Matayo 6:1 - Pokomo

¹ Yesu kagija kuyongweeza kamba, “Mukwakuhendeani wantu mambo mema, namutseyahenda kudziyanga kwa wantu. Koro mukihenda dza hivi ntamupate t̯ubvo ḍiḍeḍyonse kuyawa kwa Baba jwenu jwa mbinguni.

Matayo 6:1 Iomraidhean Croise

Matayo 16:27

Mimi Mwana jwa Ad̯amu nidzakudza na marembo ya Baba na malaikawe wonse. Na nidzamuhukumu kula muntu kuuḅana na mahendoye.

Matayo 16:6

Yesu kawamba, “Chimizani na mudzit̯unze muno na hamira ya Mafarisayo na Masad̯ukayo.”

Matayo 23:13

Ela nywinywi Mafarisayo na waalimu wa Sharia mudzawa na d̯ina iyodze na umbiimbii wenu! Nywinywi kuunjia Uhaju wa Mbinguni ntamu haḍya, na hawaḍe weokutsakani kuunjia nao pia mwakuwafungiyani watseunjia!

Matayo 23:5

Kula wechonahenda wanakihenda ili wapate kudziyanga kwa wantu. Mikononi mwao na vidhangoni mwao wanadzifunga maḅambo makuu makuu yafungijweyo viḍinku vya haya matsoro madheru. Na haya mafundo ya haya manyala yeyonalelewa humu malot̯ani mwao, wanakaa na kuyahendeza mayeya mayeya ili wapate kuonekana.

Matayo 25:40

Nae kadzawambukuya awambe, ‘Hachi nyakumwambiani, ikiwa kwamba hivi hivi muvimuhendea nangaa huyuḍe muḍoḍo jwa mwiso kahi ya hawa wandugu zangu hawa, munawa kwamba muvinihendea mimi.’ ”

Matayo 5:16

Ḅasi dza vivyo, nanywi ni had̯i haya mahendo yenu yawe wazi usoni kwa wantu, ili kwamba wantu wadzepfoona myenendo yenu myema, wanapata kumushad̯a Baba jwenu eye yuwinguni.”

Matayo 5:46

Munapata faiḍa ga, ikiwa kwamba muwatsaka hawaḍe wamutsakiyeo nywinywi ḅasi? Hat̯a *wahwaa kuwa nao ntawanakaa na kuhenda dzevyohivyo?

Matayo 5:48

Ndookomu nichokunenani ni kwamba, wani wagulufu, dza vya Baba jwenu jwa mbinguni aivyo mugulufu.”

Matayo 6:16

Yesu kagija kuyongweeza kamba, “Mukwakufungani namutseyanga maso ya ngiru dza vya wambiimbii wevyonahenda. Koro wao wakwakufungani, wanakutsa-kutsa vidhango ili wapate kuonegwa kwamba wakufungani. Hachi nyakumwambiani, t̯ubvo ḍyao ḍisakusiiya hapfa hapfa lumwenguni!

Matayo 6:9

Ndookomu mukwakuyombani munamala kuyomba hidzaa: ‘Baba jwehu wiye yuwinguni, sariḍyo naḍidhereswe.

Marko 8:15

Yesu kawamba, “Nywinywi manyani! Dzit̯unzeni muno na hamira ya Mafarisayo na ya *Herod̯e.”

Luka 11:35

D̯ubva chimizani, mutsekudzat̯ara kwamba muna muyanga katsi muna kiza.

Luka 12:1

Maelefu ya wantu wewa wakuundukizikani hat̯a waḍabva kurangana-rangana. Yesu kaḍabva kunena na wanafund̯iwe kawamba, “Dzit̯unzeni muno na hamira ya *Mafarisayo, yani umbiimbii wao.

Luka 12:15

Makisa kanena na wonse kawamba, “Manyani na mudzit̯unze na hamile, koro vija vinji ntavinamumpa muntu maisha ya ḍugha, hat̯a akiwa jabvadze.”

Luka 16:15

Ela Yesu kawamba, “Ndinywi mwiwonadzihendeza kuwa wahachi usoni ya wantu, ela Muungu kamumanya hat̯a myojo yenu. Koro cha wantu wechonahwaa dza kintu chikuu, ni t̯ukio usoni kwa Muungu.”

Yohana 12:43

Koro hawa wakuu wewa wantu watsakiyeo kushad̯wa ni wantu kuliko kushad̯wa ni Muungu.

Yohana 5:44

Nywinywi mutsaka kushad̯ana nywinywi na nywinywi, na wala ntamulache kushad̯igwa ni huyu eye Muungu jeje heket̯u. Ndiyo maana ntamuwezi kunihikiza mimi.

Mahendo 3:12

Pet̯ero epfowaona hawa wantu, kawamba, “Wantu wa Isiraeli, kut̯i mumakiswa ni hiḍi dzambo? Munahud̯eḍea muna? Mwakut̯arani kwamba nguvu zehu wenye ambu udheru wehu ndiwo uhuwezeseyeo kumuhendeza ayu muntu enende?

Wagalatia 6:12

Hawaḍe weonatsaka kudzitsakiza kwa wantu ndiwo weokuḍemani kumusharut̯isa muhinywe. Wanahenda hivi ili t̯u watsekuntiswa d̯ina kwa dzambo ḍya kusumwiiya kwamba, Kirist̯o kafwa muhini mwa mpatsa ahupfonye.

Waeburania 11:26

Kaona ya kwamba kukuntiswa d̯ina kwa dzambo ḍya huyu *Kirist̯o kuna maana zaid̯i kuliko kupata ujabva wonse wa Misiri, koro ekiyoweeya muno t̯ubvoḍye.

Waeburania 2:1

D̯ubva ni had̯i huyagije na nguvu haya maagu ya hachi husikiiyeyo, ili hutsekudzakwaara njia.

Waeburania 6:10

Muungu anahendea wantu hiḍe ya hachi. Nkawezi kwaarerwa hi kazi yenu muhendeyeyo ambu matsako mumuyangiyeyo kwa namuna mwivyowagijiija na mwivyokuwagijiijani hawa Wakirist̯o wenzenu.

2 Yohana 1:8

D̯ubva dzit̯unzeni, ili kazi zenu muhendeyezo zitsekudzadziaria ḅasi, ela mudzemupate maipfo yenu mazima!