Waefeso 5:3 - Pokomo

³ Kahi yenu nakutseewa uḅari ambu mahendo machafu machafu yangine yaḍeyonse na wala nakutseewa uhamile. Mambo dza haya ni kutsawapfo kaḅisa kahi ya wantu wa Muungu.

Waefeso 5:3 Iomraidhean Croise

Matayo 15:19

Koro kuzimuni mwa mojo wa muntu, ndimo kwimonayawa mat̯aro mazuka mazuka yeyonamungiza muntu kunjia uḅarini, wivini, uyajini, rangani, kunenani nsuwe na kuneneani wangine mazuka.

Luka 12:15

Makisa kanena na wonse kawamba, “Manyani na mudzit̯unze na hamile, koro vija vinji ntavinamumpa muntu maisha ya ḍugha, hat̯a akiwa jabvadze.”

Luka 16:14

*Mafarisayo wepfosikia haya yonse, wamubalifa, koro wewa wantu watsakiyeo fwedha.

Mahendo 15:20

Ishinu, nahuworeye ḅaruwa ya kuwamba wakwiye chakuḍya kiḍechonse kisichomala kuḍigwa kwa dzambo kiyavigwa mvuugiya kwa miungu; watseevunza ukwe, watseeḍya muḍondo ayagijwe kwa kuhuḍwa, na wala kunwa mwazi.

Mahendo 20:33

Nipfokuwa pfamodza nanywi, sikut̯amani fwedha, dhahaḅu ambu nguo za yuḍejwonse.

Warumi 1:29

Myojo yao idzaa kula aina ya mazuka, kind̯eḍi, hamile na ugiḍifa. Wadzaa murit̯i wa uyaji na kufwia wantu ḍea. Kazi yao ni nkondo na winji wa makulekule na myojo mizuka mizuka kwa wantu. Wao wabarat̯a nyano t̯u

Warumi 16:2

Adzepfokudza mupfokeyeni urembo muno kwa kwamba nyonse mumuhikiza Ḅwana. Munamala kuhenda dzavyo, kwa kwamba nywinywi mu wantu wa Muungu. Kisa mumpeni ugijo uḍewonse adzeotsaka kuyawa kwenu, koro jeje mwenye kawapfa ugijo wantu wenji muno. Hat̯a nami pia kanimpa ugijo.

Warumi 6:13

Namutseziyatsa sehemu ziḍezonse za mii yenu ziihumikie nabvise kwa kuhenda mazuka. Ishinu dziyavyeni kwa Muungu koro muyawa kufwani na sasa mumapfegwa maisha mapfya. Kula kiiriiri cha mii yenu nakihumike kwa kazi nyema ya Muungu.

1 Wakorint̯o 10:8

Ni hutsenjia uḅarini dza vya wangine wao wevyohenda, na wakifwa wantu elefu miyongo miwii na ntahu kwa nsiku modza.

1 Wakorint̯o 5:1

Nisikia kwamba kunjia uḅari muzuka muno kahi yenu. Ni uḅari muzuka wa kwamba hat̯a kahi ya hawa walumwengu ntaupfo. Nisikia kwamba kuna muntu eyekuyaani hat̯a na mukaza babajwe!

1 Wakorint̯o 6:13

Muntu anaweza kwamba, “Chakuḍya ncha hiḍi humbo, na humbo ndya chakuḍya.” Ela nsikuye Muungu kadzavinanga vyonse. Koro mwii wa muntu si wa kutumika kwa mambo ya uḅari, ela mbwa kumuhumikia Ḅwana, na Ḅwana ndiye mut̯awala jwa mii yehu.

1 Wakorint̯o 6:18

Yatsani uḅari. Nabvise zingine zonse za muntu ezonahenda ntaziuhore hu mwii. Ela muntu eyenahenda nabvise ya uḅari kakuuhendeani nabvise hu mwiiwe mwenye.

2 Wakorint̯o 12:21

Nyakushoogeani kwamba, nidzepfokudza kwenu, Muungu jwangu ananihendeza nagijwa ni yutswa kawii kwa dzambo ḍyenu. Nami nidzasikit̯ika kwa dzambo ḍya hawaḍe wagijiyeo kuhenda nabvise pfasipfo kupfyehuza mama, wasiotsaka kuyatsa uḅari, ranga na ubabad̯uma wao.

Waefeso 5:12

Koro haya weyonahenda sirini, hat̯a kuyahadza vyaa yutswa.

Waefeso 5:5

Ni mumanye hakika kwamba, muntu muḅari ambu eye na mahendo machafu machafu ambu muntu muhamile, huyo nkawezi kuwa na uḍalo Uhajuni mwa Muungu na Kirist̯o. Koro muntu muhamile ni sawa na muntu eyenayomba masanamu.

Wafilipi 1:27

Cha mud̯a t̯u ni kwamba, maisha yenu ni yaingane ḍa na hivi vya hi injili ya Yesu Kirist̯o ivyonatsaka. Ni yawe hivi ili kwamba, ninkiweza kudza kwenu ambu ninkitsaweza kudza, nangaa nisikiye kwamba musumama urembo mukiwa na kusuḍi modza, na mukiwa kuiheheani kwa umodza hi faro yenu mwiyonayo kwa haya Maagu Mema.

Wakolosai 3:5

D̯ubva yatsani t̯amaa zenu na mahendo yenu mazuka mazuka mwiyokuwa nayo. Yatsani mambo ya uḅari, mambo machafu machafu, na t̯amaa nzuka nzuka zonse za kimwii na muyatse kumiiya mahe vya wantu. Koro kuwa muntu jwa kumiiya mahe vya wantu ni sawa na kuwa muntu jwa kuyomba miungu ya nsuwe.

1 Watesalonike 4:3

Na, cha Muungu echonatsaka, ni kwamba, muishi maisha ya udheru na mutsenjia uḅarini.

1 Watesalonike 4:7

Koro Muungu nkakuhuhana huishi maisha ya kuhenda uḅari, ela kahuhana huishi maisha ya udheru.

1 Timoteo 2:10

Ishinu, wake Wakirist̯o, ni had̯i watsakize na mahendo yao mema, dza ivyonawamala wake wahuniyeo kudziyavya kwa Muungu.

1 Timoteo 3:3

Ni had̯i atseewa muntu jwa kuruma ambu muntu mundwani wala muchikodzo. Ela ni kuwa muntu mumpowe, na ni had̯i atseewa muntu jwa kutsaka fwedha.

1 Timoteo 6:10

Koro tsako ḍya kutsaka fwedha, ndiḍyo sina ḍya kula aina ya mazuka. Wantu wangine wapfajwa ni mwori wa kulacha fwedha mumpaka waiyekeza hi faro yao na mwiso wadzingiza sia ya mojo.

2 Timoteo 3:2

Wantu wadzawa na umimi, uhamile, kudziona na uchikodzo. Wadzawa wantu wa vitsolo, wasiowasikia wavyazi wao, wasio ḍuḍa, na kuwa wanabvise wasio ḍini.

Tito 1:11

Ni had̯i wanyamazwe, kwa kwamba wakunangani faro za madzumba mazima mazima, kwa kuyongweeza haya mayongweezo ya nsuwe yasiyomala kuyongweezwa. Huju huju yutswa wakujuhendani kudzilachia fwedha.

Tito 1:7

Na kwa kwamba muyongozi jwa tsanganiko ni muntu jwa kusumamia kazi ya Muungu, nka ruhusa ya kuwa na t̯amba zuka. Na ni had̯i atseewa muntu jwa kudziona, atseewa muntu jwa ngoro za mpuyani, atseewa muntu jwa kuruma, atseewa muntu mundwani ambu muntu muhamile jwa kudzilachia fwedha.

Tito 2:3

Na dza vivyo, wambe hawa wake wakuu waishi maisha ya udheru na watsekaiya mambo ya nyano ambu wawe wahumwa wa mvinyo. Ni had̯i wayongweeze yeyo mema,

Waeburania 12:16

Manyani kutseewa muntu muḅari kahi yenu wala muntu asimuhila Muungu dza Esau, aguziye uhangafawe kwa dzambo ḍya kuḍya kwa mweedha mumodza.

1 Pet̯ero 5:2

Wani wat̯ikisa wa hu mwona wa Muungu auyatsiyeo mikononi mwenu. Namutseut̯ikisa dza kwamba mwakusharut̯iswani, ela ut̯ikiseni na hiari yenu, dza vya Muungu evyonatsaka. Hi kazi yenu namutseihenda kwa dzambo ḍya kupata fwedha, ela ihendeni na mojo kindindi wa kutsaka kuhumika.

2 Pet̯ero 2:10

Hi adhaḅu inawa haswa kwa hawaḍe weonauḅa t̯amaa zao nzuka nzuka za kimwii na kubalifa uwezo wa Muungu. Hawa waalimu wa nsuwe wanadziona, na ni wavikodzo. Wala ntawa hila kwa viumbe vya mbinguni. Ishinu wanakaa na kuvitsola-tsola.

2 Pet̯ero 2:14

Hawa ni wantu waḍuijweo, koro ntawa kazi ingine, kazi yao ni kwendea wake mashudha t̯u! Ntawafurume kuhenda nabvise maishi, koro myojo yao ibarat̯a uhamile. Wanawasarat̯a hawaḍe weonaheeka kiurahisi na wakawagisa nabviseni.

2 Pet̯ero 2:3

Kwa dzambo ḍya uhamile wao, hawa waalimu wa nsuwe wadzamusumwiiya mambo menji ya nsuwe ili mupate kuwapfa fwedha. Ela hukumu yao Muungu kaiwawekea iiḍe na hakika anawananga-nanga.

Upfenuo wa Yohana 2:14

Hat̯a vivyo, kuna mambo machuchu yeyokuhendekani yasiyonitsakiza. Wangine wenu wakuuḅani njia ya Balamu, amuyongweezeye Balaki kuwakulakula Waisiraeli wagwe nabviseni na wanjie kuhendani uḅari na kuḍya vyakuḍya viyavijwevyo mvuugiya kwa miungu ya nsuwe.

Upfenuo wa Yohana 2:21

Mimi nimumpa muḍa wa kupfyehuza mama, ela jeje kadziza kuyatsa uḅariwe.

Upfenuo wa Yohana 21:8

Ela woga, wasiohikiza, wantu weonahenda mambo machafu machafu, wayaji, waḅari, watsawi, weonayomba masanamu na wansuwe wonse, hukumu yao wadzafat̯ulwa humuḍe mwa hiḍi ziwa ḍiḍyonawaka moho wa maḅiliḅili. Na huko ndiko kufwa kwa pfii.”

Upfenuo wa Yohana 22:15

Ela weonahendeka dza machughe, watsawi, wantu weonahenda uḅari, wayaji, weonayomba masanamu na wonse watsakiyeo nsuwe, hao ntawawezi kunjia humuḍe mudzini.

Upfenuo wa Yohana 9:21

Na wala ntawakupfyehuza mama wayatse uyaji wao, tsawi, uḅari na wivi wao.