Waefeso 4:13 - Pokomo

¹³ Wanahenda hivi mumpaka hwonse huwe kintu kimodza, kwa dzambo ḍya hivi humumanyiyevyo na humuserefat̯iyevyo huyu Mwana jwa Muungu. Ndookomu hwonse hunawa wantu hungoreyeo faroni, na hunawa na ukamilifu dza huḍe wa Kirist̯o eo nao.

Waefeso 4:13 Iomraidhean Croise

Matayo 11:27

Makisa Yesu kamba, “Baba kanimpa mawezo dzuu ya kula kintu. Ntaku yuḍejwonse amumanyiye huyu Mwana, lamud̯a Baba jeje heket̯u. Na ntaku yuḍejwonse amumanyiye huyu Baba lamud̯a huyu Mwana na hawaḍe wonse wa huyu Mwana atsaniyeo kumuyanganya huyu Baba kwao.”

Yohana 1:16

Na kuyawana na winji wa matsakoye kwehu, hwonse kahuhendea wema mwinji na mwinji.

Yohana 16:3

Wao wanamuhendea dza hivyo, kwa kwamba ntawanidzi mimi wala Baba.

Yohana 17:21

Baaba, nyakuwayombeani kwamba wonse wawe kintu kimodza, dza hivi vyangu nawe hwivyo kintu kimodza. Na nyakuwayombeani kwamba wawe kintu kimodza naswi, ili lumwengu jupate kuhikiza kwamba ndiwe unihumiye.

Yohana 17:3

Na maisha ya kuunga na yuungo, ni kukumanya wewe wiye Muungu jwa ḍugha wewe heket̯u, pfamodza na kunimanya nami mimi Yesu *Kirist̯o unihumiye.

Yohana 6:69

Swiswi humanya na huhikiza ya kwamba wewe ndiwe huyu Mutsanwa jwa Muungu.”

Mahendo 4:32

Hichi kit̯aro cha hawa wahikiza kiiwa dza muntu mumodza mat̯aroni na myojoni mwao. Ntaku afalamiye kijache kuwa chakwe jeje heket̯u. Kula mumodza katumia na mwenziwe hichi echokuwa nacho.

1 Wakorint̯o 1:10

Wandugu zanguni, nyakumuyombani kwa sari ḍya Ḅwana jwehu Yesu Kirist̯o musikiane, ili kutseewa migawikano kahi yenu. Wani kintu kimodza mat̯aroni na kuhendani kwenu.

1 Wakorint̯o 14:20

Wandugu zanguni, mat̯aro yenu nayatseewa ya kiḍyana. Dzuu ya mazuka, wani dza wana wasiomanya kintu, ela mat̯aro yenu nayawe mat̯aro ya kiuntu ukuu.

1 Wakorint̯o 2:6

Hat̯a vivyo, kwa hawaḍe wangoreyeo kiruhu, hivi hwivyokunenani ni vyuuwo vivyo na mvidhyo. Ela hi si mvidhyo ya wantu na wat̯awala wa huju huju lumwengu weokuyoweeyani mwiso wao.

2 Wakorint̯o 4:6

Huyu Muungu ambiye, “Nakuyangae muyanga humu kizani,” ndiye jeje ahendezeye muyangawe uhuyangaiye myojoni mwehu. Hu muyanga unahupfa kuyamanya haya marembo ya Muungu, yeyonayangaa humu usoni mwa Kirist̯o.

Wagalatia 4:19

Wanangu watsakwa, nipatwa ni tsungu kawii kwa dzambo ḍyenu. Ni tsungu wiwo dza tsungu wa muke jwa kuvyaa, na ntauniyawe mumpaka mudzepfovwaa hu untu wa Kirist̯o.

Waefeso 1:17

Nyakumuyombeani kwa Baba jwehu mwenye marembo, eye Muungu jwa Ḅwana jwehu Yesu Kirist̯o. Nyakumuyombeani kwamba Muungu amumpe huyu Ruhu jwa kumumpa mvidhyo na uimufu wa kumumanya jeje zaid̯i na zaid̯i.

Waefeso 1:23

ḍiḍyo dza hu mwiiwe. Kirist̯o ndiye eyenakipfa ukamilifu kula kintu chicho kula pfantu. Na jeje mwenye kakamilika kwa kuungana na hu mwiiwe, yani hiḍi tsanganiko.

Waefeso 2:15

Kwa kufwakwe, Kirist̯o kainuya hi *Sharia ya Kiyahud̯i yonse. Kahenda hivi ili kwamba awahendeze hawa wantu wowii, yani Wayahud̯i na wantu wasiokuwa Wayahud̯i, wawe wantu wamodza waungananiyeo nae. Na kwa kuhenda hivi, kangiza naghea kahi yao wao na wao.

Waefeso 4:12

Kazi yao ni kuwaelekanya wantu wa Muungu kumuhumikia Muungu ili hu mwii wa Kirist̯o, yani hiḍi tsanganiko, ḍipate kumbakika.

Waefeso 4:3

Huyu Ruhu kamuunganya mugala dza kintu kimodza. D̯ubva ḍemani muno kuishiana na naghea mupate kukaa dza kintu kimodza.

Waefeso 4:5

Hwonse Ḅwana jwehu ni mumodza, faro yehu ni modza na hut̯opyegwa mat̯opyo mamodza.

Wafilipi 3:10

Nichokutsakani t̯u ni kugija kumumanya Kirist̯o zaid̯i na zaid̯i, na nizione hizi nguvu zimufufwiiyezo. Na nya t̯ayari kukunta d̯ina kut̯wa dza viviḍe akuntisijwevyo d̯ina, na hat̯a nifwe kwa dzambo ḍyakwe dza viviḍe afwiyevyo kwa dzambo ḍyangu.

Wafilipi 3:8

Gula si hayo t̯u, ela kula kintu nakiona dza hansara ntupfu kwa kwamba natsaka kumumanya Kirist̯o Yesu Ḅwana jwangu, dzambo ḍiiḍyo na thamani kuchia mambo yangine yonse. Nikuḅali kujibat̯a kula kintu kwa dzambo ḍyakwe, koro hayo hayo yonse niyaona kwamba ni kinyenye ili niweze kumupata Kirist̯o.

Wakolosai 1:28

Ndookomu kula hukisumwiiya, hunawasumwiiya wantu dzuu ya Kirist̯o. Hunawabusa na kuwayongweeza na mvidhyo yonse ya Muungu ahupfiyeyo, ili saa wadzeyokwenda usoni kwa Muungu wawe kwamba faro yao kwa Kirist̯o ingora.

Wakolosai 2:2

Nyakuhendani hivi nipate kumungiza mojo na mupate kutsakana muno, na mupate kuwa dza kintu kimodza. Natsaka muwe na uhakika kaḅisa kwamba hichi chuuwo cha Muungu ncha hachi, ili kwamba hi ngadzi ya Muungu, yani *Kirist̯o, mumuimuke urembo.

Waeburania 5:14

Wantu wangoreyeo wanaḍya chakuḍya chumu chumu. Wao wakidzizoweza na wamanya ugaragara wa hikiḍe chicho chema na chicho kizuka.

2 Pet̯ero 1:4

Na kwa dzambo ḍya haya haya maremboye na memaye, kahuahid̯ia kuhupfa mambo makuu muno ya thamani. Na haya ahuahid̯iiyeyo kayahupfa ili kwamba muweze kuishi dza wana wa Muungu. Haya haya kayamumpa ili muweze kupfona kuyawana na haya mambo yeyonawananga wantu wa huju lumwengu, yeyonayehegwa ni t̯amaa nzuka nzuka.

2 Pet̯ero 3:18

Ela gijani kudzikwat̯ya t̯ei ya Ḅwana na mupfonya jwehu Yesu *Kirist̯o na mugije kumumanya jeje zaid̯i na zaid̯i. Ḅwana napfegwe shad̯u hangu hi hii saasambi, na hat̯a pfasipfosia. Amina.

1 Yohana 5:20

Na pia humanya ya kwamba huyu Mwana jwa Muungu kadza, na kahupfa kuimuka hupate kumumanya huyu Muungu jwa ḍugha. Naswi hwakuishini kuzimuni mwa huyu Muungu jwa ḍugha, koro hwaa kuzimuni mwa huyu Mwanawe, Yesu Kirist̯o. Na huyu ndiye huyu Muungu jwa ḍugha na ndiye eye na haya maisha ya kuunga na yuungo.