Tito 2:13 - Pokomo

¹³ huku hukiindiiya hiyo Nsiku ya tsekea hwiyokuieghat̯ani. Hiyo hiyo Nsiku, marembo ya Muungu jwehu mukuu na mupfonya jwehu Yesu *Kirist̯o yanaonekana.

Tito 2:13 Iomraidhean Croise

Matayo 16:27

Mimi Mwana jwa Ad̯amu nidzakudza na marembo ya Baba na malaikawe wonse. Na nidzamuhukumu kula muntu kuuḅana na mahendoye.

Matayo 25:31

Yesu kanena kamba, “*Mwana jwa Ad̯amu adzepfokudza na maremboye dza Haju pfamodza na malaikawe wonse, kadzakaa kiti chakwe cha kihaju.

Matayo 26:64

Yesu kamwambukuya kamwamba, “Kuvinena wewe mwenye. Ela hachi nyakumwambiani, hangu hi hii saasambi mudzaniona mimi Mwana jwa Ad̯amu nikaa mukono kuyume wa hila wa Muungu mwenye nguvu zonse. Na mudzaniona nikisuka na mawingu kuyawa mbinguni dzuu.”

Marko 14:62

Yesu kamwambukuya kamwamba, “Ee Ndimi. Kisa mudzaniona mimi Mwana jwa Ad̯amu nikaa mukono kuyume wa hila wa Muungu mwenye uwezo wonse. Na mudzaniona nikisuka na mawingu kuyawa mbinguni dzuu.”

Marko 8:38

Yuḍejwonse adzeenionea yutswa mimi na mayongweezo yangu, usoni ya hichi hichi kivyazi cha nabvise na kisichohikiza, nami mimi Mwana jwa Ad̯amu, nidzamuonea yutswa muntu dzae, nidzepfokudza maremboni mwa Baba pfamodza na malaika wadheru.”

Mahendo 24:15

Nina madzikwat̯yo kwa Muungu, dzao, ya kwamba wantu wonse, wema na wazuka, wadzafufuka kuyawa kwa wafu.

Warumi 15:13

D̯ubva Muungu eyenamumpa madzikwat̯yo, namudzaze tsekea na kumumpa naghea muno huku mukigija kumuserefat̯a jeje. Na kwehii njia munagija kuwa na madzikwat̯yo makuu kwa nguvu za huyu Ruhu Mudheru huku mukiindiya kut̯imizwa kwa hizi ahad̯i za Muungu.

Warumi 5:5

Na haya haya madzikwat̯yo hwiyonayo ntayanahungiza yutswani, koro Muungu kahuyanga matsakoye makuu kuchiiya na kwa Ruhu Mudheru jwakwe. Muungu kamuhukakanyia huyu huyu Ruhu myojoni mwehu dza t̯ola yakwe ahupfiyeyo.

Warumi 8:18

Nina hakika kwamba hizi d̯ina hwizokuzikuntani hi saasambi si kintu, hukiziinganya na haya marembo hudzeyopfegwa.

1 Wakorint̯o 1:7

ndookomu nanywi ntamudzapfungukijwa ni t̯ola iḍeyonse ya kiruhu mala mwiyokuyoweeyani na hamu kudza yupfii kwa Ḅwana jwehu Yesu Kirist̯o.

2 Wakorint̯o 4:4

Wanadziza kuhikiza kwa kwamba, huyu muungu jwa mazuka ya huju huju lumwengu kawafinikiza hizi akili watseimuka. Ntawawezi kuuona hu muyanga wiwokuwayangaiyani. Huu ni hu muyanga wiwonayavigwa ni haya Maagu Mema dzuu ya marembo ya *Kirist̯o eye dza Muungu mwenye.

2 Wakorint̯o 4:6

Huyu Muungu ambiye, “Nakuyangae muyanga humu kizani,” ndiye jeje ahendezeye muyangawe uhuyangaiye myojoni mwehu. Hu muyanga unahupfa kuyamanya haya marembo ya Muungu, yeyonayangaa humu usoni mwa Kirist̯o.

Wakolosai 1:23

Ela ni had̯i mugije kuyahikiza haya Maagu Mema muyasumwiijweyo, na muyagije gu. Ni had̯i mutseyayekeza haya madzikwat̯yo ya Muungu ayamumpiyeyo kuyawana na haya Maagu Mema. Haya ni yayaḍe maagu mwiyosumwiijwa dzuu ya Kirist̯o, yeyokusumwiijwani lumwengu yuzima. Nami mimi mwenye ni mumodza jwa hawaḍe weokuhumikani kwa dzambo ḍya haya haya Maagu Mema.

Wakolosai 1:27

Muungu kaona vyema kuiwapfenwiiya wantuwe hi hii ngadzi, ili waweze kumanya kwamba hu ni mupangowe mukuu, wiiwo na maana muno kwa hat̯a wantu wa vyeet̯i vingine. Na hu mupangowe ni kwamba Kirist̯o aishi myojoni mwenu, ili muweze kuwa na uhakika kwamba mudzawa pfamodza nae maremboni mwakwe.

Wakolosai 1:5

Nywinywi muwatsaka wantu wonse wa Muungu, kwa kwamba muna madzikwat̯yo ya kwamba, munayapata haya mambo mema muyawekeejweyo mbinguni. Haya haya madzikwat̯yo muyapata hangu mwipfosumwiijwa haya Maagu Mema ya hachi, yani hi Injili.

Wakolosai 3:4

Na jeje Kirist̯o, ahupfiye haya maisha mapfya, adzepfokudza lumwenguni, hwonse hudzawa pfamodza nae na hudzawa na marembo dzae.

2 Watesalonike 2:16

Swiswi hwakumuyombeani kwamba, Ḅwana jwehu Yesu Kirist̯o na Muungu Baba jwehu wamungize mojo na kumumpa nguvu, mugije kunena na kuhenda mema. Koro kwa dzambo ḍya kwamba Muungu kahutsaka, kahufwiya t̯ei isiyosia na kahupfa madzikwat̯yo mema ya kudzaishi nae.

2 Watesalonike 2:8

Kisa rhefu, ndipfo pfa huyu muntu muzuka adzepfot̯upuka. Ela Ḅwana jwehu Yesu adzepfokudza, anamuyaga huyu muntu muzuka na chuuwo t̯u. Anamunanga-nanga na maremboye makuu.

1 Timoteo 1:1

Mimi Paulo, ni *ntumi jwa *Kirist̯o Yesu kwa amuri ya Muungu mupfonya jwehu na kwa amuri ya Kirist̯o Yesu, huyu hwiyekudzimukwat̯yani.

2 Timoteo 1:2

nyakukworeani wewe Timoteo, mwanangu nitsakiye. Muungu Baba na Kirist̯o Yesu, eye Ḅwana jwehu, nakuvodhye nto, akufwiye t̯ei na kukupfa maisha ya naghea.

2 Timoteo 4:1

Kwa dzambo ḍya kudza kwa *Kirist̯o Yesu dza haju, nyakukuamuruni usoni kwa Muungu na kwa Yesu Kirist̯o, adzeewahukumu weo mojo na wafwiyeo:

2 Timoteo 4:8

Na sasa hiḍi t̯ubvo ḍya kushinda kwangu ḍyakuniindani. Naḍyo ni t̯ubvo ḍya kwamba niweza kuishi maisha ya udheru. Ḅwana, muhukumu jwa hachi, kadzaḍinimpa hiyo hiyo nsiku ya mwiso. Na nkakudzaḍinimpa mimi t̯u, ela na hawaḍe wonse weokuyoweeyani na hamu kuuja kwakwe.

Tito 1:2

Hi hii hachi inahupfa madzikwat̯yo ya kupata maisha ya kuunga na yuungo. Muungu ndiye ahuahid̯iiye swiswi haya haya maisha hangu lumwengu ntajudzaumbwa. Na jeje nkanene nsuwe.

Tito 1:4

Nyakukworeani wewe Tito, wiye mwanangu hachi kwa haya huhikiziyeyo hwonse. Muungu Baba na Kirist̯o Yesu mupfonya jwehu, nawakuvodhye na kukupfa naghea nto.

Tito 3:4

Ela wema na matsako ya Muungu mupfonya jwehu yepfohudzia,

Waeburania 9:28

Kirist̯o nae kayavigwa dza mvuugiya mweedha mumodza t̯u, ya kunuya nabvise za wenji. Kadzakudza mweedha wa pfii kuwapfonya hawaḍe weokuyoweeyani kudzakwe, nkakwakudza kawii kutsukuya nabvise za wantu.

1 Pet̯ero 1:3

Nahumuyavizeni ḍuḍa Muungu, eye Baba jwa Ḅwana jwehu Yesu Kirist̯o; koro kahufwiya t̯ei muno, hat̯a kahupfa maisha mapfya. Kwa dzambo ḍya kwamba kamufufuya Yesu Kirist̯o kuyawa kwa wafu, kahupfa madzikwat̯yo makuu.

1 Pet̯ero 1:7

Haya maḍemo yadza t̯u, kuzipima hizi faro zenu kuyanga kwamba mumuserefat̯a Muungu ḍugha. Dza vya dhahaḅu ivyonapimwa na kudhereswa na moho, ndivyo vya faro zenu zivyokupimwani na kudhereswa, kuchiiya na kwa haya maḍemo. Na faro zenu kwa Muungu zina thamani kuchia dhahaḅu ambayo nsiku modza idzanangwa. Ndookomu ikiwa kwamba faro zenu zionegwa kwamba ni karit̯u, mudzapata shad̯u, marembo na hila nkuu, nsiku ya Yesu Kirist̯o adzeyokudza.

2 Pet̯ero 1:1

Mimi Simioni Pet̯ero, niiye muhumisi na *ntumi jwa Yesu *Kirist̯o, nyakumworeani nywinywi nyonse mumuhikiziyeo Yesu Kirist̯o, eye Muungu na mupfonya jwehu. Yesu kamuhendeza muwe na faro iyo na thamani dza hi ahupfiyeyo swiswi kwa dzambo ḍya wemawe.

2 Pet̯ero 3:18

Ela gijani kudzikwat̯ya t̯ei ya Ḅwana na mupfonya jwehu Yesu *Kirist̯o na mugije kumumanya jeje zaid̯i na zaid̯i. Ḅwana napfegwe shad̯u hangu hi hii saasambi, na hat̯a pfasipfosia. Amina.

1 Yohana 4:14

Na vya kwamba huyu Baba kamuhuma Mwanawe adze awe mupfonya jwa lumwengu, huviona, na hwakuvisumwiiyani na wangine.

Yud̯a 1:21

Gijani kuishi kuuḅana na matsako ya Muungu, huku mukwakuindiiyani kupata haya maisha ya kuunga na yuungo mudzeyopfegwa ni Ḅwana jwehu Yesu Kirist̯o kwa dzambo ḍya hi t̯eiye eyonayo kwenu.

Upfenuo wa Yohana 1:7

T̯asikiani! Yesu kakudzani! Kakudzani na mawingu na kula dzitso ḍidzamuona. Hat̯a hawaḍe wamusimikiyeo wakimuyaga nao pia wadzamuona. Na vyeet̯i vyonse vimudziziyevyo, vidzasikit̯ika kwa dzambo ḍya kudzakwe. Na ndivyo vidzevyowa! Amina.