Waefeso 1:13 - Pokomo

¹³ Hat̯a nanywi nywinywi wantu wa vyeet̯i vingine, mwipfoyasikia haya *Maagu Mema muyahikiza na Muungu kamupfonya. Na kwa kwamba mumuhikiza Kirist̯o, Muungu kamungiza alama kwa kumumpa huyu Ruhu jwakwe eyemuahid̯ia wantuwe.

Waefeso 1:13 Iomraidhean Croise

Luka 11:13

Haya, ikiwa kwamba nywinywi mwiwo wazuka t̯u, mumanya kuwapfa wana wenu vija vyema vyema, ehe fat̯i Baba jwenu jwa mbinguni anawapfa Ruhu Mudheru myeedha myengaa, awaḍe weonamuyomba?”

Luka 24:49

Nami mwenye namuhumia huyu Ruhu Mudheru jwa Baba amuahid̯iyee. Ela ikaani humu mudzini hat̯a mudzepfopfegwa nguvu kuyawa mbinguni.”

Yohana 1:17

Muungu kaiyavya hi *Sharia kuchiiya na kwa Musa, ela matsakoye na kula kintu dzuuye kachiyanga kuchiiya na kwa Yesu *Kirist̯o.

Yohana 14:26

Ela huyu Mugijiija, yani huyu Ruhu Mudheru jwa Baba adzeyemumuhumia kwa sari ḍyangu, kadzamuyongweeza kula kintu. Jeje kadzamukumbusya hayaḍe yonse nimwambiiyeyo.

Yohana 15:26

Mimi namuyehea Mugijiija kuyawa kwa Baba. Jeje ni huyu Ruhu jwa kumuyanga hi ya hachi dzuu ya Muungu. Na adzepfokudza, kadzamushuhuḍia dzuu yangu.

Yohana 3:33

Ela hawaḍe wamuhikiziyeo, wakuyangani kwamba Muungu ni muhachi.

Yohana 6:27

Nywinywi namutsehangaikia chakuḍya chichonanangika! Ishinu hangaikiani chakuḍya kisichonangika, chichonapfa wantu maisha ya kuunga na yuungo. Mimi *Mwana jwa Ad̯amu naweza kumumpa hicho hicho chakuḍya, koro Muungu Baba jwangu kanimpa mamulaka ya kuhenda dzavyo.”

Mahendo 1:4

Epfokuwa pfamodza nao amaale, kawaamuru kawamba, “Namutsenuka Yerusalemi, ela indani t̯ola ya Baba amuahid̯iyeyo, niyomwambia.

Mahendo 13:26

Paulo kongeza kunena kamba, “Ndugu zangu wa yuvyee jwa Iburahimu, na wantu wonse wasiokuwa Wayahud̯i weonamuvunzia nkuhi Muungu; haya maagu ya mupfonyo huyayehejwa swiswi.

Mahendo 2:33

Kapfazwa dzuu hat̯a ḍanda ya mukono kuyume wa Muungu, na kapfokea Ruhu Mudheru dza vya Babajwe evyomuahid̯i. Ndookomu, mwichokuonani na kusikia hi hii saasambi ni huyu Ruhu Mudheru ayehejwe kwehu ni Yesu.

Warumi 1:16

Mimi sione yutswa kuyasumwiiya haya Maagu Mema. Koro haya haya maagu ndiyo nguvu ya Muungu iyonawapfonya wonse weonayahikiza. D̯ura yasumwiijwa kwa Wayahud̯i na wapata mupfonyo, na sasa yakusumwiijwani kwa wantu wa vyeet̯i vingine, nao wakupfonywani.

Warumi 4:11

Iburahimu kahinywa ḅaad̯a ya kwamba Muungu kamuhwaa kuwa muntu muhachi. Kuhinywa kwakwe kwiwa ni alama ya kuyanga kwamba Muungu kamuhwaa kuwa muntu muhachi kwa dzambo ḍya namuna amuserefat̯iyevyo Muungu, ingawa ewa nkadzahinywa. Ndookomu Iburahimu ndiye baba jwa kiruhu jwa hawaḍe wonse wamuhikiziyeo Muungu na wakit̯aligwa kuwa wahachi, ingawa ntawadzahinywa.

Warumi 6:17

Hat̯a vivyo namuyaviza ḍuḍa Muungu, koro kae mwiiwa wahumwa wa nabvise, makisa mudzamuyat̯ii na mojo mumodza haya mayongweezo ya hachi muyongweezejweyo.

2 Wakorint̯o 1:22

na kahungiza gubva ya kuyanga kwamba hu wakwe, na kamuhungiza huyu Ruhu jwakwe myojoni mwehu, dza hakikisho ḍya haya adzeyohuhendea.

2 Wakorint̯o 6:7

kwa kusumwiiya haya maagu ya hachi, na kwa nguvu za Muungu ezonahupfa. Maisha yehu ya kuhenda yeyo ya hachi ndicho cheera chehu cha kujwania na cha kudzichingia nacho.

Wagalatia 3:14

Kirist̯o epfohukombowa, hi mvoni ipfegejweyo Iburahimu ipfegwa na wantu wangine wonse wasiokuwa Wayahud̯i, ili kwamba, kwa kumuhikiza Kirist̯o Yesu swiswi wahikiza hwonse huweze kumupfokea huyu Ruhu jwa Muungu ahuahid̯iiye kumuhupfa.

Waefeso 4:21

Nina hakika kwamba musumwiijwa dzuu ya Yesu, na mwipfomuserefat̯a muyongweezwa hi ya hachi dzuuye.

Waefeso 4:30

Namutsemusikit̯isa huyu Ruhu jwa Muungu. Koro huyu Ruhu ndiyo alama ya Muungu amungiziyeyo kuyanga kwamba mu wantuwe. Anakaa kuzimuni mwenu hat̯a nsiku ya Muungu adzeyomuweka huru kaḅisa kuyawana na mazuka.

1 Watesalonike 2:13

Swiswi huna saḅaḅu ya kumuyaviza ḍuḍa Muungu kut̯wa. Na saḅaḅu yehu ni kwamba, hwipfomusumwiiya chuuwo cha Muungu, nywinywi mukihikiza dza chuuwo cha Muungu. Ntamukuchihwaa dza chuuwo cha mwanaad̯amu, ela muchihwaa dza chuuwo cha Muungu ḍugha. Na hichi hichi chuuwo, chakumuhendezani nywinywi muhikiziyeo, muishi maisha mema.

2 Timoteo 2:15

Ḍema mala wiyonaweza upate kuhikizika kwa Muungu, uwe muhumisi asiyeionea yutswa kaziye na eyenaiyongweeza urembo hi hachi ya haya Maagu Mema ya Muungu.

2 Timoteo 2:19

Ela Muungu kaḍisumamisa hiḍi tsanganiko ḍyakwe dza musinji mumu gu usiosukusika. Na hu musinji woregwa hivi vyuuwo hivi: “Ḅwana kamanya weo wakwe.” Na kawii woregwa hivi: “Yuḍejwonse ambiye njwa Ḅwana, ni had̯i ayayatse mazukaye.”

2 Timoteo 3:15

Na haya matsoro madheru kuyamanya hangu uḍyanani mwako. Haya matsoro yanaweza kukupfa mvidhyo, iyonakuwezesa kupata mupfonyo, kwa kumuhikiza Kirist̯o Yesu.

Tito 2:11

Koro Muungu kayanga matsakoye makuu kwa kuwayehea mupfonyo wantu wonse.

Waeburania 2:3

D̯ubva hukitsaufwanya mupfonyo mukuu dzohuu, hunapfona kutsahukumigwa? Huyu Ḅwana mwenye ndiye jwa d̯ura aneneye dzuu ya hu huu mupfonyo. Na hawa wamusikiiyeo, wavihuyanga tswee kwamba ni ḍugha.

Yakobo 1:18

Kwa miroye mwenye, kahupfa kuvyajwa upfya kuchiiya na kwa hichi chuuwoche cha hachi. Kahenda hivi ili kwamba, kahi ya vyonse aumbiyevyo, swiswi huwe ndiswi viumbe vya maana vya mwiso kwakwe.

Yakobo 1:21

Ndookomu nanywi, dzyapfuseni na kula aina ya hendo zuka na mambo yasiyokuwa mema. Ipfokeyeni na umpowe hi mbeju ya chuuwo cha Muungu ihodzejweyo myojoni mwenu. Koro ndicho chuuwo chichonaweza kumupfonya.

1 Pet̯ero 2:10

Kae ntamwiiwa wantu wa Muungu, ela sasa mumaawa wantu wa Muungu. Kae ntamwiimanya t̯ei ya Muungu, kenge sasa mumapata t̯eiye.

Upfenuo wa Yohana 7:2

Kisa niona malaika yungine ayawiye muyao dzuwa. Ewa katsukuya muhuri wa Muungu eye mojo. Kawakelelea hawaḍe malaika woone weopfegwa uwezo wa kuinanga hi nsi ne ḅahari, kawamba,