Waefeso 4:21 - Pokomo

²¹ Nina hakika kwamba musumwiijwa dzuu ya Yesu, na mwipfomuserefat̯a muyongweezwa hi ya hachi dzuuye.

Waefeso 4:21 Iomraidhean Croise

Matayo 17:5

Ela asidzakwisa kunena, kudza wingu dzeupe ḍiwafinikiziyeḍyo. Makisa kuyawa idzwi na humu winguni ḍikyamba, “Huyu ni Mwanangu mutsakwa, nitsakizijwee nae muno. Musikiiyeni jeje.”

Luka 10:16

Makisa Yesu kanena na wanafund̯iwe kawamba, “Yuḍejwonse adzeemuhikiza nywinywi, kanihikiza mimi. Na yuḍejwonse adzeemudziza nywinywi, kanidziza nami. Na kula anidzizie mimi, kamudziza huyuḍe anihumiye.”

Yohana 1:17

Muungu kaiyavya hi *Sharia kuchiiya na kwa Musa, ela matsakoye na kula kintu dzuuye kachiyanga kuchiiya na kwa Yesu *Kirist̯o.

Yohana 10:27

Mimi mbuzi zangu nizimanya. Zinanisikia na zinaniuḅa.

Yohana 14:17

Huyu huyu Mugijiija ni huyu Ruhu Mudheru eyenayanga wantu hi ya hachi. Ela huju lumwengu ntajuwezi kumupfokea, maanaye ntajumudzi na wala ntajukwakumuhambuyani. Nywinywi le mumumanya, kwa dzambo ḍya kwamba ka pfamodza nanywi na anawa kuzimuni mwenu.

Yohana 14:6

Yesu kamwamba, “Mimi ndimi njia, ndimi hachi na ndimi niyenawapfa wantu maisha ya kuunga na yuungo. Muntu nkawezi kwenda kwa Baba pfasipfo kuchiiya na kwangu.

Warumi 10:14

Ela wantu wanawezadze kuḍihana sari ḍya Ḅwana ikiwa kwamba ntawadzamuhikiza? Na wanawezadze kumuhikiza ikiwa kwamba ntawadzamupata maagu? Na wanawezadze kumupata maagu pfasipfo kusumwiijwa?

2 Wakorint̯o 1:20

Jeje ndiye hi “Ndivyo” ya ahad̯i zonse za Muungu. Ndiyo maana, kut̯wa hunakwamba “Amina” kwa sari ḍya Yesu Kirist̯o. Na kwehii namuna hunawa hwakumushad̯ani Muungu.

2 Wakorint̯o 11:10

Nyakunenani hachi ya Kirist̯o kwamba, ḍyimbo zima ḍya Akaya, ntaku muntu jwa kunivingira kudzishad̯ia hiḍi hiḍi dzambo.

Waefeso 1:13

Hat̯a nanywi nywinywi wantu wa vyeet̯i vingine, mwipfoyasikia haya *Maagu Mema muyahikiza na Muungu kamupfonya. Na kwa kwamba mumuhikiza Kirist̯o, Muungu kamungiza alama kwa kumumpa huyu Ruhu jwakwe eyemuahid̯ia wantuwe.

Waefeso 2:17

Kirist̯o kadza lumwenguni, na kasumwiiya *Maagu Mema ya naghea kwenu nywinywi mwiwokuwa kuye na Muungu na kwehu swiswi Wayahud̯i hwiwokuwa hafufi na Muungu.

Wakolosai 1:5

Nywinywi muwatsaka wantu wonse wa Muungu, kwa kwamba muna madzikwat̯yo ya kwamba, munayapata haya mambo mema muyawekeejweyo mbinguni. Haya haya madzikwat̯yo muyapata hangu mwipfosumwiijwa haya Maagu Mema ya hachi, yani hi Injili.

Wakolosai 1:6

Yayaḍe Maagu Mema muyasumwiijweyo nywinywi, ndiyo yeyokusumwiijwani lumwengu yuzima. Yakud̯achaani kula pfantu. Na kula yepfokusumwiijwani, yakuperuyani maisha ya wantu

Wakolosai 2:7

Gijani kumuhikiza Kirist̯o na muyagije na nguvu haya *Maagu Mema muyayongweezejweyo, nanywi munapata kukuya kuzimuni mwakwe, dza hiviḍe vya muhi wivyonamea mizi na ukakuya. Na ni muwe wantu wa kumuyaviza ḍuḍa Muungu kut̯wa.

1 Yohana 5:20

Na pia humanya ya kwamba huyu Mwana jwa Muungu kadza, na kahupfa kuimuka hupate kumumanya huyu Muungu jwa ḍugha. Naswi hwakuishini kuzimuni mwa huyu Muungu jwa ḍugha, koro hwaa kuzimuni mwa huyu Mwanawe, Yesu Kirist̯o. Na huyu ndiye huyu Muungu jwa ḍugha na ndiye eye na haya maisha ya kuunga na yuungo.