Waefeso 1:6 - Pokomo

⁶ D̯ubva nahumushad̯eni Muungu kwa dzambo ḍya namuna ahufwiiyevyo t̯ei muno kuchiiya na kwa huyu Mwanawe mutsakwa.

Waefeso 1:6 Iomraidhean Croise

Matayo 17:5

Ela asidzakwisa kunena, kudza wingu dzeupe ḍiwafinikiziyeḍyo. Makisa kuyawa idzwi na humu winguni ḍikyamba, “Huyu ni Mwanangu mutsakwa, nitsakizijwee nae muno. Musikiiyeni jeje.”

Matayo 20:9

Hawaḍe wahenda kazi weokudza mioro ya saa kumi na modza wepfokudza, waipfigwa t̯ubvo ḍyao ḍya nsiku nzima.

Matayo 3:17

Makisa kusikika idzwi kuyawa yuwinguni ḍikyamba, “Huyu ni mwanangu mutsakwa, nitsakizijwee nae muno.”

Luka 2:14

“Shad̯u nza Muungu awee dzuu mbinguni, na naghea iwe lumwenguni, kwa wantu atsakizijweo nao!”

Yohana 10:17

Baba kanitsaka kwa dzambo ḍya kwamba nya t̯ayari kuyayavya maisha yangu ili nidzeniyapfokeye mwenye kawii.

Yohana 3:35

Muungu Baba kamutsaka huyu Mwanawe na kamumpa mamulaka dzuu ya kula kintu.

Warumi 8:1

Ndookomu sasa hawaḍe weokuishini hariani mwa Kirist̯o Yesu ntawawezi kuhukumigwa.

2 Wakorint̯o 4:15

Haya haya yonse ni kwa dzambo ḍyenu. Wantu zaid̯i na zaid̯i wakigija kupfonywa kwa t̯ei ya Muungu, wantu wenji wanamuyaviza ḍuḍa Muungu na kumushad̯a zaid̯i na zaid̯i.

2 Wakorint̯o 5:21

Kirist̯o nkakuhenda nabvise iḍeyonse, ela Muungu kamuhendeza kuwa mvuugiya ya nabvise zehu, ili kwamba, kwa njia ya Kirist̯o, Muungu ahuhendeze kuwa wadheru, dza vyakwe jeje aivyo mudheru.

Waefeso 1:12

Muungu kahenda hivi ili kwamba, swiswi Wayahud̯i, hwiwokuwa wa d̯ura wa kumuserefat̯a Kirist̯o, huwahendeze na wantu wangine wamushad̯e Muungu kwa dzambo ḍya wemawe.

Waefeso 1:14

Muungu kamuhupfa huyu huyu Ruhu dza dhamana ya kudzahupfa hayaḍe mema yonse ahuahid̯iiyeyo. Haya haya mema kadzayahupfa swiswi hwiwo wantuwe ngera adzeyohuweka huru kaḅisa. Na hivi vinawahendeza wantu wamushad̯e Muungu.

Waefeso 1:18

Pia nyakumuyombeani kwamba amupfenuye akili zenu, mupate kuyaimuka haya madzikwat̯yo amumpiyeyo epfomuhana muwe wantuwe. Na nyakumuyombeani muweze kumanya haya mema menji na menji aahid̯iyeyo kuyawapfa wantuwe.

Waefeso 2:7

Muungu kahenda hivi ili kwamba, ngera zonse zidzezokudza, wantu waone namuna aivyo mut̯ei kuchia chima kuchiiya na kwa Kirist̯o Yesu.

Wafilipi 1:11

Maisha yenu yadzadzaa mahendo mema ya ḍugha yeyonayehegwa ni Yesu Kirist̯o mwenye. Na kwa hi hii njia, Muungu anashad̯wa na kuhilwa.

Wafilipi 3:9

Mimi si haḍya kawii ya kudzihwaa kuwa muhachi kwa dzambo ḍya kuiuḅa hi Sharia, koro sasa nahwajwa kuwa muhachi kwa njia ya kumuhikiza Kirist̯o. Hivi ndivyo vya Muungu evyonahuhendeza wahachi kwa kuwa na faro.

Wafilipi 4:19

Na huyu Muungu jwangu niyenamuhumikia namut̯imiziye haḍya zenu zonse kuyawana na jabvawe mwinji eo nao, eonamumpa kuchiiya kwa Kirist̯o Yesu.

Wakolosai 1:13

Muungu kahupfonya kuyawana na uhumwa wa nguvu za kiza, na kahungiza uhajuni mwa huyu Mwanawe mutsakwa.

1 Pet̯ero 2:5

Nanywi wani dza mawe ya maana ya kumbakia Hekalu ya kiruhu, ili muwe wakohani wa kuyavya mvuugiya za kiruhu, zizonakuḅaligwa ni Muungu kuchiiya na kwa Yesu Kirist̯o.

1 Pet̯ero 2:9

Kenge nywinywi mu kyeet̯i kidheru cha wantu watsanijweo ni Muungu. Kamuyavya kizani kamungiza muyangani muwe wakohani wa hila nkuu, ili muweze kulalabva haya mafara yakwe ya kumakisa.

1 Pet̯ero 4:11

Muntu akiwa na t̯ola ya kunena vyuuwo vya Muungu, ni had̯i akivinena dza vyuuwo viyawiyevyo kwa Muungu. Muntu akiwa na t̯ola ya uhumisi, ni had̯i ahumike na hizi nguvu apfegejwezo ni Muungu. Na kwa hayo yonse, Muungu mwenye nguvu na uwezo, apate kushad̯wa kuchiiya na kwa Yesu Kirist̯o hat̯a pfasipfosia. Amina.