Matayo 7:15 - Pokomo

¹⁵ Yesu kagija kuyongweeza kamba, “Dzit̯unzeni na manabii wa nsuwe weonadzihendeza wantu wampowe, na hali katsi ni wazuka dza mahiyeye.

Matayo 7:15 Iomraidhean Croise

Matayo 10:17

D̯ubva manyani! Koro wantu wangine wadzamugija na kumupfiika magasani, na mudzabigwa na malucha masunagogini mwao.

Matayo 16:11

Amaale ntamunaimuka hat̯a kwamba sikwakuneneani dzuu ya chakuḍya? Nichokumwambiani ni kwamba mudzit̯unze na hamira ya Mafarisayo na Masad̯ukayo!”

Matayo 16:6

Yesu kawamba, “Chimizani na mudzit̯unze muno na hamira ya Mafarisayo na Masad̯ukayo.”

Matayo 24:11

Hizo hizo ngera kudzat̯upuka manabii wa nsuwe wenji na wenji, na wadzawaarya wantu wenji.

Matayo 7:14

Ela hu muḍyango wiwonapfiika wantu kuntu kwa maisha ya kuunga na yuungo ni mutseke, ne njiaye ni nseke na ni nyumu. Ni wantu wachuchu muno weonaiona hiyo hiyo njia na wakaiuḅa.”

Luka 12:15

Makisa kanena na wonse kawamba, “Manyani na mudzit̯unze na hamile, koro vija vinji ntavinamumpa muntu maisha ya ḍugha, hat̯a akiwa jabvadze.”

Luka 6:26

Mudzawa na d̯ina iyodze nywinywi, wantu wonse wakiwa kumuneneani mema, koro ndivyo vya manabii wa nsuwe waneneejwevyo kae.”

Yohana 10:12

Ela muntu and̯ikijwe kazi ḅasi, nkawe dza hivyo. Koro kwa kwamba siye mwenye hizi mbuzi, akiona mahiyeye yakuzidziani, anaziyatsa, anaukuya na maguu. Ndookomu haya mahiyeye yanazitsumpia hizi mbuzi, nazo zinad̯achaa ḅasi.

Mahendo 13:40

D̯ubva manyani, haya ya hawa manabii waneneyeyo, yatsekudzamupata nywinywi wepfokwamba,

Mahendo 13:6

Wenda kula pfantu humuḍe kiluluni hat̯a wafika mudzi wa Pafo. Hapfa wat̯ongana na muntu mumodza mutsawi eyenahanwa Bariyesu. Ewa Muyahud̯i adzifwarizie kwamba ni *nabii.

Wagalatia 2:4

na kwiwa wantu weowakitsaka ahinywe. Hawa ni wantu wadzihendezeyeo kuwa wahikiza, wakidzinyeeza-nyeeza wakidzingiza humu kit̯aroni mwehu. Wahunjiiya dza wad̯ozi wakitsaka kunanga hu uhuru wehu hwiwo nao hariani mwa *Kirist̯o Yesu, kwa kuhuhendeza wahumwa wa *Sharia ya Kiyahud̯i.

Waefeso 4:14

Ntahuwezi kuwa dza wana vichuchu kawii wa kukulwakulwa kirahisi ni wantu weonadziona makaro wakayongweeza mayongweezo ya kwaarya wantu. Ntahuwezi kuwa dza chombo cha kubigwa ni mpepfo na mawimbi chikapfiikwa huku na huku.

Waefeso 5:6

D̯ubva muntu natsemuḍyuurisa na nsuwe, koro Muungu kadzawahukumu hawaḍe wonse wasiomut̯ii wakakaiya kuhenda mambo mazuka mazuka dzayahaya.

Wafilipi 3:2

Dzit̯unzeni na hawa wantu weonahenda mazuka. Wao waa dza machughe! Ni wantu weonangizia mukazo dzuu ya wantu kuhinywa.

Wakolosai 2:8

Manyani kuyatsa muntu amwaarye na mayongweezo ya makulekule na yasiyo maana, yeyonayawana na mvidhyo ya kiwanaad̯amu na masharia ya huju huju lumwengu, yasiyoyawa kwa Kirist̯o.

2 Timoteo 3:13

Ela hawa wantu wazuka na weo na makulekule wanahamat̯a kuwa wazuka, wakikulakula wantu wangine na kukulwakulwa wao wenye.

2 Timoteo 4:3

Koro ngera zakudzani za wantu kudziza kusikiiya mayongweezo ya hachi. Ishinu wadzakaiya chaka cha kusikiiya mambo garagara, na wanadziundukizia waalimu wenji na wenji wa kuwambia haya weyonatsaka kuyasikia.

2 Pet̯ero 3:17

D̯ubva wandugu zangu, kwa dzambo ḍya kwamba haya haya mambo mumayamanya na mapfema, ḅasi chimizani muno ili kwamba haya matsowa ya hawa wantu wazuka weyonahenda, yatsekudzamwaarya yamugise nanywi pia.

1 Yohana 4:1

Watsakwa, namutsemuhikiza kula muntu eyenakwamba ana Ruhu. Ishinu waḍemeni nguzi muwaone kwamba huyu ruhu jwao weyenae njwa Muungu ḍugha ambu hat̯a. Koro humu lumwenguni, kwisakuhandaiya manabii wa nsuwe wenji na wenji.

Yud̯a 1:4

Nyakunenani hivi kwa kwamba kuna wantu wangine wasiomumanya Muungu wadzinyeezeyeo-nyeezeyeo wakinjia kahi yenu. Hawa hawa wantu wakuyongweezani kwamba, at̯i hunaweza kugija kuishi maisha ya kuuḅa t̯amaa nzuka nzuka za kimwii koro Muungu anahufwiya t̯ei. Hukumu ya hawa hawa wantu iyavigwa hangu kae na kae, koro wamukana huyu Ḅwana jeje heket̯u hwiyenae, yani Yesu Kirist̯o.

Upfenuo wa Yohana 16:13

Kisa niona mpepfo nzuka ntahu zikaiyezo dza vyuya. Modza iyawa na humu kanwani mwa hiḍiḍe ḍyoka, ingine iyawa na humuḍe kanwani mwa huyuḍe binensa jwa d̯ura, na ingine iyawa na humuḍe kanwani mwa huyu *nabii jwa nsuwe, yani huyuḍe binensa jwa pfii.

Upfenuo wa Yohana 17:6

Kisa niona kwamba huyuḍe muke ewa karuma mwazi wa hawa wantu wa Muungu wayagijweo kwa dzambo ḍya ushuhuḍa wao dzuu ya Yesu. Mimi nipfomuona huyuḍe muke nimaka t̯u.

Upfenuo wa Yohana 19:20

Ela huyu binensa na huyuḍe *nabii jwa nsuwe wahwajwa maheka. Huyu nabii ni huyuḍe eyeakihenda mafara ya kumakisa usoni ya huyuḍe binensa. Kwa dzambo ḍya haya mafara ahendeeyo, kawaarya hawaḍe weobigwa muhuri wa huyuḍe binensa na wakiiyomba hiḍe sanamuye. Huyu binensa na huyu nabii jwa nsuwe, wafat̯ulwa wakiwa mojo humuḍe mwa hiḍi ziwa ḍiḍyonawaka moho wa maḅiliḅili.

Upfenuo wa Yohana 20:10

Huyu Shaat̯ani awaariye kafat̯ulwa humuḍe mwa hiḍi ziwa ḍiḍyonawaka moho wa maḅiliḅili. Humuḍe ndimo kufat̯ulijwemo huyuḍe binensa na huyu *nabii jwa nsuwe. Wadzakuntiswa d̯ina siku na musikahi, maishi na maishi.