Matayo 9:18 - Pokomo

¹⁸ Yesu epfoakinena hivi, kendejwa ni muntu mumodza eyekuwa mukuu jwa *sunagogi. Huyuḍe muntu epfokwenda kamuvunzia nkuhi Yesu na kamwamba, “Ḅwana, mwanamuke wangu kahuna nsoho saambi. Ela nimanya kwamba ukyenda ukimupfaza mukono anafufuka.”

Matayo 9:18 Iomraidhean Croise

Matayo 14:33

Makisa hawa wanafund̯i wamuvunzia nkuhi Yesu wamwamba, “Hakika wewe u Mwana jwa Muungu ḍugha.”

Matayo 15:25

Ela huyuḍe muke kamwendea kamuvunzia nkuhi na kamuyomba kawii kamwamba, “Ḅwana, e ad̯o nigijiija!”

Matayo 17:14

D̯ubva wepfosuka hukuḍe nsi kwe t̯ut̯a ya wantu iyoikiwainda, kunuka muntu mumodza na humuḍe wantuni kenda kamuvunzia nkuhi Yesu na kamwamba,

Matayo 20:20

Ḅaad̯a ya hayo, mukaza Zebed̯ayo kawahwaa hawa wanawe, yani Yakobo na Yohana, kenda nao kwa Yesu. Epfokwenda kamuvunzia nkuhi Yesu na kamuyomba amuhendeye dzambo modza.

Matayo 28:17

Nao wepfomuona wamuvunzia nkuhi wamuyomba, ela wangine wao wewa na kajela.

Matayo 8:2

Iyo saa kukumpuya muntu eyekuwa na ujwazi wa kwanga. Kenda kamuvunzia nkuhi Yesu na kamwamba, “Ḅwana, amaa ukitsaka nkwanipfoza?”

Matayo 8:25

D̯ubva hawa wanafund̯iwe wamwendea wamuyamusa na madzwi wamwamba, “Ḅwana hupfonye, hwakuhihimiani!”

Matayo 9:17

Dza vivyo, ntaku muntu eyenangiza mvinyo mpya kwa mifuko ya nchingo ya kae. Koro akihenda dzavyo, hi mifuko ya nchingo inaḅaika ne mvinyo inahika. Mvinyo mpya inangizwa kwa mifuko ya nchingo mipfya! Na muntu akihenda hivi, ndipfo hi mifuko ne mvinyo ntaviwezi kunangika.”

Matayo 9:19

D̯ubva Yesu na hawa wanafund̯iwe wanuka wagijana na huyuḍe muntu.

Matayo 9:24

Kawamba, “Yawani nyonse! Huyu mwana nkakufwa, kakuyaani t̯u!” Ela hawaḍe wantu waḍabva kumutseka Yesu koro wemanya kwamba kafwa ḍugha.

Luka 13:14

Ela huyu mukuu jwa sunagogi kareja kwa kwamba Yesu kapfonya muntu na nsiku ya Sabato. Ndookomu kanena na hawa wantu kawamba, “Kuna nsiku ntandahu za kwamba munaweza kuhenda kazi. D̯ubva nzoni kuzimuni ya hizo hizo nsiku muriit̯we, ela namutsekudza na nsiku ya Sabato!”

Luka 18:18

Nsiku modza, muyongozi mumodza jwa Kiyahud̯i kamuuza Yesu kamwamba, “Mwaalimu mwema, inanimala nihende kintu ga, ili niweze kuwa na maisha ya kuunga na yuungo?”

Luka 7:2

Hukuḍe kwiwa mukuu jwa kit̯aro cha asikari wa Kirumi eyekuwa na muhumwa amutsakie muno. Huyu muhumwa ewa mujwazi mund̯at̯i eyekuwa d̯uru ḍya mwiso.

Yohana 11:25

Yesu kamwamba, “Mimi ndimi niyenafufuya wantu na kuwapfa maisha kawii. Muntu anihikiziyee mimi, hat̯a akifwa huyo anaishi kawii.

Yohana 11:32

Maria kenda mumpaka hapfaḍe pfa Yesu epfokuwa. Epfofika akimuona, kamugwiya maguuni na kamwamba, “Ḅwana, t̯ambere wewe undeewa upfo hapfa, huyu ndugu yangu nkandeefwa.”

Mahendo 13:15

Hawa wakuu wa hiḍi sunagogi wepfokwisa kusoma chuoni mwa *Sharia za Musa na matsoro ya manabii, wawahumia muntu Paulo na Baranaba wawamba, “Wandugu, hunatsaka munene na hawa wantu ikiwa kwamba muna vyuuwo vya kuwafunda.”

Mahendo 28:8

Ise Pabulio ewa mujwazi jwa kanat̯a na humbo ḍya mwazi na ewa kat̯ambaara t̯at̯ani. Paulo kanjia humu chumbani mwakwe, kamuyombea, makisa kamuwekea mikono kamupfoza.