Matayo 4:12 - Pokomo

¹² Yesu kadza kasikia kwamba Yohana Mut̯opya kangizwa gerenzani. Ndookomu nae kanuka na Yud̯aya kenda ḍyimbo ḍya Galilaya.

Matayo 4:12 Iomraidhean Croise

Matayo 11:2

Yohana Mut̯opya epfosikia na gerenzani dzuu ya haya mambo ya *Kirist̯o eyoakihenda, kahuma wanafund̯iwe kwakwe.

Matayo 14:3

Herod̯e kanena hivi kwa kwamba ewa kamugija Yohana Mut̯opya na kamungiza gerenzani ili aweze kumutsakiza mukaziwe. Huyu huyu mukaziwe eyeakihanigwa Herod̯ia, d̯ura ewa ni muyamuwe, koro ewa mukaza Filipo, na hali Filipo na Herod̯e wewa ni ndugu. Herod̯e ewa kamuhwaa Herod̯ia na hali Filipo ewa ka mojo.

Marko 1:14

Nyumae, ḅaad̯a ya Yohana Mut̯opya kungizwa gerenzani, Yesu kenda ḍyimbo ḍya Galilaya na kasumwiiya Maagu Mema ya Muungu.

Marko 6:17

Herod̯e kanena hivi kwa kwamba ewa kahuma wantu wenda wamugija Yohana Mut̯opya na kamungiza gerenzani ili aweze kumutsakiza mukaziwe. Huyu huyu mukaziwe eyeakihanigwa Herod̯ia, d̯ura ewa ni muyamuwe, koro ewa mukaza Filipo, na hali Filipo na Herod̯e wewa ni ndugu. Herod̯e ewa kamuhwaa Herod̯ia na hali Filipo ewa ka mojo.

Luka 23:5

Ela wongeza kumuḍia wamba, “Kakuyehani fuḍyo kahi ya wantu wa Yud̯aya nzima kwa mayongweezoye. Kaḍabva na Galilaya na sasa kamakudza na hapfa.”

Luka 3:20

Kwa dzambo ḍyevihivi Herod̯e kamufunga Yohana gerenzani, akidzyongezea mazukaye.

Luka 4:14

Makisa Yesu kagala ḍyimbo ḍya Galilaya akiwa na nguvu za Ruhu Mudheru. Maagu dzuu yakwe yad̯achaa nsi yonse ya Galilaya.

Luka 4:31

Makisa Yesu kenda Kaperinaumi, mudzi wiwo ḍyimbo ḍya Galilaya. Na kula nsiku ya Sabato ekyenda sunagogini na kuwayongweeza wantu.

Yohana 1:43

Chamukoche yakwe Yesu kahuna kwenda Galilaya. Kenda kamuona Filipo na kamwamba, “Niuḅa!”

Yohana 2:11

Hiḍi ḍiiwa ndiḍyo dzambo ḍya d̯ura ḍya kumakisa ḍya Yesu ahendeyeḍyo. Kaḍihenda mudzi wa Kana wiwokuwa ḍyimbo ḍya Galilaya. Na kwa kuhenda hivi, Yesu kayanga uwezowe mukuu eokuwa nao, ndookomu hawa wanafund̯iwe wamuhikiza.

Yohana 3:24

Haya yahendeka kaḅila Yohana nkadzangizwa gerenzani.

Yohana 4:43

Hiziḍe nsiku zombii akuḅaliyezo kukaa mudzi wa Sikari zipfosia, Yesu kagonzowa kenda ḍyimbo ḍya Galilaya.

Yohana 4:54

Hu wiwa ni mweedha wa pfii wa Yesu kunuka na Yud̯aya ende Galilaya na ahende mafara ya kumakisa dzayahaya.