Matayo 5:16 - Pokomo

¹⁶ Ḅasi dza vivyo, nanywi ni had̯i haya mahendo yenu yawe wazi usoni kwa wantu, ili kwamba wantu wadzepfoona myenendo yenu myema, wanapata kumushad̯a Baba jwenu eye yuwinguni.”

Matayo 5:16 Iomraidhean Croise

Matayo 23:5

Kula wechonahenda wanakihenda ili wapate kudziyanga kwa wantu. Mikononi mwao na vidhangoni mwao wanadzifunga maḅambo makuu makuu yafungijweyo viḍinku vya haya matsoro madheru. Na haya mafundo ya haya manyala yeyonalelewa humu malot̯ani mwao, wanakaa na kuyahendeza mayeya mayeya ili wapate kuonekana.

Matayo 23:9

Na hapfa lumwenguni namutsemuhana muntu yuḍejwonse mumwambe Baba at̯i kwa kwamba mwakumumpani hila, koro muna Baba mumodza t̯u nae ka mbinguni.

Matayo 5:45

Mukihenda hivi, munawa wana wa huyuḍe Baba jwenu jwa yuwinguni. Koro jeje anaḍiwaza hiḍi dzuwa kwa wantu wema na wazuka pia. Ananyesa mvuya kwa wantu weonahenda miro ya Muungu na hat̯a kwa hawaḍe wasiohenda miro ya Muungu.

Matayo 6:16

Yesu kagija kuyongweeza kamba, “Mukwakufungani namutseyanga maso ya ngiru dza vya wambiimbii wevyonahenda. Koro wao wakwakufungani, wanakutsa-kutsa vidhango ili wapate kuonegwa kwamba wakufungani. Hachi nyakumwambiani, t̯ubvo ḍyao ḍisakusiiya hapfa hapfa lumwenguni!

Matayo 6:9

Ndookomu mukwakuyombani munamala kuyomba hidzaa: ‘Baba jwehu wiye yuwinguni, sariḍyo naḍidhereswe.

Matayo 9:8

Wantu wonse weokuwapfo wanjijwa ni oga na waḍabva kumushad̯a Muungu kwa kumumpa mwanaad̯amu uwezo mukuu dzohuu.

Luka 11:2

D̯ubva Yesu kawamba, “Mukwakuyombani, ikaani mukyamba, ‘Baba jwehu, sariḍyo naḍidhereswe, uhaju wako naudze.

Yohana 15:8

Mwipfonavyaa matunda kwa winji, munawa mwakuyangani ya kwamba mu wanafund̯i wangu na wantu wanaona namuna ya Baba aivyo mukuu.

Mahendo 9:36

Hukuḍe Yopa kwiwa na mwanafund̯i muke ahanijwe Tabita (Sariḍye kwa Kiyunani ndiye Dokasi, maanaye ni nkuyungu). Huyu muke meshi ekihenda mema na kuwagija masikini.

1 Wakorint̯o 14:25

Mat̯aro yakwe ya siri yanayawa nze tswee. Ndookomu anamuvunzia nkuhi Muungu na kunena ya kwamba Muungu ka kahi yenu hachi!

2 Wakorint̯o 9:13

Kuyavya kwenu kunayanga mojo mwiwo nao, na wantu wenji wanamushad̯a Muungu kwa hivi muyahikiziyevyo haya *Maagu Mema dzuu ya *Kirist̯o na kwa namuna mwivyonayat̯ii. Wanamushad̯a Muungu pia, kwa myojo yenu ya ubalicha kwao na kwa wangine.

Wagalatia 1:24

Ndookomu wamushad̯a Muungu kwa haya anihendeeyeyo.

Waefeso 2:10

Muungu ndiye ahuhendezeye kuwa kintu kimodza na Kirist̯o Yesu, ili hupate kukaa na kuhenda haya mema ahutsaniiyeyo kwamba huyahende.

Waefeso 5:8

Koro d̯ura mwiiwa mwa kizani, ela sasa hangu mukimaawa wantu wa Ḅwana, munjia muyangani. D̯ubva ishini dza wantu mwiwo muyangani.

1 Watesalonike 2:12

Hwikimuingamaza na kumungiza mojo, na hwikimufunda kut̯wa mutseyatsa kuishi maisha ya kuyanga kwamba mu wantu wa Muungu. Koro jeje kamuhana munjie maremboni mwa uhajuwe.

1 Timoteo 2:10

Ishinu, wake Wakirist̯o, ni had̯i watsakize na mahendo yao mema, dza ivyonawamala wake wahuniyeo kudziyavya kwa Muungu.

1 Timoteo 5:10

Na ni had̯i awe muke amanyikaniye kwa mahendoye mema, dza mahendo ya kuyeya wanawe urembo, kukaraḅisha wageni nyumbani mwakwe, kukosa maguu ya wantu wa Muungu, kugija wantu weo d̯inani, na kudziyavya kuhendea wantu kula aina ya hendo dzema.

1 Timoteo 5:25

Vivyo, mahendo mema yanaonekana tswee tswee, na hat̯a hayaḍe yasiyoonekana tswee tswee, mwisowe ntayakudzafitsika.

1 Timoteo 6:18

Waamuru wahende mema, wawe majabva wa mahendo mema, wawe wabalicha na wawe wantu wa kugeana wevyonavyo.

Tito 2:14

Jeje kadziyavya maishaye kwa dzambo ḍyehu, ahupfonye na mazuka yonse na kuhudheresa na nabvise zehu, huwe wantuwe jeje heket̯u weo na hamu ya kuhenda mambo mema.

Tito 2:7

Wewe mwenye ni had̯i uwe mufaano wa mahendo mema kwao kwa kula dzambo udzeḍyohenda. Waa muntu jwa kuhikizika na wiyenamuud̯ama ukwakuyongweezani.

Tito 3:14

Hawa wantu wehu ni kudziyongweeza kuhendea wantu mema, wayavye vyao kwa wantu weo na t̯uri wa ḍugha. Nawatsekaiya kuishi maisha yasiyo maana.

Tito 3:4

Ela wema na matsako ya Muungu mupfonya jwehu yepfohudzia,

Waeburania 10:24

Nahumuud̯amiyane kungizana mojo hupate kutsakana dza ndugu na kuhendeana mema.

1 Pet̯ero 2:12

Ikaani na t̯aḅia nyema kahi ya hawa walumwengu, ili kwamba hat̯a wakimunenea mazuka, wayaone haya mahendo yenu mema na waweze kumushad̯a Muungu nsiku adzeyokudza.

1 Pet̯ero 2:9

Kenge nywinywi mu kyeet̯i kidheru cha wantu watsanijweo ni Muungu. Kamuyavya kizani kamungiza muyangani muwe wakohani wa hila nkuu, ili muweze kulalabva haya mafara yakwe ya kumakisa.

1 Pet̯ero 3:1

Dza vivyo, nywinywi wake, ni had̯i mudziweke nsii ya mamulaka ya wayume wenu, hat̯a ikiwa kwamba wangine wao si wahikiza wa chuuwo cha Muungu. Koro wakiona namuna mwiivyo kukaani nao na hila na kuwahendea mahendo mema, wananuhika kuwa wahikiza, hat̯a pfasipfo nywinywi kuwambukuya chuuwo.

1 Pet̯ero 3:16

Ela viwambieni na umpowe na kwa njia ya hila. Ni had̯i mukimanya mwichokuhendani ili kwamba kwa dzambo ḍya t̯aḅia zenu nyema za Kikirist̯o, muwagize yutswa hawaḍe weonamunenea mazuka.

1 Pet̯ero 4:11

Muntu akiwa na t̯ola ya kunena vyuuwo vya Muungu, ni had̯i akivinena dza vyuuwo viyawiyevyo kwa Muungu. Muntu akiwa na t̯ola ya uhumisi, ni had̯i ahumike na hizi nguvu apfegejwezo ni Muungu. Na kwa hayo yonse, Muungu mwenye nguvu na uwezo, apate kushad̯wa kuchiiya na kwa Yesu Kirist̯o hat̯a pfasipfosia. Amina.

1 Pet̯ero 4:14

Munapata mvoni iyodze, mukitsolwa kwa dzambo ḍya kumuhikiza Kirist̯o, koro Ruhu ya marembo ya Muungu yaa pfamodza nanywi!