Wafilipi 2:15 - Pokomo

¹⁵ ili kwamba muweze kuwa wantu wasio t̯amba ambu alano iḍeyonse. Ni muwe dza wana wema wa Muungu weokuishini lumwengu jwa wantu wazuka na wanangikiyeo. Yangaani dza muyanga kahi yao,

Wafilipi 2:15 Iomraidhean Croise

Matayo 10:16

Yesu kagija kunena na wanafund̯iwe kawamba, “T̯asikiani, nyakumuhumani mwende dza mbuzi za hako kahi ya mahiyeye. D̯ubva wani makaro muno dza nyoka, ela pia ni muwe wampowe dza ndiwa.

Matayo 17:17

Yesu kawambukuya kawamba, “E nywinywi mu wantu munangikiyeo na musio faro t̯i! Amevihivi nagija kukaa nanywi na kumuit̯isia hat̯a ari?” Kisa kawamba, “Haya muyeheni huyu muurani hapfa.”

Matayo 5:45

Mukihenda hivi, munawa wana wa huyuḍe Baba jwenu jwa yuwinguni. Koro jeje anaḍiwaza hiḍi dzuwa kwa wantu wema na wazuka pia. Ananyesa mvuya kwa wantu weonahenda miro ya Muungu na hat̯a kwa hawaḍe wasiohenda miro ya Muungu.

Matayo 5:48

Ndookomu nichokunenani ni kwamba, wani wagulufu, dza vya Baba jwenu jwa mbinguni aivyo mugulufu.”

Luka 1:6

Wowii wewa wantu wahachi na wamutsakiza Muungu, wakiuḅa amuri na sharia zonse za Ḅwana.

Luka 6:35

Ela mimi nyakumwambiani, watsakeni nyabva wenu na muwahendeye mema. Wapfaseni pfasipfo kuyoweeya kugalichizwa. Mukihenda dzavyo Muungu anamumpa t̯ubvo kuu. Nanywi munawa wana wa Muungu awee dzuu. Jeje ni mwema kwa hawaḍe wasio ḍuḍa na hat̯a kwa wazuka.

Yohana 5:35

Yohana ewa dza tsaa iyoikiyangaa, na nywinywi wenye mwiitsekezwa ni hivi vyuuwovye kwa muḍa, vivyokuwa dza muyanga kwenu.

Mahendo 2:40

Pet̯ero kawafunda na kuwangiza nguvu hawa wantu na vyuuwo vingine vinji akiwamba, “Dzipfonyeni, mutsekudzahukumigwa dza hawa wantu wazuka wa hizi hizi nsiku!”

Mahendo 20:30

Ngera zidzakudza za wantu wangine wa kit̯aro chenu wenye kunena nsuwe ili wawahendeze hawa wahikiza wawauḅe.

Warumi 16:19

Nitsekea kwa dzambo ḍyenu muno kwa kwamba kula muntu kamanya namuna mwivyonamut̯ii Kirist̯o. Ela hat̯a vivyo natsaka muimanye hi hachi na muhende yeyo mema, ili mutsekudzanjia kuhendani mazuka.

1 Wakorint̯o 1:8

Na jeje anamungiza nguvu hat̯a mwiso, ili mutsekudzaonekana na t̯amba zuka ḍiḍeḍyonse hiyo hiyo Nsiku ya Ḅwana jwehu Yesu Kirist̯o adzeyokudza yupfii.

2 Wakorint̯o 6:17

D̯ubva Ḅwana kakunenani na wantuwe akiwamba, “Hawa wasiohikiza yawanani nao na mudzit̯anye nao. Dziwekeni udheruni, d̯ubva nami namukuḅali.”

Waefeso 5:27

Kahenda hivi apate kuḍipfa rembo ḍya kusumamia usoni kwakwe ḍikiwa ntaḍi uchafu wala t̯amba ambu zuka ḍingine ḍiḍeḍyonse. Ekitsaka hiḍi tsanganiko ḍiwe dheru na ḍitseewa na t̯amba zuka ḍiḍeḍyonse.

Wafilipi 1:10

ili kwamba muweze kutsana hayaḍe yeyo mema ya mwiso. Ndookomu nanywi ntamuwe na kat̯amba kaḍekonse wala alano hat̯a nsiku ya Kirist̯o adzepfokudza.

Wafilipi 3:6

Mimi niwa muhiḍu muno jwa kuḍikuntisa d̯ina hiḍi tsanganiko ḍya Muungu. Na dzuu ya kuonegwa muhachi kwa njia ya kuiuḅa hi Sharia ya Musa, ntaku muntu jwa kuniona na tsowa ḍiḍeḍyonse.

1 Watesalonike 5:23

Nyakumuyombani Muungu, eyenahupfa naghea, amudherese muwe wadheru kaḅisa! Jeje namuweke maisha yenu yonse, ya mwii na ruhu, yatseewa na t̯amba zuka ḍiḍeḍyonse, hat̯a nsiku ya Ḅwana jwehu Yesu Kirist̯o adzepfouja mweedha wa pfii.

1 Timoteo 3:10

Ni had̯i wapimigwe nguzi tswee, na wakionekana ya kwamba ntawa t̯amba zuka, d̯ubva wayatsigwe wahumike.

1 Timoteo 3:2

Muyongozi jwa tsanganiko ni had̯i awe muntu asiyealat̯ika. Ni had̯i awe muyume jwa muke mumodza t̯u, awe mutuvu, awe na mvidhyo, awe muntu jwa kuhilwa, awe muntu jwa kukaraḅisha wageni nyumbani mwakwe na awe muntu eyenaweza kuyongweeza wantu.

1 Timoteo 5:14

D̯ubva, ami nindetsaka hawa wake wachiwa waḍoḍo wahwajwe kawii, wavyae wana na wat̯unze madzumba yao, wapate kutsawapfa nyabva wehu kapfango ka kuhunenea mazuka.

1 Timoteo 5:20

Ela hawa wazee weonahenda nabvise, wabuse wekeani tswee, ili hawa wangine nao wanjie oga.

1 Timoteo 5:7

Wapfe hi hii amuri ili kwamba kutseewa na muntu jwa kuwaona na tsowa.

Tito 1:6

Muzee jwa tsanganiko ni kutsaawa na untu muzuka uḍewonse. Ni had̯i awe muyume jwa muke mumodza. Wanawe ni had̯i wawe wantu wahikiziyeo, wasio t̯aḅia nzuka na weonat̯ii wavyazi wao.

Tito 2:10

ambu kuwakwiwiya. Ishinu, ni had̯i wayange kuwa wahikizika kwa kula kintu. Na kwe hi hii namuna, mahendo yao yanayeha shad̯umea kwa hichi chuuwo cha Muungu mupfonya jwehu.

Tito 2:15

Haya ndiyo haya mambo wiyonamala kuyongweeza. Na kwa uwezo wako wonse wiwo nao, wafunde na kuwabusa hawa weonakusikiiya. Dziza muntu jwa kukubalifa.

Waeburania 7:26

Yesu ndiye huyu Mukohani Mukuu haswa hwiyenamala kuwa nae. Jeje ni mudheru, na nka t̯amba zuka wala nabvise. Kat̯engwa na wanabvise na kawekwa pfantu pfa hila nkuu mbinguni dzuu.

1 Pet̯ero 2:12

Ikaani na t̯aḅia nyema kahi ya hawa walumwengu, ili kwamba hat̯a wakimunenea mazuka, wayaone haya mahendo yenu mema na waweze kumushad̯a Muungu nsiku adzeyokudza.

1 Pet̯ero 2:9

Kenge nywinywi mu kyeet̯i kidheru cha wantu watsanijweo ni Muungu. Kamuyavya kizani kamungiza muyangani muwe wakohani wa hila nkuu, ili muweze kulalabva haya mafara yakwe ya kumakisa.

2 Pet̯ero 3:14

D̯ubva wandugu zangu, hali mwakuindiiyani hiyo hiyo nsiku, hendani kula mwichonaweza ili kwamba adzepfokudza amut̯onge mwakuishini maisha ya kutsaawa na tsowa, wala t̯amba ḍiḍeḍyonse, ela amut̯onge mwakuishini maisha ya naghea.

Upfenuo wa Yohana 2:5

Kumbukani hapfaḍe mugwiyepfo napfo, mupfyehuze mama na muwe dza hapfaḍe d̯ura mwipfonihikiza. Ambu sivyo, nakudza naunuya pfantupfe hu muhi wenu wa kupfatsikia tsaa.

Upfenuo wa Yohana 3:9

T̯asikiani! Kuna wantu weokudzihanani wantu wa Muungu na hali huku ni wantu wa Shaat̯ani. Hao nawahendeza wadzewamugwiye maguuni, nao wanahambuya kwamba mimi nimutsaka.