Tito 2:12 - Pokomo

¹² Hayo hayo matsakoye, yakuhuyongweezani kwamba huyatse kuishi maisha mazuka na t̯amaa za kilumwengu, huishi maisha ya kudzimiza, yeyo madheru, na ya kimuungu humu humu lumwenguni,

Tito 2:12 Iomraidhean Croise

Matayo 12:32

Yuḍejwonse aneneye chuuwo kizuka dzuu yangu mimi Mwana jwa Ad̯amu anaweza kuyatsijwa. Ela muntu akimukufuru Ruhu Mudheru nkawezi kuyatsijwa huju huju lumwengu na hat̯a lumwengu jwijokudzani.

Matayo 16:24

Makisa Yesu kanena na hawa wanafund̯i kawamba, “Yuḍejwonse atsakiye kuniuḅa mimi ni had̯i aziyatse njiaze za kibenaad̯amu, autsukuye muhiwe wa mpatsa na aniuḅe.

Matayo 28:20

Na pia muwayongweeze kuvigija hiviḍe vyonse nimuamuriyevyo nywinywi. Na hachi nyakumwambiani, mimi nya pfamodza nanywi nsiku zonse mumpaka mwiso wa lumwengu.”

Luka 1:6

Wowii wewa wantu wahachi na wamutsakiza Muungu, wakiuḅa amuri na sharia zonse za Ḅwana.

Luka 1:75

Kanena hivi ili huweze kuishi na Muungu maishi, na hudziyavye kwakwe kwa kuhenda miroye.

Yohana 14:30

Mimi si muḍa muyeya wa kukaiya kunena nanywi amaale, koro huyu haju jwa huju lumwengu kamaawa kudzani. Jeje nka uwezo uḍewonse dzuu yangu.

Yohana 6:25

Na wepfokwenda wakimuona hujuḍe yombe jwa pfii jweḍi ziwa, wamuuza wamwamba, “Mwaalimu, huku huku kudzadze?”

Mahendo 24:16

Ndookomu nahenda kula nichonaweza kut̯wa, ili niweze kuwa na mojo mwema usoni kwa Muungu na kwa wantu.”

Mahendo 24:25

Kenge Paulo epfogija kunena dzuu ya kuwa muhachi, dzuu ya kudzimiza, na dzuu ya nsiku ya hukumu iyokudzani, Feliki kanjia oga na kamwamba, “Kwe saasambi le unaweza kwenda. Nalacha namfasi ya kukuhumia muntu ḅaad̯aye akuhane.”

Warumi 12:2

Na manyani amaale mutsekaiya kuuḅa myenendo mizuka mizuka ya huju lumwengu. Ishinu muyatseni Muungu agije kuziperuya mama zenu, na ndipfo mudzepfoihambuya miroye. Yani mudzahambuya kwamba Muungu anatsaka meshi mukikaa na kuhenda mambo mema yeyonamutsakiza na yeyo sawa usoni kwakwe.

Warumi 6:12

Ndookomu namutseiyatsa nabvise iit̯awale kawii hi mii yenu ya kufwa. Namutseiyatsa imuhendeze mukidzit̯oseza haḍya zenu nzuka nzuka za kimwii.

Warumi 6:19

Nyakumumpani mufaano wa wahumwa na maḅwana zao nangere, kwa dzambo ḍya udhaifu wenu wa kibenaad̯amu. Kae mwiiwa mudziyavya kuwa wahumwa wa mambo machafu na mwikihenda kula aina ya mazuka. Ela sasa dziyavyeni kuwa wahumwa wa kuhenda mambo yeyo ya hachi, ili mugije kuwa wantu wa Muungu ḍugha.

Warumi 8:13

Koro mukiishi maisha ya kut̯awaligwa ni mambo ya kimwii, hachi munafwa. Ela ikiwa kwamba kwa nguvu za Ruhu Mudheru muyatsa kuhenda mambo mazuka kaḅisa, ḅasi munaishi.

2 Wakorint̯o 1:12

Hwichonadziona nacho na hwicho na uhakika nacho ni kwamba, maisha yehu humu lumwenguni na uhusiano wehu nanywi, wiwa mbwa kuhikizika na wa kwambiana dza vya Muungu evyonatsaka. Hivi hivi huvihenda kwa nguvu za matsako ya Muungu, na wala si kwa mvidhyo ya kibenaad̯amu.

2 Wakorint̯o 7:1

Watsakwa, hizi hizi ahad̯i Muungu kazihuwekea swiswi. D̯ubva nahudzidherese kwa kuyatsa kula kintu chichonaihendeza mii yehu na ruhu zehu kutsaawa nd̯eru. Nahuishi maisha ya udheru muhupfu kwa dzambo ḍya kushooga kumutsowea Muungu.

Wagalatia 1:4

Kirist̯o kadziyavya maishaye kahufwiya, apate kuhunwiiya nabvise zehu ili ahupfonye na mazuka ya wantu wa huju huju lumwengu. Hivi kavihenda kuuḅana na miro ya Muungu, eye Baba jwehu.

Wagalatia 5:24

Hawaḍe weo wa Kirist̯o Yesu waupfatsika untu wao muzuka wa kibenaad̯amu pfamodza na hamuze na t̯amaaze nzuka nzuka.

Waefeso 1:4

Jeje kahutsana huwe wantuwe hangu lumwengu ntajudzaumbwa ili ahungize hariani mwa Kirist̯o. Kahutsana huwe wantu wadheru na husiwo t̯amba zuka ḍiḍeḍyonse usoni kwakwe. Na kwa kwamba Muungu kahutsaka,

Waefeso 2:2

Mwikiuḅa mazuka ya wantu wa huju lumwengu na kumut̯ii mut̯awala jwa hizi mpepfo nzuka zizonaishi humu angani. Hii ndiyo ruhu ya mazuka iyokuwat̯awalini hawaḍe wonse wasiotsaka kumut̯ii Muungu.

Wakolosai 1:22

Ela sasa, Muungu kangiza naghea kahi yakwe nanywi, kwa kumuyatsa Mwanawe awe mwanaad̯amu kisa afwe muhini mwa mpatsa. Kahenda hivi ili kwamba, mudzepfosumama usoni yakwe, amuone mu wadheru na musiwo nabvise, wala t̯amba zuka ḍiḍeḍyonse.

1 Watesalonike 4:7

Koro Muungu nkakuhuhana huishi maisha ya kuhenda uḅari, ela kahuhana huishi maisha ya udheru.

1 Watesalonike 4:9

Na, dzuu ya kutsakana nywinywi na nywinywi dza wana wa Muungu, ntaku haḍya kwehu kumworea kiḍechonse, koro Muungu mwenye ndiye amuyongweezeye kutsakana.

1 Timoteo 4:12

Nkudzowayatse wantu wakubalife kwa dzambo ḍya kwamba u mwana, ela ikaa dza mufaano kwa hawa wahikiza, kwa kunena kwako, t̯aḅia yako, matsakoyo, na kwa kuhikizika kwako na uishi maisha yasiyo alano.

1 Timoteo 6:17

Waamuru hawaḍe weo majabva huju huju lumwengu, watsedziona na wala watsedzikwat̯ya hu huu ujabva usiwo maana. Ishinu nawadzimukwat̯ye Muungu, eye mubalicha jwa kuhupfa kula kintu cha kuhutsekeza.

1 Timoteo 6:9

Ela wantu weokutsakani kuwa majabva, wananjia maḍemoni, Shaat̯ani akawagiza. Anawagiza na hamu nyinji na nyinji nzuka nzuka na za uḍyura, zizonawangiza mananzini na kunangwani-nangwani.

2 Timoteo 3:12

Hawaḍe wonse weonatsaka kuishi maisha madheru hariani mwa Kirist̯o Yesu, wanakuntiswa d̯ina.

2 Timoteo 4:10

Koro D̯ema kahekeka na mambo ya huju huju lumwengu, na kanid̯arama kachia Tesalonike. Ae Kireseni kenda Galatia, na Tito kachia Dalimatia.

Tito 3:3

Koro swiswi wenye d̯ura hwiiwa wantu maḍyura, husiwomut̯ii Muungu na hwaariyeo. Hwiiwa wahumwa wa t̯amaa zehu za kudzitsekeza na wahumwa wa kula aina ya raha. Maisha yehu yonse yasiiya mazukani na kufwiyanani ḍea; wantu wehukeva naswi hwiiwakeva.

Waeburania 8:11

Kudzawa ntaku haḍya ya muntu jwa kumuyongweeza mwenziwe ambu ndugujwe, amwambe amumanye Ḅwana. Koro hangu mukuu hat̯a muḍoḍo, wonse wanawa wanimanya kwamba mimi ndimi Muungu jwao.

Yakobo 1:27

Muntu jwa Muungu Baba jwehu eyenamuhwaa kuwa muntu muchuuwo jwa ḍugha na asiye t̯amba, ni huyuḍe eyenat̯unza wake wachiwa na wana wachiwa weo na d̯ina, na kudzit̯unza mwenye atsedzinanga kwa kuhenda mazuka ya wantu wa huju huju lumwengu.

2 Pet̯ero 2:9

D̯ubva haya yonse yanahuyanga namuna ya Muungu amanyiyevyo kuwayavya mad̯inani hawaḍe weonamuhila. Na pia kamanya namuna ya kuwaadhiḅu wantu wazuka, hali wakwakuindiiyani hi nsiku halisi ya hukumu.

2 Pet̯ero 3:11

D̯ubva ikiwa kwamba kula kintu kidzanangwa dzevihivi, mani munamala kuwa wantu weodze? Ntamunamala kudziyavya kwa Muungu na muishi maisha ya udheru hat̯a?

1 Yohana 2:27

Ela nywinywi, Kirist̯o kamukakanyia Ruhu jwakwe. Na mala adzeyokaa kuzimuni mwenu, ntamu t̯uri wa muntu jwa kumuyongweeza, koro huyu Ruhu anamuyongweeza kula kintu. Na echonayongweeza ni ḍugha, si nsuwe! D̯ubva yagijeni haya mayongweezo ya huyu Ruhu, mukae kuzimuni mwa Kirist̯o.

1 Yohana 2:6

Yuḍejwonse ambiye kakuishini Muunguni, ni had̯i aishi dza viviḍe vya Yesu Kirist̯o aishiyevyo.

1 Yohana 5:19

Humanya ya kwamba hu wana wa Muungu, ela lumwengu jwonse jwaa mikononi mwa Muzuka Shaat̯ani.

Yud̯a 1:18

Wamwamba, “Ngera za mwiso kudzawa na wantu weo na baladha weonat̯awaligwa ni t̯amaa zao nzuka nzuka pfasipfo hat̯a kumushooga Muungu.”

Upfenuo wa Yohana 14:12

Kwa hali dzehii, hawa wantu wa Muungu weonaziuḅa sharia zakwe na wagijiyeo kumuserefat̯a Yesu, wanamala kuwa wantu wa kuit̯isa.