Matayo 8:22 - Pokomo

²² Ela Yesu kamwamba, “Wewe niuḅa t̯u! Wayatse wafu wawazike wafu wao.”

Matayo 8:22 Iomraidhean Croise

Matayo 8:21

Mumodza jwa hawa wanafund̯i wangine weowakimuuḅa Yesu kamwamba, “Ḅwana, mimi natsaka kukuuḅa, ela niyatsa nguzi nyende nikamuzike baba.”

Matayo 9:9

Yesu epfonuka na hapfaḍe, kendakaona *muhwaa kuwa mumodza eyeakihanigwa Matayo. Ewa kakaa chihako humuḍe mwa hi ofisi ya kuhwaiya kuwa. Yesu kamwamba, “Niuḅa!” Nae Matayo kanuka kamuuḅa.

Marko 2:14

Akinuka akwakuchiani, kaona *muhwaa kuwa mumodza eyeakihanigwa Lawi mwana jwa Alifayo. Ewa kakaa chihako humuḍe mwa hi ofisi ya kuhwaiya kuwa. Yesu kamwamba, “Niuḅa!” Nae Lawi kanuka kamuuḅa.

Luka 15:24

Koro huyu mwanangu ewa kafwa, ela sasa kafufuka. Ewa kaara, ela sasa kaonekana.’ D̯ubva jila iḍabva.

Luka 15:32

Ni hachi kuhenda jila na kutsekea, koro niit̯ara ya kwamba huyu ndugujo ewa kafwa, ela katsi ka mojo. Ewa kaara ela sasa kaonekana.’ ”

Luka 9:59

Makisa Yesu kamwamba muntu yungine, “Niuḅa.” Ela jeje kamwambukuya kamwamba, “Ḅwana, mimi natsaka kukuuḅa, ela niyatsa nguzi nyende nikamuzike baba.”

Luka 9:60

Ela Yesu kamwamba, “Wayatse wafu wawazike wafu wao. Ela wewe enda ukasumwiiye maagu ya Uhaju wa Muungu.”

Yohana 1:43

Chamukoche yakwe Yesu kahuna kwenda Galilaya. Kenda kamuona Filipo na kamwamba, “Niuḅa!”

Yohana 21:19

Yesu kanena hivi kuyanga namuna ya Pet̯ero adzevyofwa, na namuna ye kifoche kidzevyomumpa Muungu kushad̯wa. Kisa Yesu kamwamba Pet̯ero, “Niuḅa.”

Yohana 21:22

Yesu kamwambukuya kamwamba, “Ae ikiwa kwamba nitsaka akae mojo hat̯a nidzepfouja, hayo hayo yakumud̯a na? Wewe niuḅa mimi t̯u!”

Waefeso 2:1

Nywinywi, d̯ura mwiiwa dza wantu mufwiyeo kwa dzambo ḍya kutsamut̯ii Muungu kwenu na kwa dzambo ḍya mahendo yenu yangine ya nabvise mwiyomukihenda.

Waefeso 2:5

Ingawa hwiwa dza wantu hufwiyeo kwa dzambo ḍya mazuka hwiyohukihenda, Muungu kahufufuya dza viviḍe amufufwiiyevyo *Kirist̯o na kahupfa maisha mapfya pfamodza nae. Mupfonywa kwa t̯ei ya Muungu t̯u.

Waefeso 5:14

koro muyanga meshi ukikiyangaiya kintu kinamanyikana hiviḍe kiivyo haswa. Ndiyo maana vyambigwa: “Yamuka wewe wiyekuyaani! Sikae dza mufu, fufuka! Na Kirist̯o anakuyangaiya dza dzuwa.”

Wakolosai 2:13

Nywinywi mwiiwa dza wantu mufwiyeo kwa dzambo ḍya kuishi maisha ya nabvise na kwa dzambo mwikit̯awaligwa ni t̯amaa zenu nzuka nzuka mwizokuwa nazo. Ela sasa, Muungu kamufufuya kamumpa maisha mapfya pfamodza na Kirist̯o. Jeje kahuyatsia nabvise zehu zonse.

1 Timoteo 5:6

Ela muke muchiwa adzingizie maisha ya kudzitsekeza, huyo kesakufwa, hat̯a ingawa kakuishini.