Waefeso 2:1 - Pokomo

¹ Nywinywi, d̯ura mwiiwa dza wantu mufwiyeo kwa dzambo ḍya kutsamut̯ii Muungu kwenu na kwa dzambo ḍya mahendo yenu yangine ya nabvise mwiyomukihenda.

Waefeso 2:1 Iomraidhean Croise

Matayo 8:22

Ela Yesu kamwamba, “Wewe niuḅa t̯u! Wayatse wafu wawazike wafu wao.”

Luka 15:24

Koro huyu mwanangu ewa kafwa, ela sasa kafufuka. Ewa kaara, ela sasa kaonekana.’ D̯ubva jila iḍabva.

Luka 15:32

Ni hachi kuhenda jila na kutsekea, koro niit̯ara ya kwamba huyu ndugujo ewa kafwa, ela katsi ka mojo. Ewa kaara ela sasa kaonekana.’ ”

Yohana 10:10

Mwivi nkadziye ḍingine, kaziye ni kukwiwa, kunanga-nanga na kudziyagia ḅasi. Ela mimi nidzia kuwapfa wantu maisha ya ḍugha, kisa wawe nayo hat̯a na kufwachaa!

Yohana 14:6

Yesu kamwamba, “Mimi ndimi njia, ndimi hachi na ndimi niyenawapfa wantu maisha ya kuunga na yuungo. Muntu nkawezi kwenda kwa Baba pfasipfo kuchiiya na kwangu.

Yohana 5:21

Na dza hiviḍe vya huyu Baba evyonawafufuya wafu akawapfa maisha, huyu Mwana nae pia anawapfa maisha hawaḍe atsaniyeo.

Yohana 5:25

Hachi nyakumwambiani, ngera zakudzani na hat̯a zimaafika, ambapfo hawaḍe wafwiyeo kiruhu wanaisikia saut̯i yangu mimi Mwana jwa Muungu. Na hawaḍe wadzeoisikia na kuit̯ii, wanaishi.

Warumi 8:2

Koro kuchiiya na kwa Yesu Kirist̯o, hizi nguvu za huyu Ruhu jwa Muungu eyenamumpa maisha ya kuunga na yuungo zisakumuweka huru kuyawana na hi sharia ya nabvise iyonayeha kufwa.

1 Wakorint̯o 15:45

Koro haya matsoro yamba, “Huyu muntu jwa d̯ura, yani Ad̯amu, kawa kiumbe chicho mojo.” Ela huyu Ad̯amu jwa mwiso, ndiye huyu Ruhu eyenawapfa wantu maisha ya kuunga na yuungo.

2 Wakorint̯o 5:14

Hwakuhendani hivi kwa dzambo ḍya kwamba hwakut̯awaligwani ni tsako ḍya Kirist̯o kwehu. Huhikiza kwamba, jeje muntu mumodza kafwa kwa dzambo ḍya wantu wonse, ndookomu ni dza kwamba wantu wonse wafwa huku kufwakwe.

Waefeso 4:18

Ntawadzi kintu na ntawa wechonaimuka kwa dzambo ḍya myojo yao myumu ya kutsaatsaka kuuḅa njia za Muungu. Ndookomu ntawa haya maisha mapfya ya Muungu eyonapfa wantuwe.

Waefeso 5:14

koro muyanga meshi ukikiyangaiya kintu kinamanyikana hiviḍe kiivyo haswa. Ndiyo maana vyambigwa: “Yamuka wewe wiyekuyaani! Sikae dza mufu, fufuka! Na Kirist̯o anakuyangaiya dza dzuwa.”

Wakolosai 2:13

Nywinywi mwiiwa dza wantu mufwiyeo kwa dzambo ḍya kuishi maisha ya nabvise na kwa dzambo mwikit̯awaligwa ni t̯amaa zenu nzuka nzuka mwizokuwa nazo. Ela sasa, Muungu kamufufuya kamumpa maisha mapfya pfamodza na Kirist̯o. Jeje kahuyatsia nabvise zehu zonse.

1 Timoteo 5:6

Ela muke muchiwa adzingizie maisha ya kudzitsekeza, huyo kesakufwa, hat̯a ingawa kakuishini.

1 Yohana 3:14

Humanya ya kwamba huyawa na kufwani, hunjia kuishini. Huvimanya ne ya kwamba, huwatsaka wandugu zehu. Koro yuḍejwonse asiyekuwa na matsako amaale ka dza muntu afwiye.

Upfenuo wa Yohana 3:1

Huyu eyekuwa dza *Mwana jwa Ad̯amu kagija kunena nami kanyamba, “Kwa huyu malaika jwa tsanganiko ḍya Saridi, mworeye umwambe, ‘Huyu eye na hizi ruhu mfungahe za Muungu na hizi nyoha mfungahe, kamba hivi: Mimi nimanya mahendo yenu yonse. Munaonekana dza wantu mwiwo mojo, katsi huku mufwa.