Matayo 8:13 - Pokomo

¹³ Makisa Yesu kamwamba huyu mura jwa Kirumi, “Enda nyumbani, hivi uhikiziyevyo visakuhendeka.” Na iiḍe saa, huyuḍe muhumisi jwa huyu mura kapfowa.

Matayo 8:13 Iomraidhean Croise

Matayo 15:28

Ndookomu Yesu kamwamba, “E muke, hachi una faro nkuu muno! D̯ubva navikuhendekeye dza uyombeyevyo.” Na iyo saa mwanamukewe kapfowa.

Matayo 17:20

Yesu kawambukuya kawamba, “Ni kwa dzambo ḍya kwamba ntamwiiwa na faro ya kut̯osa. Koro hachi nyakumwambiani, hat̯a t̯ambere mundeewa na faro iyo ndoḍo sawa sawa na mbeju ya tsare, mundeweza kuwambia hu murima huu muwambe, ‘Kuka na hapfa wende hapfaḍe!’ Nao undeekuka. Koro ntakundeewa na ḍiḍeḍyonse ḍya kumushinda.”

Matayo 8:4

Kisa Yesu kamuseresa kamwamba, “Manya utsemwambia muntu yuḍejwonse dzuu ya hiḍi hiḍi dzambo. Ishinu enda kwa huyu mukohani ukadziyanganye kwakwe kwamba kupfowa na uyavye mvuugiya dza vya *Sharia ya Musa ivyonakumala kuhenda, dza ushaahiḍi kwamba kudhereswa.”

Matayo 9:22

Yesu kaperuka kamuona na kamwamba, “Maama, dzipfe mojo, faroyo ikupfoza.” Na pfapfo huyuḍe muke kapfowa.

Marko 7:29

Nae Yesu kamwamba, “Kwa dzambo ḍya kwambukuyako, enda nyumbani. Hi mpepfo nzuka isakumuyawa huyu mwanamukeo!”

Marko 9:23

Yesu kamwambukuya kamwamba, “At̯i kwakwambani nikiweza? Mambo yonse yanawezekana kwa huyuḍe amuhikiziyee Muungu.”

Yohana 4:50

D̯ubva Yesu kamwamba, “Uja nyumbani, huyu mwanao anaishi.” Huyuḍe muntu kahikiza hivi vyuuwo vya Yesu amwambiiyevyo, nae kanuka kaḍabva kugala nyumbani.