Waefeso 1:11 - Pokomo

¹¹ Kula dzambo Muungu anaḍihenda dza evyonatsaka. Jeje kahuna kuhutsana hangu kae na kae huwe wantuwe kwa kuhungiza hariani mwa Kirist̯o.

Waefeso 1:11 Iomraidhean Croise

Mahendo 13:48

Hawa wantu wa vyeet̯i vingine wepfosikia hichi chuuwo watsekea na wamushad̯a Ḅwana kwa maaguye. Na hawaḍe wa Muungu atsaniyeo kuwa na maisha ya kuunga na yuungo, wagala wahikiza.

Mahendo 2:23

Muungu ewa kesakuhuna kwamba Yesu angizwe mikononi mwenu. Koro iwa miroye mwenye, na evimanya vyonse hat̯a visidzahendeka. Nanywi mumuyaga, kwa kuhendeza wantu wanabvise wamupfatsike muhini mwa mpatsa.

Mahendo 20:27

koro sikuḍaḍamaa kumusumwiiya miro yonse ya Muungu.

Mahendo 20:32

Paulo kagija kunena kamba, “D̯ubva nyakumuyatsani na Muungu na Maagu ya t̯eiye. Anaweza kumumbaka na kumumpa mvonize ezonawekea wantuwe wonse.

Mahendo 26:18

Ni uwapfenuye matso yao na uwaperuye kuyawa kizani wauje muyangani, na wayawe ut̯awalani mwa Shaat̯ani wamuujie Muungu. Ili kwamba, kwa dzambo wanihikiza, Muungu anawayatsia nabvise zao na wadzakaa kuntu kwao kahi ya watsanwa wa Muungu.’

Mahendo 4:28

Wet̯ut̯aa kuhenda kula kintu uhuniyecho hangu d̯ura kwa nguvuzo na miroyo mwenye kwamba vinawa.

Warumi 11:34

Dza vya matsoro yaneneyevyo yakyamba, “Ni ga amanyiye mat̯aro ya Ḅwana? Eyenaweza kumumpa ushauri Muungu ni ga?

Warumi 8:17

Kwa kwamba hu wanawe, ḅasi hizi mvoni aziwawekeeyezo wantuwe hunazipata, na hunazipfokea pfamodza na Kirist̯o, kwa kwamba kula kintu cha Muungu amumpiyecho Kirist̯o, naswi pia nchehu. Ela hukitsaka kunjia maremboni pfamodza na Kirist̯o, ni had̯i hukuḅali kukunta d̯ina dza viviḍe vyakwe akuntiyevyo d̯ina.

Warumi 8:28

Humanya kwamba Muungu anahenda kula dzambo ḍipate kuwa dzema kwa hawaḍe wamutsakiyeo na awahaniyeo kuuḅana na mupangowe kwao.

Warumi 8:29

Koro hawaḍe wa Muungu awatsaniyeo iiḍe na iiḍe, pia kawapangia kwamba wawe dza huyu Mwanawe, ili kwamba jeje awe ndiye huyu ndugu yao hangafa.

Warumi 8:30

Hawaḍe wa Muungu awapangiiyeo kuwa wanawe, kawahana. Na hawaḍe awahaniyeo kawahwaa kuwa wahachi, na hawaḍe awahwaiyeo kuwa wahachi, anawapfa maremboye.

Warumi 9:11

Ela hangu hawa wana wepfokuwa ntawadzavyajwa, na wepfokuwa ntawadzahenda dzambo ḍiḍeḍyonse dzema ambu zuka, Muungu kanena na mama jwao kamwamba, “Kyeet̯i cha huyu mukuu, kidzahumikia kyeet̯i cha huyu muḍoḍo.” Ndookomu vinayanga tswee kwamba Muungu anamutsana muntu kuuḅana na hiviḍe evyonapanga mwenye. Nkamutsane muntu kwa dzambo ḍya mahendoye.

Wagalatia 3:18

Koro hi t̯olaye, Muungu nkaimumpe kwa dzambo ḍya kwamba mwakuuḅani Sharia hat̯a, ela anaimumpa kwa kwamba kaahid̯i. Ndookomu Muungu, kwa t̯eiye kamumpa t̯olaye Iburahimu kwa dzambo ḍya kwamba ewa kaahid̯i kuimumpa.

Waefeso 1:14

Muungu kamuhupfa huyu huyu Ruhu dza dhamana ya kudzahupfa hayaḍe mema yonse ahuahid̯iiyeyo. Haya haya mema kadzayahupfa swiswi hwiwo wantuwe ngera adzeyohuweka huru kaḅisa. Na hivi vinawahendeza wantu wamushad̯e Muungu.

Waefeso 1:18

Pia nyakumuyombeani kwamba amupfenuye akili zenu, mupate kuyaimuka haya madzikwat̯yo amumpiyeyo epfomuhana muwe wantuwe. Na nyakumuyombeani muweze kumanya haya mema menji na menji aahid̯iyeyo kuyawapfa wantuwe.

Waefeso 1:5

kahuna hangu kae na kae kuhuhendeza wanawe kuchiiya na kwa haya ya Yesu Kirist̯o ahendeeyo. Muungu kahenda hivi kwa kwamba iwa ndiyo miroye.

Waefeso 1:8

pfasipfo chima. Na kwa mvidhyoye na umanyiwe,

Waefeso 1:9

kaihupfenwiiya hi ngadziye kuchiiya na kwa Kirist̯o. Kahenda hivi kwa kwamba wiwa ni mupangowe.

Waefeso 3:11

Muungu kahuna kuhenda hivi hangu kae na kae kaḅila lumwengu ntajudzaumbwa. Ne saasambi kesakuvit̯imiza kuchiiya na kwa Kirist̯o Yesu Ḅwana jwehu.

Wakolosai 1:12

Nanywi meshi munamuyaviza ḍuḍa Muungu Baba jwehu amuhendezeyee kuwa wantuwe, muweze kupata hu uḍalo awekeeyeo wantuwe weokuishini muyangani.

Wakolosai 3:24

Kumbukani kwamba Ḅwana kadzamumpa hiḍi t̯ubvo aḍiwaahid̯iyeḍyo wantuwe. Koro mukwakuwahumikiani maḅwana wenu dza hivi, munawa kwamba mwakumuhumikiani Kirist̯o mwenye.

Tito 2:14

Jeje kadziyavya maishaye kwa dzambo ḍyehu, ahupfonye na mazuka yonse na kuhudheresa na nabvise zehu, huwe wantuwe jeje heket̯u weo na hamu ya kuhenda mambo mema.

Tito 3:7

ili kwamba, kwa kuhufwiya t̯ei kwakwe, hupate kungizwa hariani mwa sawa na Muungu, kisa hupfokee haya maisha ya kuunga na yuungo hudzikwat̯iyeyo kuyapata.

Waeburania 6:17

Muungu ekitsaka kuviwawekea wazi hawaḍe awawekeyeo ahad̯i, kwamba, nkawezi kuvunza ahad̯i yakwe meshi, ndookomu nae kawayapfia.

Yakobo 2:5

Wandugu zangu watsakwa, nisikiiyani! Muungu katsana hawa weonahwajwa kuwa wantu makowesa wa huju lumwengu na kawahendeza kuwa majabva ya faro. Na ndiwo wadzeouḍala uhajuwe aahid̯iiyeo hawaḍe wonse wamutsakiyeo.

1 Pet̯ero 1:4

Ndookomu hwakuindiiyani kupfokea hizi mvoni za Muungu aziwawekeeyezo wantuwe. Kazihuwekea mbinguni, pfantu zisipfowowa, wala kunangika, nolawe kujara.

1 Pet̯ero 3:9

Muntu akikuhendea dzambo zuka, simugalichizie dzambo zuka. Akikutsola, simugalichizie kitsolo; ishinu muvodhye, koro ndivyo vya Muungu evyonatsaka. Mukihenda hivi, Muungu anamuvodhya.