Tito 3:9 - Pokomo

⁹ Ela wewe, dzit̯anye na yuḍaat̯o jwa uḍyura na utsekaiya milongo miyeya miyeya ya masari ya wabibi zenu na wala utsenjia matsowanoni na kuhehani dzuu ya hi *Sharia. Haya ni mambo ya uḍyura na yasiyo maana.

Tito 3:9 Iomraidhean Croise

1 Wakorint̯o 13:2

Na naweza kuwa na t̯ola ya kusumwiiya maagu ya Muungu, naweza kumanya kula kintu na kuimuka ngadzi zonse, naweza kuwa na faro ya kut̯osa kusamya mirima, ela ninkitsaawa na matsako kwa wangine, mimi si maana yaḍeyonse.

1 Wakorint̯o 8:1

Sasa, dzuu ya mambo ya vyakuḍya viyavijwevyo mvuugiya kwa masanamu, ni hidzaa: Humanya ya kwamba hwonse huna umanyi, dza mwivyonanena. Ela umanyi dzao unayeha kudziona, hali matsako yanambaka wantu.

1 Timoteo 4:7

Ela nkudzokaiye kusikiiya ngano za nsuwe za kilumwengu. Ishinu dziyongweeze kuishi maisha ya kimuungu.

2 Timoteo 2:14

Hawa wantuwo, wakumbusye haya mambo. Wakanye kwa sari ḍya Ḅwana, watsekaiya kuḍaat̯ia vyuuwo. Huko kuḍaat̯iana ntakumusaiḍie yuḍejwonse, ishinu kunananga faro za wantu wadzeovisikia.

2 Timoteo 2:16

Dzit̯anye na vyuuwo visivyo maana, vivyonangiza wantu kuhendani mazuka zaid̯i na zaid̯i.

2 Timoteo 2:23

Ela wantu weo na yuḍaat̯o jwa uḍyura na jusijo maana, wakaiye kuye. Koro kumanya ya kwamba yuḍaat̯o dzajo, mwiso junasia na kuheha.

Tito 1:14

na watsekaiya kusikiiya ngano za nsuwe za Kiyahud̯i na maamuri ya wantu waidziziyeo hi hachi.

Yakobo 4:1

Aya matsowano na nkondo za kut̯wa kahi yenu, vyakuyehegwani ni kintu ga? Ntavikwakuyehegwani ni azi t̯amaa zenu nzuka nzuka zizokujwanani kuzimuni mwenu hat̯a?