Tito 2:2 - Pokomo

² Wambe hawa wazee wa kiyume wawe wantu watuvu, wantu wa t̯aḅia nyema, wantu wa mvidhyo, na wawe wantu wa faro, wantu wa matsako, na wantu wa kuit̯isa.

Tito 2:2 Iomraidhean Croise

Marko 5:15

Wepfofika hapfaḍe pfa Yesu epfokuwa, wamuona huyuḍe muntu eyekuwa na mpepfo nzuka nyinji na nyinji. Wamuona kakaa chihako, kavwaa nguoze na ndiye na akilize nzima! Ndookomu nao wanjijwa ni oga.

Luka 8:35

Ndookomu wantu wahika kwendayowa haya yahendekeeyo. Wepfofika hapfaḍe pfa Yesu epfokuwa, wamuona huyuḍe muntu ayavijwe hizi mpepfo nzuka. Ewa kakaa chihako hafufi na Yesu akiwa kavwaa nguoze na ndiye na akilize nzima! Ndookomu nao wanjijwa ni oga.

Mahendo 24:25

Kenge Paulo epfogija kunena dzuu ya kuwa muhachi, dzuu ya kudzimiza, na dzuu ya nsiku ya hukumu iyokudzani, Feliki kanjia oga na kamwamba, “Kwe saasambi le unaweza kwenda. Nalacha namfasi ya kukuhumia muntu ḅaad̯aye akuhane.”

Warumi 12:3

Kwa kwamba Muungu kanifwiya t̯ei na kanihendeza niwe *ntumi jwakwe, nyakumwambiani nyonse kwamba mutsedzihwaa kuchia chima. Ela ni mukidzihwaa dza viviḍe muivyo, kula mumodza akidzipima jeje mwenye kuuḅana na hi faro ya Muungu amumpiyeyo.

1 Wakorint̯o 15:34

Dziujeni na nyuma na muyatse kuhenda nabvise. Wangine wenu ntawamudzi Muungu, nami nyakuvimwambiani koro vyaa yutswa.

1 Wakorint̯o 9:25

Kula muntu jwa kunjia mashindano ya mbio anahenda mazowezi ya nguvu kaḅisa na ni had̯i awe muntu jwa kudzimiza! Wanahenda hivi wapate kushinda na wapfegwe t̯ubvo ḍisiḍyokaa, ela swiswi hunahenda hivi hupate kupata t̯ubvo ḍiḍyonakaa maishi.

2 Wakorint̯o 5:13

Hukionekana dza kwamba hwakuyawani kitswa, ni kwa dzambo ḍya Muungu. Ela akili zehu zaa t̯imamu kwa dzambo ḍyenu.

Wagalatia 5:23

umpowe na kudzimiza. Ntaku Sharia iyonayadziza haya haya mambo.

Wafilipi 4:8

Mwiso wandugu zanguni, ikaani mukit̯aria mambo mema, mambo ya hachi na mambo yasiyohwajwa kuwa mazuka. T̯ariani mambo yeyo ya ḍugha, kuwa na t̯aḅia nyema, mambo ya udheru, mambo ya kutsakiza na mambo yeyo ya hila.

1 Watesalonike 5:6

D̯ubva swiswi, nahutseewa kuyaani dza hivi vya hawa wantu wangine wevyokuyaani, ela nahuwe matso na huwe wantu wa kudzimiza.

1 Watesalonike 5:8

Ela kwa dzambo swiswi hu wantu hwiwokuishini muyangani, nahuwe wantu wa kudzimiza. Faro yehu na matsako yehu navihuchinge na mazuka dza hiviḍe vya ngao ivyonamuchinga asikari. Na madzikwat̯yo yehu ya kudzapfonywa na adhaḅu ya Muungu aiwawekeeyo wantu wazuka wonse, nayahuchinge na mazuka dza hiviḍe vya nkofia ya chuma ivyonamuchinga kitswa asikari.

1 Timoteo 1:10

Na kawii, hi sharia inawekwa kwa dzambo ḍya wantu waḅari, wantu weonayaana na nyuma, na weonakwiwa wantu, weonanena nsuwe na weonayavya ushaahiḍi wa nsuwe, ambu wantu waḍewonse weonahenda mambo yeyo tsonso na haya mayongweezo ya hachi.

1 Timoteo 1:14

Ḅwana kanifwiya t̯ei muno na kaniyanga kwamba kanitsaka. Kanihendeza nimuhikize na mojo na kanimpa kuwatsaka wahikiza wenzangu, koro hwonse hwakuishini hariani mwa Kirist̯o Yesu.

1 Timoteo 1:2

Nyakukworeani wewe Timoteo, wiye dza mwanangu hachi faroni mwa Kirist̯o. Muungu Baba jwehu na Kirist̯o Yesu, eye Ḅwana jwehu, nakuvodhye nto, akufwiye t̯ei na kukupfa maisha ya naghea.

1 Timoteo 1:5

Na maana ya hi hii amuri ni kuhuhendeza swiswi na swiswi hutsakane na mojo mumodza. Ni had̯i hutsakane na myojo iyo na faro ya ḍugha na iyonahuhendeza humanye yeyo mema na mazuka.

1 Timoteo 3:11

Hawa wakazao nao, ni had̯i wawe wantu wa t̯aḅia nyema, na watseewa wantu wa nyano. Ni had̯i wawe wantu watuvu na weonahikizika kwa kula kintu.

1 Timoteo 3:2

Muyongozi jwa tsanganiko ni had̯i awe muntu asiyealat̯ika. Ni had̯i awe muyume jwa muke mumodza t̯u, awe mutuvu, awe na mvidhyo, awe muntu jwa kuhilwa, awe muntu jwa kukaraḅisha wageni nyumbani mwakwe na awe muntu eyenaweza kuyongweeza wantu.

1 Timoteo 3:4

Ni had̯i awe muntu amanyiye kuisumamia nyumbaye urembo na kuwahendeza wanawe wamut̯ii na kumuhila.

1 Timoteo 3:8

Wahumisi wa matsanganiko nao, ni kuwa wantu wa t̯aḅia nyema na weonahikizika. Ni had̯i watseewa wantu wa kunwa mvinyo muno ambu wantu wahamile wa kudzilachia fwedha.

1 Timoteo 5:1

Nkudzomubuse muntu mukuu, ela nena nae na umpowe dza kwamba kwakunenani na babajo. Hawa wayume waḍoḍo wahwae dza wanduguzo,

Tito 1:13

Na hivi aneneevyo ni ḍugha. D̯ubva hawa wayongweeza nsuwe wabuse vyumuni, wapate kuwa na faro nyema ya Kikirist̯o,

Tito 1:8

Ishinu, ni had̯i awe muntu jwa kukaraḅisha wageni nyumbani mwakwe, na awe muntu atsakiye mema. Ni had̯i awe muntu jwa kudzimiza, muntu jwa kuhenda yeyo ya hachi, muntu mudheru na muntu jwa kuwa na chima.

Tito 2:7

Wewe mwenye ni had̯i uwe mufaano wa mahendo mema kwao kwa kula dzambo udzeḍyohenda. Waa muntu jwa kuhikizika na wiyenamuud̯ama ukwakuyongweezani.

Filemoni 1:9

Ela kwa dzambo ḍya hivi hutsakananiyevyo, niona kwamba heri nikuyombe kuliko kukuamuru. Ndiyo maana mimi Paulo niiye jarisa, na nifungijwee gerenzani kwa dzambo ḍya Yesu, nyakukuyombani dza ḅamujo.

1 Pet̯ero 1:13

D̯ubva pfenuyani matso muyat̯ariye haya haya urembo, na madzikwat̯yo yenu yonse yawe kwa hi t̯ei mudzeyofwijwa ni Yesu Kirist̯o, adzepfokudza.

1 Pet̯ero 4:7

Mwiso wa lumwengu umaawa hafufi. Ndookomu ni had̯i muzigwaze akili zenu na muwe wantu wa kudzimiza ili muweze kukaa na kuyomba.

1 Pet̯ero 5:8

Pfyenuyani matso na muchimize! Koro huyu nyabva jwenu, Shaat̯ani, kakuzingani dza nsimba eyekuvumiizani, akilacha muntu jwa kumuḍya.

2 Pet̯ero 1:6

Na zaid̯i ya kumumanya Muungu, ni had̯i muwe wantu wa kudzimiza na t̯amaa zenu. Na namutseewa wantu wa kudzimiza t̯u, ela wani pia na wantu wa kuit̯isa mad̯inani. Na mukimaawa wantu wa kuit̯isa, ni had̯i muishi maisha ya kumutsakiza Muungu.