Matayo 6:4 - Pokomo

⁴ Mukihenda hivi, kuyavya kwenu kunawa ni siri yenu. Na huyu Baba jwenu jwa mbinguni eyenaona hat̯a mwichonahenda mfitsoni, anamumpa t̯ubvo.”

Matayo 6:4 Iomraidhean Croise

Matayo 10:42

Yuḍejwonse adzeehwaa nangaa chikombe cha madzi ya mpepfo t̯u, amumpe mumodza jwa hawa wanafund̯i wangu hawa, weonahwajwa kwamba ntawa maana, huyo nkatsowe t̯ubvoḍye.”

Matayo 6:18

ili wantu wangine watsehambuya kwamba mwakufungani, lamud̯a Muungu t̯u. Na mukihenda dza hivi, Baba jwenu jwa mbinguni eyenaona hat̯a hayaḍe mwiyonahenda mfitsoni, anamusikia.”

Matayo 6:3

Ishinu mukwakuyavyani kintu kwa masikini, hat̯a huyuḍe ḅamujo mutsakananiyeo muno ni kutsavimanya.

Matayo 6:6

Wewe ukwakuyombani njia chumbani mwako ufunge muḍyangowo, na umuyombe Muungu sirini. Na jeje Babajo eyenaona hat̯a hayaḍe wiyonahenda mfitsoni, anakusikia.

Luka 14:14

Nawe unavodhyegwa, hat̯a ikiwa kwamba ntawa kintu cha kukuipfa. Koro Muungu kadzakuipfa nsiku ya kufufujwa hawaḍe wamuhikiziyeo.”

Luka 8:17

Koro kula kifitsijwecho kidzayavigwa wekeani, na kula chicho sirini kidzayavigwa muyangani.

1 Wakorint̯o 4:5

D̯ubva, namutsemukizia muntu hukumu ngeraye isidzafika. Ḅwana ndiye adzeeyavya hukumu nsiku adzeyokudza. Kadzayayavya wekeani tswee hayaḍe yafitsijweyo kizani, na kadzaziyavya nze tswee hizi t̯amaa za myojo ya wanaad̯amu. Kisa kula muntu, Muungu mwenye kadzamumpa hi shad̯umeaye eyonamala kupfegwa.

Waeburania 4:13

Ntaku chichonaweza kufitsika kwa Muungu. Jeje kula kiumbe kakuchionani tswee. Na ndiye hudzeeyamuparia hayaḍe yonse huhendeyeyo maishani mwehu.

Yud̯a 1:24

Na sasa Muungu ashad̯we. Jeje ndiye eyenaweza kumut̯unza mutsekudzagwa nabviseni na anamungiza maremboni mwakwe mukiwa na tsekea nkuu muno, koro munawa kwamba ntamu hat̯a kat̯amba ka nabvise.

Upfenuo wa Yohana 2:23

Wonse weokuuḅani mayongweezoye nawayaga tswee! Na matsanganiko yonse yanamanya kwamba mimi ndimi nimanyiye mojo wa kula muntu na mat̯aroye. Nami kula mumodza jwenu namuipfa kuuḅana na mahendoye.