Matayo 9:6 - Pokomo

⁶ Natsaka kumuyanga kwamba mimi *Mwana jwa Ad̯amu nina mamulaka ya kuyatsia wantu nabvise humu lumwenguni.” Kisa kamwamba huyu muntu ahinamfiye, “Nuka wima, hwaa hiḍi t̯at̯aḍyo wende nyumbani.”

Matayo 9:6 Iomraidhean Croise

Matayo 4:24

D̯ubva kula pfantu, wantu waḍabva kunena wemawe, na shad̯umeaye ifika hat̯a ḍyimbo ḍya Siria. Wantu wamuyehea wajwazi weokuwa na nd̯wari za kula namuna. Hangu wantu weokuwa na mpepfo nzuka, weokuwa na vifofo, na hat̯a weohinamfa, wonse wayehegwa kwa Yesu awapfonye, nae kawapfonya wonse.

Matayo 8:20

Ela Yesu kamwamba, “Hamabworama wana mpango zao, na nyuni wana vitsanza vyao. Ela mimi *Mwana jwa Ad̯amu, hat̯a pfantu pfa kujufinikiza yukopfe si kintu.”

Matayo 9:2

Hukuḍe kapfiikijwa muntu ahinamfiye atsukwiijwe na t̯at̯a. Yesu epfoona faro ya hawaḍe wantu wamutsukwiiyeo, kamwamba huyu ahinamfiye, “Mwanangu, dzipfe mojo, nabvisezo kuziyatsijwa.”

Matayo 9:5

Koro vivodho vya kunena ni vi? Kumwamba huyu muntu, ‘Nabvisezo kuziyatsijwa?’ Ambu kumwamba, ‘Nuka wenende?’

Matayo 9:7

Na huyuḍe muntu kanuka kenda nyumbani.

Marko 2:10

Natsaka kumuyanga kwamba mimi *Mwana jwa Ad̯amu nina mamulaka ya kuyatsia wantu nabvise humu lumwenguni.” Kisa kamwamba huyu muntu ahinamfiye,

Marko 2:7

“Ayu muntu ayu, anawezadze kunena dzaavi? Nkakwakukufuruni? Ni ga eye na uwezo wa kuyatsia muntu nabvise, isipfokwamba ni Muungu jeje heket̯u?”

Luka 5:21

Ndookomu Mafarisayo na waalimu wa Sharia wepfomusikia Yesu akinena hivi, waḍabva kuuzana wao na wao wakyamba, “Munamba huyu huyu muntu kakudzihwaani dza ga hat̯a awe kunenani vyuuwo vya kukufuru dzevihivi? Muungu jeje heket̯u ndiye eye na uwezo wa kuyatsia muntu nabvise.”

Yohana 10:28

Weo wangu nawapfa maisha ya kuunga na yuungo na ntawawezi kwaara. Ntaku yuḍejwonse adzeeweza kuwanipfoka kuyawa mikononi mwangu.

Yohana 17:2

Wewe kunimpa mamulaka dzuu ya kula muntu, ili kwamba hawaḍe wonse unimpiyeo, niweze kuwapfa maisha ya kuunga na yuungo.

Yohana 5:27

Huyu Baba kamumpa huyu Mwanawe mamulaka ya kuwahukumu wantu wonse, koro jeje ndiye huyu *Mwana jwa Ad̯amu.

Yohana 5:8

Yesu kamwamba, “Nuka wima, hwaa hiḍi t̯at̯aḍyo wenende!”

Mahendo 5:31

Huyu ndiye apfazijwe hat̯a mukono kuyume wa hila wa Muungu, dza haju na mupfonya, ili awawezese wantu wa Isiraeli wapfyehuze mama na wayatsijwe nabvise zao.

Mahendo 9:34

Pet̯ero kamwamba, “Aneya, Yesu *Kirist̯o kakukupfozani. Nuka wima uḍihandike hiḍi t̯at̯aḍyo.” Mweedha Aneya kanuka wima.

2 Wakorint̯o 2:10

Mukiyatsia muntu kwa haya ahendeyeyo, nami pia huyo muntu nimuyatsia. Ikiwa kwamba nimuyatsia muntu, kwa tsowa ḍiḍeḍyonse ḍya kwamba ayatsijwe, namuyatsia usoni kwa *Kirist̯o kwa dzambo ḍyenu.

2 Wakorint̯o 5:20

D̯ubva swiswi hu maḅalozi wa Kirist̯o, na Muungu mwenye kakuhutumiani swiswi kunena nanywi. Kwa sari ḍya Kirist̯o, hwakumuyombani mumuyatse Muungu amuhendeze muwe waḅamuzwe kawii.

Waefeso 4:32

Ishinu wani wantu wa kuhendea wenzenu mema na muwe wat̯ei kwa wangine. Wani wantu wa kuyatsiana dza vya Muungu amuyatsiiyevyo kuchiiya na kwa Kirist̯o.

Wakolosai 3:13

Namutsedhimwa kuit̯isia wenzenu. Wani wantu wa kuyatsiana dza vya Ḅwana amuyatsiiyevyo nywinywi.