Wafilipi 2:16 - Pokomo

¹⁶ huku mukikigija gu hichi chuuwo chichonawapfa wantu maisha. Mukihenda dza hivi, ndipfo nami nsiku ya Kirist̯o adzeyokudza nawa na saḅaḅu ya kudzivunia, koro idzayanga tswee kwamba hi kazi nihendeyeyo sikufwa ḅasi.

Wafilipi 2:16 Iomraidhean Croise

Matayo 10:27

Haya niyonakaa na kumuyongweeza kizani, yalalabveni kweupe. Na haya niyonakaa na kumunongonea, yalalabveni wekeani tswee ili kula mumodza ayasikie.

Luka 12:8

Yesu kawakontomeeza amaale kawamba, “Kula adzeenena usoni ya wantu kwamba jeje njwangu, nami mimi *Mwana jwa Ad̯amu nidzanena usoni ya malaika wa Muungu kwamba huyo huyo muntu njwangu.

Yohana 6:63

Eyenapfa wantu maisha ni huyu Ruhu jwa Muungu. Mwanaad̯amu nka echonacho. Na hivi vyuuwo nineneyevyo mvya huyu Ruhu na vinawapfa wantu maisha.

Yohana 6:68

Ela Simioni Pet̯ero kamwambukuya kamwamba, “Ḅwana, hunanuka hunakwenda kwa ga? Wewe ndiwe wiye na vyuuwo vivyonapfa wantu maisha ya kuunga na yuungo.

Mahendo 13:26

Paulo kongeza kunena kamba, “Ndugu zangu wa yuvyee jwa Iburahimu, na wantu wonse wasiokuwa Wayahud̯i weonamuvunzia nkuhi Muungu; haya maagu ya mupfonyo huyayehejwa swiswi.

1 Wakorint̯o 1:8

Na jeje anamungiza nguvu hat̯a mwiso, ili mutsekudzaonekana na t̯amba zuka ḍiḍeḍyonse hiyo hiyo Nsiku ya Ḅwana jwehu Yesu Kirist̯o adzeyokudza yupfii.

1 Wakorint̯o 9:26

Ndiyo maana sidzid̯aramiye ḅasi, na sijwane dza muntu eyekudzipfanukiiyani makonde ḅasi ḅasi.

Wagalatia 2:2

Nyenda kwa dzambo ḍya kwamba Muungu ewa kayanga kwamba nyende. Na nipfokwenda, niwaimusya hawa wayongozi wamanyikaniyeo t̯u hi Injili niyonasumwiiya kwa wantu wa vyeet̯i. Nihenda hivi ili kwamba haya niyokuhendani na hayaḍe niyohenda, yatsekudzatsovyegwa maana.

Wagalatia 4:11

Vyakunishoogesani kwamba, kazi yonse nihendeyeyo kwa dzambo ḍyenu, itseewa kwamba yenda ḅasi.

Wafilipi 1:10

ili kwamba muweze kutsana hayaḍe yeyo mema ya mwiso. Ndookomu nanywi ntamuwe na kat̯amba kaḍekonse wala alano hat̯a nsiku ya Kirist̯o adzepfokudza.

Wafilipi 1:6

Ndookomu nina uhakika kwamba, huyu Muungu aḍabvisiye kazi nyema myojoni mwenu, anagija kuihenda hat̯a idzepfosia Nsiku ya Kirist̯o Yesu adzepfokudza.

1 Watesalonike 2:19

Maana yehu ya kutsaka kuuja kawii huko kwenu, ni kwamba, huna madzikwat̯yo makuu ya kwamba, Ḅwana jwehu Yesu adzepfouja mweedha wa pfii, nywinywi munasumama usoni kwakwe, pfasipfo yutswa. Ndookomu munahupfa kutsekea na kudziona kwa dzambo ḍyenu.

1 Watesalonike 3:5

Ndiyo maana, nipfodhimwa kukaa ḅasi pfasipfo kumanya kiḍechonse dzuu yenu, nimuhuma Timoteo kwenu adzeamanye kwamba e faro yenu muigija na nguvu ambu hat̯a! Niiwa na wasiwasi wa kwamba, Shaat̯ani atseewa kwamba kamamungiza maḍemoni na kamuhendeza muiyekeze hi faro yenu, ne kazi yehu ya kufwa na kupfona huhendeyeyo kahi yenu, iwe kwamba huhenda kazi ya ḅasi.

Waeburania 4:12

Chuuwo cha Muungu chaa mojo, kisa kina nguvu nyinji. Kina makai hat̯a kuchia kisu chicho na makai kuwii. Kinahuna-huna kikanjia hat̯a kwiko mojo na ruhu na kwiko mifufa na mbuju. Na kinayanga wema ambu uzuka wa mat̯aro na t̯amaa za mwanaad̯amu.

1 Pet̯ero 1:23

koro mumaavyajwa yupfii, kuchiiya na kwa chuuwo cha Muungu, chichonapfa wantu maisha ya kuunga na yuungo. Huku kuvyajwa kwenu yupfii si kuvyajwa kimwii ni benaad̯amu hat̯a, ela ni kuvyajwa kiruhu kuchiiya na kwa chuuwo cha Muungu chichonakaa maishi.

1 Yohana 1:1

Hwakumworeani dzuu ya huyu eyenahanwa Chuuwo cha Mojo. Ewapfo hangu ḍabvu. Humusikia na kumuona na matso yehu wenye. Ndivyo, humuona na hat̯a humuhora-hora na mikono yehu.

Upfenuo wa Yohana 22:17

Huyu Ruhu na huyu Ḅiḅi Harusi wamba, “Nzoo!” Na yuḍejwonse avisikiiye hivi hivi nambe, “Nzoo!” Yuḍejwonse eye na nchiu nadze! Atsakiye madzi yeyonapfa wantu maisha yasiyosia, nadze anwe ḅure!