Wafilipi 1:10 - Pokomo

¹⁰ ili kwamba muweze kutsana hayaḍe yeyo mema ya mwiso. Ndookomu nanywi ntamuwe na kat̯amba kaḍekonse wala alano hat̯a nsiku ya Kirist̯o adzepfokudza.

Wafilipi 1:10 Iomraidhean Croise

Matayo 16:23

Ela Yesu kamuperukia Pet̯ero kamupfohosa kamwamba, “Ninukia hapfa Shaat̯ani we! Kwakunikaiyani machingama! Koro hayo wiyokunenani ni mat̯aro ya kibenaad̯amu, si mat̯aro ya kuyawa kwa Muungu!”

Matayo 26:33

Pet̯ero kamwamba, “Ḅwana, hat̯a ikiwa kwamba wonse wakud̯arama, mimi siwezi kukuyatsa meshi.”

Yohana 1:47

Yesu epfomuona Natanaeli kakumudziani, kamba, “Huyu ni Muisiraeli kindindi. Jeje nka makulekule yaḍeyonse!”

Yohana 3:20

Koro kula eyenahenda mazuka kaukeva hu muyanga, na nkawezi kuufikia hafufi kwa dzambo ḍya kushooga kwamba haya mahendoye yanamanyikana.

Mahendo 24:16

Ndookomu nahenda kula nichonaweza kut̯wa, ili niweze kuwa na mojo mwema usoni kwa Muungu na kwa wantu.”

Warumi 12:2

Na manyani amaale mutsekaiya kuuḅa myenendo mizuka mizuka ya huju lumwengu. Ishinu muyatseni Muungu agije kuziperuya mama zenu, na ndipfo mudzepfoihambuya miroye. Yani mudzahambuya kwamba Muungu anatsaka meshi mukikaa na kuhenda mambo mema yeyonamutsakiza na yeyo sawa usoni kwakwe.

Warumi 12:9

Hiḍi tsako ḍyenu naḍiwe tsako ḍya ḍugha. Ni had̯i muwe wantu wa kukeva kuhenda mazuka, na meshi mujwanie kuhenda mambo mema.

Warumi 16:17

Na sasa wandugu zanguni, nyakumuyombani kwamba mudzit̯unze na hawa wantu weonayongweeza mayongweezo ya kwaarya wantu, yakayeha kutsaimukana na wantu wakaḅaikana vit̯aro vit̯aro. Haya weyokuyongweezani ni garagara na haya mayongweezo muyongweezejweyo. Wantu dzao wakaiyeni kuye.

Warumi 2:18

na ukadzihwaiya kwamba kuimanya miro ya Muungu. Unadziona kwamba hi Sharia ikuyongweeza namuna ya kuhambuya mambo yeyo mema ya mwiso.

Warumi 7:16

Na kwa kwamba nakaa na kuhenda haya nisiyotsaka kuyahenda, ḅasi vinayanga wazi kwamba nikuḅali kwamba hi Sharia ni nyema.

Warumi 7:22

Humu mojoni mwangu nakaa nikitsekezwa ni hi Sharia ya Muungu.

Warumi 8:7

Ndookomu muntu eyenat̯aria ḅasi mambo ya kimwii ni nyabva jwa Muungu. Muntu dzae nkawezi kuit̯ii Sharia ya Muungu hat̯a kachuchu.

1 Wakorint̯o 1:8

Na jeje anamungiza nguvu hat̯a mwiso, ili mutsekudzaonekana na t̯amba zuka ḍiḍeḍyonse hiyo hiyo Nsiku ya Ḅwana jwehu Yesu Kirist̯o adzeyokudza yupfii.

1 Wakorint̯o 10:32

Ikaani na njia ya kwamba ntamuwezi kumuhendeza Muyahud̯i ambu muntu asikwaa Muyahud̯i, ambu tsanganiko ḍya Muungu kugwa nabviseni.

1 Wakorint̯o 8:13

D̯ubva, ikiwa kwamba hichi nichonaḍya kinamuhendeza ndugu yangu kuhenda nabvise, siwezi kuḍya nyama kawii meshi, ili nitsemuhendeza ndugu yangu agwe nabviseni.

2 Wakorint̯o 1:12

Hwichonadziona nacho na hwicho na uhakika nacho ni kwamba, maisha yehu humu lumwenguni na uhusiano wehu nanywi, wiwa mbwa kuhikizika na wa kwambiana dza vya Muungu evyonatsaka. Hivi hivi huvihenda kwa nguvu za matsako ya Muungu, na wala si kwa mvidhyo ya kibenaad̯amu.

2 Wakorint̯o 2:17

Swiswi ntahukwaa dza wangine wenji na wenji weonahwaa kusumwiiya chuuwo cha Muungu dza kwamba ni bit̯i t̯u ya kudzilachia maisha. Ishinu, swiswi hunasumwiiya na myojo midheru usoni kwa Muungu, kwa kwamba ndiye ahuhumie na hu wahumisi wa Kirist̯o.

2 Wakorint̯o 6:3

Ntahut̯aki kazi yehu ionekane na tsowa ḍiḍeḍyonse, ndookomu hwakuḍemani hutseewa mpingamizi kwa yuḍejwonse.

2 Wakorint̯o 8:8

Si ya kwamba nyakumuwekeani amuri za kuuḅa. Ela nimuyanga namuna ya matsanganiko ya Makedonia yayaviyevyo mvuugiya na mojo, nipate kumuyowa nimuone nanywi kwamba matsako yenu nza ḍugha ambu hat̯a.

Wagalatia 5:11

Wandugu zangu, t̯ambere mimi nindeewa kusumwiiyani kwamba wantu ni had̯i wahinywe, sindeewa kukuntiswani d̯ina. Koro t̯ambere nindeewa kusumwiiyani hayo hayo ḅad̯ala ya kusumwiiya dzuu ya kufwa kwa Kirist̯o muhini mwa mpatsa, nindeewa sikuwatsowea hawa Wayahud̯i.

Waefeso 4:15

Ishinu hunagija kuiuḅa hi hachi huku hukiwa na mojo wa kutsakana. Ndookomu kwa kula njia, hunakuya hunawa dza Kirist̯o, eye kitswa cha hiḍi tsanganiko.

Waefeso 5:10

Ḍemani kulacha hikiḍe chichonamutsakiza Ḅwana na mukihende.

Waefeso 5:27

Kahenda hivi apate kuḍipfa rembo ḍya kusumamia usoni kwakwe ḍikiwa ntaḍi uchafu wala t̯amba ambu zuka ḍingine ḍiḍeḍyonse. Ekitsaka hiḍi tsanganiko ḍiwe dheru na ḍitseewa na t̯amba zuka ḍiḍeḍyonse.

Waefeso 6:24

Muungu nawavodhye hawaḍe wonse wamutsakiyeo Ḅwana jwehu Yesu Kirist̯o na tsako ḍisiḍyosia.

Wafilipi 1:16

Hawa hawa wakuvihendani wakiwa na matsako, koro wamanya kwamba Muungu kainimpa hi hii kazi ya kuyahehea haya Maagu Mema.

Wafilipi 1:6

Ndookomu nina uhakika kwamba, huyu Muungu aḍabvisiye kazi nyema myojoni mwenu, anagija kuihenda hat̯a idzepfosia Nsiku ya Kirist̯o Yesu adzepfokudza.

Wafilipi 2:16

huku mukikigija gu hichi chuuwo chichonawapfa wantu maisha. Mukihenda dza hivi, ndipfo nami nsiku ya Kirist̯o adzeyokudza nawa na saḅaḅu ya kudzivunia, koro idzayanga tswee kwamba hi kazi nihendeyeyo sikufwa ḅasi.

1 Watesalonike 3:13

Ḅwana jwehu Yesu namungize nguvu, mupate kuwa wadheru na musiwo na t̯amba zuka ḍiḍeḍyonse usoni kwa Muungu Baba, nsiku ya Ḅwana jwehu adzepfokudza na hawaḍe wonse weo wakwe.

1 Watesalonike 5:21

Kipimeni kula chuuwo, muhwae hikiḍe chicho cha ḍugha,

1 Watesalonike 5:23

Nyakumuyombani Muungu, eyenahupfa naghea, amudherese muwe wadheru kaḅisa! Jeje namuweke maisha yenu yonse, ya mwii na ruhu, yatseewa na t̯amba zuka ḍiḍeḍyonse, hat̯a nsiku ya Ḅwana jwehu Yesu Kirist̯o adzepfouja mweedha wa pfii.

1 Yohana 4:1

Watsakwa, namutsemuhikiza kula muntu eyenakwamba ana Ruhu. Ishinu waḍemeni nguzi muwaone kwamba huyu ruhu jwao weyenae njwa Muungu ḍugha ambu hat̯a. Koro humu lumwenguni, kwisakuhandaiya manabii wa nsuwe wenji na wenji.

Upfenuo wa Yohana 2:2

Mimi niyamanya mahendo yenu yonse. Nimanya kuit̯isa kwenu na hiḍu yenu ya kunihumikia. Nimanya ya kwamba ntamuwezi kuit̯isiana na wantu wazuka. Na hat̯a hawa weonadzihendeza kuwa ntumi wangu, nywinywi muwapima na muwahambuya kwamba ni wansuwe.