Waefeso 1:1 - Pokomo

¹ Mimi Paulo nitsanijwee kwa miro ya Muungu kuwa *ntumi jwa *Kirist̯o Yesu, nyakumworeani nywinywi wantu wa Muungu mwiwo Efeso musumamiyeo imara kumuuḅa Kirist̯o Yesu.

Waefeso 1:1 Iomraidhean Croise

Luka 16:10

Yuḍejwonse eyenahikizika na mambo maḍoḍo maḍoḍo anahikizika hat̯a na mambo makuu makuu. Na yuḍejwonse asihikizika na mambo maḍoḍo maḍoḍo, nkanahikizika na mambo makuu makuu.

Mahendo 16:15

Jeje na wantu wa nyumbaye wat̯opyegwa. Makisa kahuhana nyumbani kwakwe, kahwamba, “Ikiwa kwamba muona ya kwamba nimuhikiza Ḅwana hachi, nzoni mukae nyumbani mwangu.” Na kanjia kuhusosobvani hwende kwakwe, hat̯a mwiso hwenda.

Mahendo 18:19

Wepfokwojeka Efeso, Paulo kamuyatsa Pirisila na Akwila. Kenda kanjia sunagogini na kaḍabva kunena na hawa Wayahud̯i.

Mahendo 18:21

Ishinu akwakunukani kawamba, “Muungu akitsaka, namuujia kawii.” Makisa kanjia chomboni kanuka Efeso.

Mahendo 9:13

Ela Anania kamwambukuya kamba, “Ḅwana, wantu wenji wesakunisumwiiya dzuu ya huyu huyu muntu na dzuu ya mambo mazuka yonse awahendeeyeo wantuwo hukuḍe Yerusalemi.

Warumi 1:1

Mimi Paulo, niiye muhumisi jwa *Kirist̯o Yesu, nyakumworeani nywinywi wantu wa Rumi mwiwo wahikiza. Muungu kanitsana dza *ntumi jwa Kirist̯o na kanimpa kazi ya kusumwiiya *Maagu Mema yakwe.

Warumi 1:7

Ndookomu nyakumworeani nywinywi wantu wonse mwiwo Rumi. Nywinywi mu wantu mutsakijweo ni Muungu na akimuhana muwe wantuwe wadheru. Muungu Baba na Ḅwana jwehu Yesu Kirist̯o nawamuvodhye na kumumpa naghea nto.

Warumi 8:1

Ndookomu sasa hawaḍe weokuishini hariani mwa Kirist̯o Yesu ntawawezi kuhukumigwa.

1 Wakorint̯o 4:12

Hwakudzikukani kwa kudzihendea kazi na mikono yehu. Wantu wakihutsola aswi hunawavodhya; wakihukuntisa d̯ina, swiswi hunait̯isa.

1 Wakorint̯o 4:17

Kwa hivyo nyakumuhumani Timoteo kwenu. Jeje ka dza mwanangu. Nimutsaka, na ni muhikizika kuzimuni mwa Ḅwana. Kadzamukumbusya dzuu ya mwenendo wangu kuzimuni mwa Kirist̯o Yesu; mwenendo niwonayongweeza kula tsanganiko ḍya kula pfantu nipfonakwenda.

2 Wakorint̯o 1:1

Mimi Paulo, *ntumi jwa *Kirist̯o Yesu kwa miro ya Muungu, pfamodza na ndugu yehu Timoteo, hwakworani kwenu nywinywi tsanganiko ḍya Muungu ḍiiḍyo Korint̯o na kwa wantu wonse wa Muungu weo ḍyimbo ḍya Akaya.

Wagalatia 1:1

Mimi Paulo, niiye *ntumi, pfamodza na hawa wandugu wonse weo pfamodza nami hapfa, hwakumworeani nywinywi wahikiza wa matsanganiko ya ḍyimbo ḍya Galatia. Humukedhya nto! Muungu Baba na Ḅwana jwehu Yesu Kirist̯o nawamuvodhye na kumumpa naghea nto. Ntaku benaad̯amu wala muntu yuḍejwonse anitsaniye mimi kuwa ntumi. Ela Yesu Kirist̯o na Muungu Baba, huyu amufufwiiye Yesu kuyawa kwa wafu, ndiye anitsaniye mimi kuwa ntumi.

Wagalatia 3:26

Nyonse mu wana wa Muungu kwa njia ya faro hariani mwa Kirist̯o Yesu.

Wagalatia 3:28

Ndookomu ntaku ugaragara kawii kahi ya Muyahud̯i na muntu asikwaa Muyahud̯i, wala kahi ya muhumwa na muntu asikwaa muhumwa, ambu kahi ya muke na muyume, koro nyonse mu wamodza hariani mwa Kirist̯o Yesu.

Wagalatia 3:9

D̯ubva hawaḍe wamuserefat̯iyeo Muungu wavodhyegwa dza viviḍe vya Iburahimu evyomuserefat̯a Muungu nae akivodhyegwa.

Waefeso 1:15

Hangu nipfosikia kwamba mumuhikiza Ḅwana jwehu Yesu na nipfosikia kwamba muwatsaka wantu wonse wa Muungu,

Waefeso 2:10

Muungu ndiye ahuhendezeye kuwa kintu kimodza na Kirist̯o Yesu, ili hupate kukaa na kuhenda haya mema ahutsaniiyeyo kwamba huyahende.

Waefeso 2:13

D̯ura mwiiwa wantu mwiwokuwa kuye na Muungu. Ela sasa mwaa hariani mwa Kirist̯o Yesu. Muungu kamunuha hafufi nae kuchiiya na kwa hu mwazi wa Kirist̯o ehiyeo muhini mwa mpatsa kwa dzambo ḍyenu.

Waefeso 2:6

Jeje kahufufuya dza hiviḍe vya Kirist̯o na kahupfa kukaa pfamodza nae mbinguni kwa kwamba hwaa hariani mwa Kirist̯o.

Waefeso 6:21

Nyakumuhumani Tukiko kwenu amuyeheye maagu dzuu ya hali yangu na haya niyokuhendani huku. Jeje ni muhumisi muhikizika jwa Ḅwana na ni ndugu humutsakiyee muno. D̯ubva nyakumuhumani kwenu adzeamumpe maagu, mumanye hali huiyo na apate kumungiza mojo.

Upfenuo wa Yohana 17:14

Yadzaungana pfamodza nae kujwana viha na huyu Mwana Mbuzi. Ela huyu Mwana Mbuzi na wantuwe kadzawashinda wonse, koro jeje ni Haju jwa mahaju na ni Ḅwana jwa maḅwana wonse. Na hawaḍe wonse weo wakwe ni wantu awatsaniyeo na akiwahana kuwa wakwe, na ni wahikizika.”

Upfenuo wa Yohana 2:10

Mudzakuntiswa d̯ina zaid̯i na zaid̯i mahafufini. Ela namutseshooga. T̯asikiani, Shaat̯ani njwakumuyehea maḍemo ya kuhendeza wangine wenu wangizwe magerenzani. Munawa d̯inani kwa muḍa wa nsiku kumi. Nywinywi hat̯a ni kufwa fwani, ela namutseiyekeza faro yenu. Nami namumpa t̯ubvo ḍya maisha ya kuunga na yuungo.

Upfenuo wa Yohana 2:13

Mimi nimanya kwamba huku mwikokuishini ndiko kwa Shaat̯ani mwenye ekokut̯awalani. Ela faro yenu kwangu muigija gu! Na hat̯a masiku ya Antipa shaahiḍi jwangu muhikizika, epfoyagwa humo mudzini mwenu, wiwo makao ya Shaat̯ani, nywinywi ntamukuuja na nyuma.