Waefeso 4:4 - Pokomo

⁴ Hwonse pfamodza hu mwii mumodza na hupfokea yuyo Ruhu mumodza. Huna madzikwat̯yo mamodza ya kudzapfokea hayaḍe yonse ya Muungu ahuahid̯iiyeyo epfohuhana kuwa wantuwe.

Waefeso 4:4 Iomraidhean Croise

Matayo 28:19

D̯ubva endani kwa wantu wa vyeet̯i vyonse mukawahendeze kuwa wanafund̯i wangu, mukiwat̯opya kwa sari ḍya Baba na Mwana na Ruhu Mudheru.

Mahendo 15:11

Sivyo hat̯a! Huhikiza ya kwamba hunapfonywa dzao ni t̯ei ya Ḅwana Yesu.”

Warumi 11:29

Koro Muungu akisakumutsana muntu na akimuvodhya, nkanaviperuya kawii avimumpe yungine.

1 Wakorint̯o 10:17

Na kwa dzambo kuna mukahe mumodza, swiswi hwonse, na winji wehu wonse, hu mwii mumodza, koro hwonse hunaḍya uo mukahe mumodza.

1 Wakorint̯o 12:20

Ela viivyo ni kwamba, hivi viiriiri ni vinji, ela vyonse ni uo mwii mumodza.

2 Wakorint̯o 11:4

Nyakumushoogeani kwa hivi mwivyonawapfokea kiurahisi hawa weonakudza kwenu. Haya weyonasumwiiya dzuu ya Yesu ni garagara na hivi humusumwiiyevyo, ela munayahikiza! Munapfokea ruhu asiyekuwa huyu Ruhu Mudheru mupfokeeye kuyawa kwehu. Na hi injili weyonasumwiiya ni garagara na hiḍe yehu humusumwiiyeyo, ela vivyo mwakuipfokeani.

Waefeso 1:18

Pia nyakumuyombeani kwamba amupfenuye akili zenu, mupate kuyaimuka haya madzikwat̯yo amumpiyeyo epfomuhana muwe wantuwe. Na nyakumuyombeani muweze kumanya haya mema menji na menji aahid̯iyeyo kuyawapfa wantuwe.

Waefeso 2:16

Kwa kufwakwe muhini mwa mpatsa, Kirist̯o kanuya uad̯ui kahi yao na kangiza mapatano yao wao na Muungu.

Waefeso 2:18

Na kwa dzambo ḍya hivi vya Kirist̯o ahendeyevyo, hwonse hupata njia ya kumwendea Muungu Baba jwehu, hukigijiijwa ni yuyo Ruhu mumodza.

Waefeso 2:22

Ndookomu kuchiiya na kwa Kirist̯o, nywinywi musiokuwa Wayahud̯i nanywi mwakuunganywani na hawa wantu wonse wa Muungu, muwe Hekalu ya Muungu ya kukaa kuchiiya na kwa huyu Ruhu jwakwe.

Waefeso 4:1

D̯ubva mimi niye mufungwa kwa dzambo ḍya kumuhumikia Ḅwana, nyakumuyombani muishi maisha ya kuyanga kwamba mu wantu wa Muungu ahaniyeo ḍugha!

Waefeso 5:30

Koro swiswi hu viiriiri vya mwii wa Kirist̯o.

Wakolosai 1:5

Nywinywi muwatsaka wantu wonse wa Muungu, kwa kwamba muna madzikwat̯yo ya kwamba, munayapata haya mambo mema muyawekeejweyo mbinguni. Haya haya madzikwat̯yo muyapata hangu mwipfosumwiijwa haya Maagu Mema ya hachi, yani hi Injili.

Wakolosai 3:15

Kula mumodza jwenu ni dza kiiriiri cha hu mwii wa Kirist̯o, na Muungu kamutsana muwe wantuwe na mupate kukaiyana na naghea. D̯ubva hi myojo yenu nait̯awaligwe ni hi naghea ya Kirist̯o amumpiyeyo, na meshi muwe wantu wa kumuyaviza ḍuḍa Muungu.

2 Watesalonike 2:16

Swiswi hwakumuyombeani kwamba, Ḅwana jwehu Yesu Kirist̯o na Muungu Baba jwehu wamungize mojo na kumumpa nguvu, mugije kunena na kuhenda mema. Koro kwa dzambo ḍya kwamba Muungu kahutsaka, kahufwiya t̯ei isiyosia na kahupfa madzikwat̯yo mema ya kudzaishi nae.

1 Timoteo 1:1

Mimi Paulo, ni *ntumi jwa *Kirist̯o Yesu kwa amuri ya Muungu mupfonya jwehu na kwa amuri ya Kirist̯o Yesu, huyu hwiyekudzimukwat̯yani.

Tito 1:2

Hi hii hachi inahupfa madzikwat̯yo ya kupata maisha ya kuunga na yuungo. Muungu ndiye ahuahid̯iiye swiswi haya haya maisha hangu lumwengu ntajudzaumbwa. Na jeje nkanene nsuwe.

Tito 2:13

huku hukiindiiya hiyo Nsiku ya tsekea hwiyokuieghat̯ani. Hiyo hiyo Nsiku, marembo ya Muungu jwehu mukuu na mupfonya jwehu Yesu *Kirist̯o yanaonekana.

Tito 3:7

ili kwamba, kwa kuhufwiya t̯ei kwakwe, hupate kungizwa hariani mwa sawa na Muungu, kisa hupfokee haya maisha ya kuunga na yuungo hudzikwat̯iyeyo kuyapata.

1 Pet̯ero 1:21

Na kuchiiya na kwa Kirist̯o, mumuserefat̯a Muungu. Jeje ndiye amufufwiiye Kirist̯o kuyawa kwa wafu akimumpa marembo, ili nanywi muwe na faro na madzikwat̯yo kwa Muungu.

1 Yohana 3:3

Kula muntu eyekudzikwat̯yani kumuona Kirist̯o, anadziweka udheruni, dza vya Kirist̯o aivyo Mudheru.