Wafilipi 2:19 - Pokomo

¹⁹ Nyakuyoweeyani kwamba, Ḅwana akitsaka, namuhuma Timoteo kwenu si hat̯a kae ili kwamba niweze kunjia mojo nidzepfopata maagu dzuu yenu.

Wafilipi 2:19 Iomraidhean Croise

Matayo 12:21

Na wantu wonse wa lumwengu yuzima, wadzadzimukwat̯ya jeje.”

Mahendo 16:1

Paulo kenda Dabe makisa kenda Lusitira, kwikokukikaa mwanafund̯i ahanijwe Timoteo. Ewa mwana jwa muke Muyahud̯i muhikiza, kenge ise ewa Muyunani.

Warumi 15:12

Na *nabii Isaya kat̯aḅiri kamba, “Kudzakudza mudzukuu Yese, adzeyewat̯awala wantu wa vyeet̯i. Na madzikwat̯yo yao yonse yadzawa kwakwe.”

Warumi 16:21

Pfokeani kedhya kuyawa kwa Timoteo, huyu muhumisi mwenzangu niiye nae. Hawa Wayahud̯i wenzangu aḍe Lukio, Yasoni na Sosipata, nao pia wamukedhya nto.

1 Wakorint̯o 4:17

Kwa hivyo nyakumuhumani Timoteo kwenu. Jeje ka dza mwanangu. Nimutsaka, na ni muhikizika kuzimuni mwa Ḅwana. Kadzamukumbusya dzuu ya mwenendo wangu kuzimuni mwa Kirist̯o Yesu; mwenendo niwonayongweeza kula tsanganiko ḍya kula pfantu nipfonakwenda.

Waefeso 1:13

Hat̯a nanywi nywinywi wantu wa vyeet̯i vingine, mwipfoyasikia haya *Maagu Mema muyahikiza na Muungu kamupfonya. Na kwa kwamba mumuhikiza Kirist̯o, Muungu kamungiza alama kwa kumumpa huyu Ruhu jwakwe eyemuahid̯ia wantuwe.

Wafilipi 1:1

Mimi Paulo na Timoteo, hwiwo wahumisi wa *Kirist̯o Yesu, hwakumworeani nywinywi wantu wa Muungu nyonse mwiwo Filipi na mwiwokuishini hariani mwa Kirist̯o Yesu. Hwakumworeani nanywi nywinywi wahumisi na wayongozi wa matsanganiko.

Wafilipi 2:18

Dza vivyo nanywi ni had̯i mutsekeye pfamodza nami.

Wafilipi 2:28

Ndookomu nyakutsakani muno kumuhuma kwenu haraka ili kwamba mudzepfomuona, munjie tsekea kawii na hi ngiru yangu iniyawe.

1 Watesalonike 3:5

Ndiyo maana, nipfodhimwa kukaa ḅasi pfasipfo kumanya kiḍechonse dzuu yenu, nimuhuma Timoteo kwenu adzeamanye kwamba e faro yenu muigija na nguvu ambu hat̯a! Niiwa na wasiwasi wa kwamba, Shaat̯ani atseewa kwamba kamamungiza maḍemoni na kamuhendeza muiyekeze hi faro yenu, ne kazi yehu ya kufwa na kupfona huhendeyeyo kahi yenu, iwe kwamba huhenda kazi ya ḅasi.

2 Watesalonike 1:3

Wandugu zangu, swiswi hunamala kumuyaviza ḍuḍa Muungu kut̯wa kwa dzambo ḍyenu. Ni hachi kwehu kuhenda hivi, kwa dzambo ḍya kwamba faro yenu igija kukuya zaid̯i na zaid̯i na mwakugijani kutsakana zaid̯i na zaid̯i.

2 Timoteo 1:12

Ndiyo maana niyokukuntani d̯ina dzevihivi. Ela sidzafwa mojo, koro huyu nimuhikiziye nimumanya ya kwamba ni ga. Nina uhakika wa kwamba, ana uwezo wa kuyamia haya animpiyeyo, mumpaka nsiku ya mwiso.

Yakobo 4:15

D̯ubva nywinywi mwivyonamala kunena ni hidzaa, “Ḅwana akitsaka, na akihuweka mojo, hunahenda visiku na visiku.”

1 Pet̯ero 1:21

Na kuchiiya na kwa Kirist̯o, mumuserefat̯a Muungu. Jeje ndiye amufufwiiye Kirist̯o kuyawa kwa wafu akimumpa marembo, ili nanywi muwe na faro na madzikwat̯yo kwa Muungu.