Wafilipi 2:14 - Pokomo

¹⁴ Hendani kula kintu pfasipfo kuḅuguma wala kushindana

Wafilipi 2:14 Iomraidhean Croise

Matayo 20:11

Wakidzawakiipfigwa wanjia kumuwawakiani huyu mwenye hi nkonde

Marko 14:5

Amaa t̯ambere yaguzijwe, ntakundeepatikana fwedha nyinji na nyinji za kupfa masikini?” Ndookomu wamubaukia na tsungu muno.

Marko 9:14

Yesu na hawaḍe wanafund̯i wohahu wepfofika kwa hawaḍe wanafund̯i wangine, waona t̯ut̯a nkuu na nkuu ya wantu iwaringiyeo. Waona waalimu wa Sharia weowakiḍaat̯iana na hawa wanafund̯i.

Luka 5:30

Mafarisayo na wangine kahi yao weokuwa waalimu wa Sharia wawaḅugumia wanafund̯i wa Yesu na kuwauza wakyamba, “Kut̯i mwakuḍyani na kunwa na wahwaa kuwa na wanabvise?”

Mahendo 15:2

Paulo na Baranaba waḍaat̯iana nao vyumuni dzuu ya hiḍi dzambo. Ndookomu ihunikana kwamba Paulo na Baranaba pfamodza na wantu wangine wa hiḍi tsanganiko ḍya Antiokia, wende Yerusalemi wakaḍikaiye chihako hiḍi dzambo na hawa *ntumi na wazee.

Mahendo 15:39

Ndookomu waḍaat̯iana vyumuni, makisa wat̯ana. Baranaba kamuhwaa Marko, wanjia chomboni wenda Kupuro.

Mahendo 15:7

Ḅaad̯a ya yuḍaat̯o yuyeya, Pet̯ero kasumama kamba, “Ndugu zangu, mumanya ya kwamba Muungu kanitsana kae kuyawa kahi yenu niwasumwiiye hawa wantu wa vyeet̯i vingine haya *Maagu Mema wapate kuyasikia na kuyahikiza.

Mahendo 6:1

Hichi kit̯aro cha wahikiza chipfogija kukuya, nyumae kujumuka matsowano kahi ya hawaḍe weowakinena Kiyunani na hawaḍe weowakinena Kieburania. Hawa Wayahud̯i weowakinena Kiyunani wamba kwamba wake wachiwa wao ntawekimuud̯amijwa kwa haḍya zao za kula nansiku.

Warumi 12:18

Kwa yupfande jwenu, ḍemani kula mwivyonaweza ili muishi na naghea na kula muntu.

Warumi 14:1

Hawaḍe wahikiza wenzenu weo na faro isiyodzangora nao pia wakaraḅisheni humu vit̯aroni mwenu. Na wala namutsejumuya yuḍaat̯o nao dzuu ya mambo yao weyonayaona kwamba ni sawa ambu si sawa.

Warumi 16:17

Na sasa wandugu zanguni, nyakumuyombani kwamba mudzit̯unze na hawa wantu weonayongweeza mayongweezo ya kwaarya wantu, yakayeha kutsaimukana na wantu wakaḅaikana vit̯aro vit̯aro. Haya weyokuyongweezani ni garagara na haya mayongweezo muyongweezejweyo. Wantu dzao wakaiyeni kuye.

1 Wakorint̯o 10:10

Namutsewawaka dza vya wangine wao wahendeyevyo na wakiyagwa ni huyu malaika jwa mfwisa.

2 Wakorint̯o 12:20

Nyakushoogeani kwamba nidzepfokudza kwenu, sikudzatsakizwa na hi hali nidzeyomut̯onga nayo, nami idzanimala kuhenda mambo yasiyomutsakiza nywinywi. Nyakushoogeani kwamba nidzamut̯onga mwakuhehani, mwakufwiyanani ḍea, mwakuwekeanani ngoro, na kuwa na umimi, pfamodza na kuwa na nyano, kamba na ambigwa, kudziona, na kuwa na kutsasikiana.

Wagalatia 5:15

Mukikaiya kuumana na kuḅaana-ḅaana dza binensa, manyani, ambu sivyo munakwisana nywinywi na nywinywi.

Wagalatia 5:26

Nahutseewa wantu wa kudziona, wa kuchichibvana ambu wa kufwiyana ḍea.

Wafilipi 2:3

Namutsehenda dzambo ḍiḍeḍyonse na umimi ambu kwa kulacha kudziona. Ela wani na myojo ya umpowe, mukiwahwaa wangine kuwa ḅora zaid̯i kumuchia nywinywi wenye.

1 Watesalonike 5:13

Na kwa dzambo ḍya kazi weyokumuhendeani, wahileni na muwatsake muno. Ishianani na naghea.

1 Watesalonike 5:15

Manyani muntu atsemuipfa halo mwenziwe kwa zuka amuhendeeḍyo. Nywinywi kut̯wa, ḍemani muno kuhendeana mema nywinywi na nywinywi na kuwahendea mema wantu wangine wonse.

Waeburania 12:14

Ḍemani kukaiyana na naghea na wantu wonse na muishi maisha ya udheru, maanaye ntaku adzeyemuona Ḅwana pfasipfo kuishi maisha madheru.

Yakobo 1:20

Koro muntu akireja, nkawezi kuhenda yeyo ya hachi usoni kwa Muungu.

Yakobo 3:14

Ela humu myojoni mukiwa na wivu mwinji na t̯amaa ya kudzikuzya nywinywi ḅasi, namutsedziona mwambe muna mvidhyo, na hali huku mwakuikanani hi hachi ya Muungu.

Yakobo 5:9

Wandugu zangu, namutsekaiya kuwawakiana nywinywi na nywinywi mutsekudzahukumigwa. Manyani, huyu Muhukumu Mukuu kamaawa hafufi kudza!

1 Pet̯ero 3:11

Ni had̯i ayatse kuhenda mazuka na ahende mambo mema. Ni had̯i alache naghea na ailache na hiḍu.

1 Pet̯ero 4:9

Karaḅishanani madzumbani mwenu na myojo misafi, pfasipfo kuḅugumiana.

Yud̯a 1:16

Hawa hawa waalimu wa nsuwe ao meshi kazi yao ni kuḅuguma-ḅuguma na kualat̯a wantu wangine. Wanakaa na kuuḅa hizi t̯amaa zao nzuka nzuka na kudziona kwinji, na wakashad̯a wantu ili waweze kuonegwa wema.