Matayo 7:25 - Pokomo

²⁵ Mvuya ikakanyika, matsana yadzaa na hat̯a yaḍabva kuhika-hika, na hi nyumba ibigwa ni vut̯o kali. Ela kwa kwamba imbakwa dzuu ya mwamba, hi nyumba ntaikugwa.

Matayo 7:25 Iomraidhean Croise

Matayo 16:18

Nami nyakukwambiani Pet̯ero, wewe u mwamba. Na dzuu ya hu huu mwamba naḍimbaka tsanganiko ḍyangu na hat̯a nguvu za kufwa ntazikudzaḍishinda.

Matayo 7:24

Yesu kagija kuyongweeza kamba, “D̯ubva kula adzeevisikiiya vyuuwo vyangu na akivigija, anawa dza muntu karo ambakiye nyumbaye dzuu ya mwamba.

Matayo 7:26

Ela kula adzeevisikiiya vyuuwo vyangu na akitsavigija, huyo anawa dza muntu ḍyura ambakiye nyumbaye nsangani.

Matayo 7:27

Mvuya ikakanyika, matsana yadzaa hat̯a yaḍabva kuhika-hika, na hi nyumba ibigwa ni vut̯o kali. Na kwa kwamba imbakwa nsangani, hi nyumba iheremuka na kisindo chikuu muno!”

Mahendo 14:22

Wawangiza mojo hawa wahikiziyeo na kuwafunda waigije muno hi faro yao. Wawamba, “Husidzanjia uhajuni mwa Muungu, ni had̯i hukunte d̯ina nyinji.”

Waefeso 3:17

Na nyakumuyombeani kwamba Kirist̯o aweze kuishi myojoni mwenu maishi kwa dzambo ḍya kumuserefat̯a kwenu. Nyakumuyombeani kwamba muweze kukumiiya na matsako na mutseweza kugwa.

Wakolosai 2:7

Gijani kumuhikiza Kirist̯o na muyagije na nguvu haya *Maagu Mema muyayongweezejweyo, nanywi munapata kukuya kuzimuni mwakwe, dza hiviḍe vya muhi wivyonamea mizi na ukakuya. Na ni muwe wantu wa kumuyaviza ḍuḍa Muungu kut̯wa.

Yakobo 1:12

Heri muntu eyenapatwa ni maḍemo na akait̯isa! Koro akiit̯isa hat̯a akiyashinda, Muungu anamumpa t̯ubvo ḍya maisha ya kuunga na yuungo. Hiḍi ni t̯ubvo ḍya Muungu aahid̯iyeḍyo kuḍiwapfa hawaḍe wonse wamutsakiyeo.

1 Pet̯ero 1:5

Kwa dzambo ḍya kumuserefat̯a kwenu, Muungu kakumwamiani na uwezowe, hat̯a saa kudzepfokudza hu mupfonyo wiwo hafufi kuyanganywa kwenu ngera za mwiso.

1 Pet̯ero 1:7

Haya maḍemo yadza t̯u, kuzipima hizi faro zenu kuyanga kwamba mumuserefat̯a Muungu ḍugha. Dza vya dhahaḅu ivyonapimwa na kudhereswa na moho, ndivyo vya faro zenu zivyokupimwani na kudhereswa, kuchiiya na kwa haya maḍemo. Na faro zenu kwa Muungu zina thamani kuchia dhahaḅu ambayo nsiku modza idzanangwa. Ndookomu ikiwa kwamba faro zenu zionegwa kwamba ni karit̯u, mudzapata shad̯u, marembo na hila nkuu, nsiku ya Yesu Kirist̯o adzeyokudza.

1 Yohana 2:19

Hawa hawa wantu weonamupfinga Kirist̯o wayawa kahi yehu, ela haswa haswa, ntaweewa wantu wa kit̯aro chehu, na ndiyo maana wayawananiyeo naswi. T̯ambere wandeewa mbwa kit̯aro chehu ntawandeyawana naswi. Ela wayawana naswi kuyanga ya kwamba ntaku hat̯a mumodza jwao eyekuwa jwa kit̯aro chehu.