Matayo 5:23 - Pokomo

²³ D̯ubva ikiwa kwamba kwenda hapfaḍe *madhabahuni ukayavye mvuugiya, ela usidzaiyavya kukumbuka kwamba kuna mwenziwo eye na ngongea nawe,

Matayo 5:23 Iomraidhean Croise

Matayo 23:19

E nywinywi mu ntumbu matso t̯i! Iyo na maana zaid̯i ni ai mvuugiya ambu ni aya madhabahu? Dzaambia ntamukuvimanya hivi hivi kwamba haya madhabahu ndiyo yeyonaihendeza hi mvuugiya iyavijweyo ihwajwe kuwa nd̯eru?

Matayo 5:24

iyatse hi mvuugiayo pfapfaḍe ikae geri, na wende ukapatane nae nguzi tswee. Kisa rhefu enda ukayavye hi mvuugiyayo.

Matayo 8:4

Kisa Yesu kamuseresa kamwamba, “Manya utsemwambia muntu yuḍejwonse dzuu ya hiḍi hiḍi dzambo. Ishinu enda kwa huyu mukohani ukadziyanganye kwakwe kwamba kupfowa na uyavye mvuugiya dza vya *Sharia ya Musa ivyonakumala kuhenda, dza ushaahiḍi kwamba kudhereswa.”

Marko 11:25

Na kula mwipfonasumama kuyomba, mukiwa na ngongea na yuḍejwonse, ni had̯i muyatsiyane, ili Baba jwenu jwa mbinguni nae amuyatsiye mazuka yenu.”

Luka 19:8

Ela Zakayo kasumama kamwamba Ḅwana, “Ḅwana, nahwaa nusu ya vija nivyo navyo, naviwapfa makowesa. Na ikiwa kwamba niwa nihwaa kuwa kwa muntu kuchia chima na makulekule, namuujiza myeedha mine zaid̯i.”