Waefeso 3:8 - Pokomo

⁸ Na hali kahi ya wantu wonse wa Muungu, mimi ndimi nisiyekuwa na maana jwa mwiso. Ela hat̯a vivyo, Muungu kanimpa kazi ya maana ya kuwasumwiiya wantu wa vyeet̯i dzuu ya mema makuu na makuu ya Kirist̯o yasiyo chima.

Waefeso 3:8 Iomraidhean Croise

Luka 14:22

Na kapfachu, huyu muhumisi kadza kamwamba, ‘Ḅwana, uneneeyo yesakuhendwa, ela amaale kuna namfasi.’

Yohana 1:16

Na kuyawana na winji wa matsakoye kwehu, hwonse kahuhendea wema mwinji na mwinji.

Mahendo 5:41

Hawa ntumi wanuka hapfaḍe gasani wakiwa na tsekea nkuu, ya kwamba Muungu kawatsana wakuntiswe d̯ina kwa dzambo ḍya sari ḍya Yesu.

Mahendo 9:15

Kenge Ḅwana kamwambia Anania, “Enda t̯u koro nimutsana kwa kazi ya mud̯a, aḍihendeze sari ḍyangu ḍimanyikane kwa wantu wa vyeet̯i na kwa mahaju, na kwa wantu wa Isiraeli.

Warumi 11:33

Hu wema wa Muungu eonahuyanga ni mukuu kuchia mama za wanaad̯amu! Mvidhyoye na mipango eyonayo ntahunaweza kuipima. Ya Muungu eyonahuna kuhenda, hat̯a hukiḍema kuyat̯aria na mvidhyo iiyodze, ntahunaweza kuyarorot̯a meshi! Na hat̯a hukiḍema kuzimamat̯a njiaze, ni ga jwa kuziimuka?

Warumi 12:10

Ni had̯i mutsakane nywinywi na nywinywi dza ndugu, na kula mumodza amuhile mwenziwe dza evyonaweza.

Warumi 2:4

Ambu kwakumubalifani Muungu kwa dzambo ḍya kwamba jeje ni munanso muno kwako? Yani kwakuonani kwamba jeje si muharaka jwa kukuadhiḅu na kakukuit̯isiani! Munamba nkwaona hat̯a kwamba hu huu wemawe wonse eokukuhendeani, kakukupfani namfasi nangere ili upate kupfyehuza mama?

1 Wakorint̯o 1:30

Muungu ndiye ahungiziye hariani mwa Kirist̯o Yesu, huyu ahuyangiye mvidhyo ya Muungu. Kirist̯o ndiye ahupfiye kuhwajwa dza wantu wahachi ni Muungu. Ndiye ahupfiye kuwa wadheru na ndiye ahuwekeye huru.

1 Wakorint̯o 15:9

Koro kahi ya hawa ntumi wonse, ndimi muchuchu jwa mwiso. Na sinamala hat̯a kuhanwa ntumi, kwa kwamba niiḍikuntisa d̯ina hiḍi tsanganiko ḍya Muungu.

1 Wakorint̯o 2:9

Ni dza vya matsoro yaneneyevyo yakyamba, “Hikiḍe cha wantu wasichokiona na matso ambu kuchisikia, na hikiḍe cha wantu wasichokit̯aria kwamba kinahendeka, hicho ndicho cha Muungu awaelekanyiziyecho hawaḍe wonse wamutsakiyeo.”

Wagalatia 1:16

kumunipfenwiiya huyu Mwanawe ili nipate kusumwiiya haya *Maagu Mema dzuuye, kwa wantu wa vyeet̯i. Akimamunipfenwiiya Mwanawe akisa, sikulacha maghaghisa ya mwanaad̯amu yuḍejwonse,

Wagalatia 2:8

Waimuka ya kwamba, huyu Muungu amutsaniye Pet̯ero dza *ntumi kwa hawa Wayahud̯i, ndiye anitsaniye mimi dza ntumi kwa wantu wa vyeet̯i.

Waefeso 2:7

Muungu kahenda hivi ili kwamba, ngera zonse zidzezokudza, wantu waone namuna aivyo mut̯ei kuchia chima kuchiiya na kwa Kirist̯o Yesu.

Waefeso 3:1

Mimi Paulo nifungwa gerenzani kwa dzambo ḍya kuhenda kazi ya *Kirist̯o Yesu animpiyeyo, ya kumusumwiiya nywinywi musiokuwa Wayahud̯i.

Waefeso 3:16

Nyakumuyombeani kwamba, kuyawana na winji wa memaye yasiyo chima, amumpe nguvu za kut̯osa za kumukumiiza hi myojo yenu kuchiiya na kwa Ruhu jwakwe.

Waefeso 3:19

Nyakumuyombeani kwamba muweze kuḍiimuka hiḍi hiḍi tsako ḍya Kirist̯o ḍichiiyeḍyo kuimuka kwa wanaad̯amu, ili kwa kula namuna muweze kuwa na hu ukamilifu wa Muungu eo nao.

Waefeso 3:2

Nina hakika musikia kwamba, Muungu kaunimpa hu huu muzigo wa kumusumwiiya nywinywi dzuu ya hi t̯eiye.

Wafilipi 2:3

Namutsehenda dzambo ḍiḍeḍyonse na umimi ambu kwa kulacha kudziona. Ela wani na myojo ya umpowe, mukiwahwaa wangine kuwa ḅora zaid̯i kumuchia nywinywi wenye.

Wafilipi 4:19

Na huyu Muungu jwangu niyenamuhumikia namut̯imiziye haḍya zenu zonse kuyawana na jabvawe mwinji eo nao, eonamumpa kuchiiya kwa Kirist̯o Yesu.

Wakolosai 1:27

Muungu kaona vyema kuiwapfenwiiya wantuwe hi hii ngadzi, ili waweze kumanya kwamba hu ni mupangowe mukuu, wiiwo na maana muno kwa hat̯a wantu wa vyeet̯i vingine. Na hu mupangowe ni kwamba Kirist̯o aishi myojoni mwenu, ili muweze kuwa na uhakika kwamba mudzawa pfamodza nae maremboni mwakwe.

1 Timoteo 1:13

hat̯a ingawa hapfaḍe d̯ura niimunenea mazuka, niimukuntisa d̯ina na kumutsola. Ela Muungu kawa munanso kwangu, kwa dzambo ḍya kwamba niwa sidzamuhikiza Kirist̯o, na niwa sidzi niyonikihenda.

1 Timoteo 1:15

Hu muneno wambiyeo, Kirist̯o Yesu kadza lumwenguni adzeawapfonye wanabvise, ni muneno wa ḍugha wa kwamba wantu wauhikize. Nami mimi mwenye, niiwa ndimi munabvise mukuu jwa mwiso.

1 Timoteo 2:7

Ndiyo maana nitsanijweyo dza *ntumi na mwaalimu jwa wantu wa vyeet̯i vingine, niwasumwiiye haya maagu ye faro ya hachi. Na haya niyokunenani ni ḍugha, si nsuwe hat̯a!

2 Timoteo 1:11

Muungu kanitsana mimi dza ntumi, nisumwiiye na kuyayongweeza haya Maagu Mema.

Upfenuo wa Yohana 3:18

D̯ubva nyakumushaurini muguye kwangu dhahaḅu idheresejweyo na moho, mupate kuwa majabva ḍugha. Na guyani mavwazi meupe ya kuvwaa kuyawa kwangu, mupate kuvinga aeḅu yenu. Guyani na d̯awa ya matso kuyawa kwangu ya kungiza humu matsoni mwenu, mupate kuona.