Nitsekezani kwa kuwa na mat̯aro mamodza, na kwa kutsakana nywinywi na nywinywi na muwe na mojo mumodza na kuhenda kumodza.

Wafilipi 2:2 Iomraidhean Croise

Yohana 3:29

Ḅiḅi harusi, muumewe ni huyu ḅwana harusi. Ḅamujwe huyu ḅwana harusi anatsekea kusumama mya amusikiiye huyu ḅwana harusi akwakunenani. Yesu ndiye huyu ḅwana harusi nami ndimi huyu ḅamujwe, ndookomu mimi nina tsekea muno.

Mahendo 1:14

Wekit̯ut̯aa kuyombani mweedha kwa mweedha pfamodza na wake wangine, na Maria mamajwe Yesu, na wanduguzwe Yesu.

Mahendo 2:1

Nsiku ya *Pentekost̯e ipfofika, hawaḍe wonse wamuhikiziyeo *Kirist̯o wat̯ut̯aa pfantu pfamodza.

Mahendo 2:46

Kula nsiku wekitsanganika pfamodza Hekaluni. Ela wekikaa na kuḍya pfamodza madzumbani mwao. Wetsakana, na wekiḍya hicho chakuḍya na tsekea.

Mahendo 5:12

Hawa ntumi wahenda mafara ya kumakisa na vihambwiizo kahi ya hawa wantu. Hawa wahikiza wonse wekitsanganika pfamodza uani mwa Sulemani.

Warumi 12:16

Ikaiyanani urembo. Manyani mutseewa na kudziona, ela kuḅalini hat̯a kuhenda kazi zizonahendegwa ni mae, na wala namutsedziona wamanyi.

1 Wakorint̯o 1:10

Wandugu zanguni, nyakumuyombani kwa sari ḍya Ḅwana jwehu Yesu Kirist̯o musikiane, ili kutseewa migawikano kahi yenu. Wani kintu kimodza mat̯aroni na kuhendani kwenu.

2 Wakorint̯o 13:11

Wandugu, haya ikaani naghea! Elekanyani hizi njia zenu. Hivi vyuuwo vyangu vihwaeni. Wani wantu wa chuuwo kimodza na muishi na naghea. Na, Muungu ahutsakie na eyenahupfa naghea anawa pfamodza nanywi.

2 Wakorint̯o 2:3

Maana nimworeeyo hihiiḍe ḅaruwa ni kwamba, sikitsaka kudza kwenu huhuuḍe wakati. Koro t̯ambere nidziye huhuuḍe wakati, mundeningiza tsungu muhupfu, na huku ndinywi hawa wantu wa kwamba mundenitsekeza. Na nina hakika kwamba nipfonawa na tsekea, nanywi nyonse munawa na tsekea.

2 Wakorint̯o 7:7

Kihungiziyecho mojo si huku kudzakwe t̯u, ela hat̯a haya maagu ahupfiyeyo, ya namuna mumungiziyevyo mojo. Kahusumwiiya namuna mwivyokut̯amanini kuniona, namuna mwivyokudziut̯ini kwa hayaḍe munihendeeyo, na namuna mwivyo t̯ayari kunihehea. Ndookomu sasa tsekea yangu ni nkuu muno.

Wafilipi 1:4

Na kula nikwakumuyombeani nyonse, nakaa nikamuyombea na tsekea

Wafilipi 2:16

huku mukikigija gu hichi chuuwo chichonawapfa wantu maisha. Mukihenda dza hivi, ndipfo nami nsiku ya Kirist̯o adzeyokudza nawa na saḅaḅu ya kudzivunia, koro idzayanga tswee kwamba hi kazi nihendeyeyo sikufwa ḅasi.

Wafilipi 2:20

Hapfa si muntu yungine eyenamumuud̯amia nywinywi na mojo dza Timoteo.

Wafilipi 4:2

Eyodia na Suntike, nyakumuyombani muvinene hivi vyuuwo vyenu na mupatane kawii dza wake wamuhikiziyeo Ḅwana.

Wakolosai 2:5

Koro hat̯a ingawa sikwaa pfamodza nanywi kimwii, nya pfamodza nanywi kiruhu. Nitsekea muno kusikia kwamba mugija kumuhikiza Kirist̯o na mojo, na mwakuishini kuuḅana ne hachi.

2 Watesalonike 2:13

Nywinywi wandugu mwiwo watsakwa wa Ḅwana, hunatsaka kumwambia ya kwamba, swiswi hunamala kumuyaviza ḍuḍa Muungu kut̯wa kwa dzambo ḍyenu. Muungu kamutsana hangu ḍabvu ili aweze kumupfonya kuchiiya na kwa kudhereswa ni Ruhu Mudheru na kwa kuihikiza hi hachi.

2 Timoteo 1:4

Nyakukumbukani mitsozi iyokubiga ḅagwi, hwipfohukiḍamana, nami nyakut̯amanini kukuona muno, nipate kudzajwa ni tsekea.

Filemoni 1:20

D̯ubva ndugu yangu, nyakukuyombani kwa sari ḍya Ḅwana kwamba, unihendeye hu huu wema ili uweze kuningiza mojo dza Mukirist̯o mwenziwo.

2 Yohana 1:4

Ami niwa na tsekea hii, nipfokudza nikiwaona wangine wa hawa wanao wakuishini hachini, dza viviḍe vya Baba ahuamuriyevyo!

3 Yohana 1:4

Ntaku kintu chichonanitsekeza dza kusikia ya kwamba, hawa wanangu watsakwa wakuishini hachini.