Waefeso 5:11 - Pokomo

¹¹ Namutsegijana na wantu weo kizani muhende haya weyonahenda yasiyokuwa na maana. Ishinu viwambieni tswee kwamba hivi wevyokuhendani ni matsowa!

Waefeso 5:11 Iomraidhean Croise

Matayo 18:15

Yesu kagija kuyongweeza kamba, “Ikiwa kwamba muhikiza mwenziwo kakutsowea, mwendeye sirini ukamwambiye hiḍi tsowa ahendeyeḍyo. Ikiwa kwamba kakusikia na kagwa matsowa, ḅasi unawa kwamba kumuudzya njiani.

Luka 3:19

Kamut̯olela haju Herod̯e, kwa dzambo ḍya kumuhwaa Herod̯ia, eyekuwa mukaza ndugujwe na kwa mazuka yangine ahendeyeo.

Mahendo 26:18

Ni uwapfenuye matso yao na uwaperuye kuyawa kizani wauje muyangani, na wayawe ut̯awalani mwa Shaat̯ani wamuujie Muungu. Ili kwamba, kwa dzambo wanihikiza, Muungu anawayatsia nabvise zao na wadzakaa kuntu kwao kahi ya watsanwa wa Muungu.’

Warumi 13:12

Hu siku umakuchiani na hi nsi imakuchani. Dza vivyo, hi hii ngera ya mambo mazuka mazuka imakuchiani, na Kirist̯o kamaawa hafufi kuuja. D̯ubva nahuyatseni kuhenda mambo ya kiza na hutsukuye vyeera vya kuhuwezesa kujwania muyangani.

Warumi 16:17

Na sasa wandugu zanguni, nyakumuyombani kwamba mudzit̯unze na hawa wantu weonayongweeza mayongweezo ya kwaarya wantu, yakayeha kutsaimukana na wantu wakaḅaikana vit̯aro vit̯aro. Haya weyokuyongweezani ni garagara na haya mayongweezo muyongweezejweyo. Wantu dzao wakaiyeni kuye.

Warumi 6:21

Mwikihenda mambo mazuka mazuka ya kwamba hat̯a yakihadzwa saambi munaona yutswa. Ela kisa mupata kintu ga? Ntamukupata kiḍechonse! Koro haya haya mambo mwisowe yanangiza wantu kufwani.

Wagalatia 6:8

Akiima kuuḅana na t̯amaa zakwe nzuka nzuka za kiwanaad̯amu, anavuna mananzi kuyawana na hizi t̯amaa zakwe. Ela eyenaima kuuḅana na huyu Ruhu, anavuna maisha ya kuunga na yuungo kuyawana na huyu Ruhu.

Waefeso 4:22

Ndookomu haya maisha mazuka mwiyomukiishi d̯ura yayatseni. Ndiyo mala yamuwozya! Mwiiwa mwaara kwa dzambo ḍya kuuḅa t̯amaa zenu nzuka nzuka.

Waefeso 5:12

Koro haya weyonahenda sirini, hat̯a kuyahadza vyaa yutswa.

Waefeso 5:7

Wantu dzao namutsegijana nao.

Wakolosai 1:12

Nanywi meshi munamuyaviza ḍuḍa Muungu Baba jwehu amuhendezeyee kuwa wantuwe, muweze kupata hu uḍalo awekeeyeo wantuwe weokuishini muyangani.

1 Watesalonike 5:7

Koro masaa ya nasiku ndiyo masaa ya wantu weyonayaa, na ndiyo masaa ya walevi weyonaruma.

2 Watesalonike 3:14

Yuḍejwonse kahi yenu, adzeyedziza kuhenda hivi humwambiiyevyo humu ḅaruwani, muyoweni mumanye kwamba ni ga! Kisa namutsenjiiyana nae kwa kiḍechonse, ili apate kugijwa ni yutswa na aperuye mwenendowe.

2 Watesalonike 3:6

Wandugu zangu, swiswi hwakumuamuruni kwa sari ḍya Ḅwana jwehu Yesu *Kirist̯o, kwamba, mudzit̯anye na Mukirist̯o yuḍejwonse asiyetsaka kuhenda kazi. Koro muntu dzae anawa nkakwakuyauḅani haya mayongweezo humuyongweezeyeyo.

1 Timoteo 5:20

Ela hawa wazee weonahenda nabvise, wabuse wekeani tswee, ili hawa wangine nao wanjie oga.

1 Timoteo 5:22

Nkudzorebve kumupfaza muntu mikono umuvodhye kwa kazi ya Ḅwana. Nkudzouwe na mukuruḅa na nabvise za wantu wangine, dziweke udheruni.

1 Timoteo 6:5

na kuḍaat̯iana kusikosia. Haya yonse yanayawana na wantu weo na akili zifwiyezo na wasioimanya hi hachi. Wanat̯ara hat̯a ya kwamba ḍini ni njia ya kumuhendeza muntu awe jabva.

2 Timoteo 3:5

Nanze wanaonekana wantu wachuuwo, ela mahendo yao yanayanga kwamba wakuikanani hi nguvu ye chuuwo cha Muungu. Dzit̯anye na wantu dzao.

2 Timoteo 4:2

Sumwiiya hichi chuuwo. Wewe gija kukisumwiiya ngera zonse, uwe wakatiwe ambu utseewa wakatiwe. Kisumwiiye kuwafunda wantu, kuwabusa na kuwangiza mojo, na wayongweeze na umpowe.

Tito 2:15

Haya ndiyo haya mambo wiyonamala kuyongweeza. Na kwa uwezo wako wonse wiwo nao, wafunde na kuwabusa hawa weonakusikiiya. Dziza muntu jwa kukubalifa.

Upfenuo wa Yohana 18:4

Kisa nisikia saut̯i ingine kuyawa mbinguni ikyamba, “Nywinywi wantu wangu, uyaweni huo mudzi! Uyaweni ili mutsekudzanjia kuhendani haya mazuka yohuo mudzi. Koro mukiuyawa ntamuwezi kuhukumigwa pfamodza nao.