Matayo 4:10 - Pokomo

¹⁰ Ela Yesu kamwamba, “Ninukia hapfa Shaat̯ani! Koro vyoregwa matsoroni kwamba, ‘Umuhile Ḅwana Muungujo na umuhumikie jeje heket̯u!’ ”

Matayo 4:10 Iomraidhean Croise

Matayo 16:23

Ela Yesu kamuperukia Pet̯ero kamupfohosa kamwamba, “Ninukia hapfa Shaat̯ani we! Kwakunikaiyani machingama! Koro hayo wiyokunenani ni mat̯aro ya kibenaad̯amu, si mat̯aro ya kuyawa kwa Muungu!”

Marko 1:13

Kakaa hukuḍe yuwandani kwa nsiku miyongo mine, akiḍemegwa ni Shaat̯ani. Ewa kahi ya waḍondo wa bad̯ani ela malaika wekimuhumikia.

Luka 10:18

Yesu kawamba, “Nimuona Shaat̯ani kagwa nsi kuyawa mbinguni dza yupfepfe.

Luka 11:18

Mwakwambani mimi nayavya mpepfo nzuka kwa uwezo wa Belizebuli. Ela ikiwa kwamba Shaat̯ani anaweza kumuyavya Shaat̯ani, d̯ubva nkaawa kwamba kakudzipfingani jeje mwenye? Na akihenda dzavyo au uhajuwe unawezadze kusumama?

Luka 13:16

Ehe ayu muke ayu, eye yuvyee jwa Iburahimu ahendezejwe muhumwa jwa Shaat̯ani kwa myaka kumi na minane, atsewekwa huru kwa dzambo ḍya kwamba ni nsiku ya Sabato?”

Luka 22:3

D̯ubva Shaat̯ani kamunjia Yud̯a, eyeakihanwa Isikariota, eyekuwa mumodza jwa hawa wanafund̯i kumi na wawii wa Yesu.

Luka 22:31

Makisa Yesu kamuhana Simioni Pet̯ero kamwamba, “Simioni, Simioni! Shaat̯ani kayatsigwa amuḍeme nyonse, dza vya muntu evyonapfepfenta nganu akait̯anya na mapfapfi.

Luka 4:8

Ela Yesu kamwambukuya kamwamba, “Vyoregwa matsoroni kwamba, ‘Umuhile Ḅwana Muungujo na umuhumikie jeje heket̯u!’ ”

Yohana 13:27

Na pfapfo, Yud̯a epfouhwaa hu mukahe Shaat̯ani kamunjia. Yesu nae kamwamba, “Yud̯a, hiḍi wiḍyokutsakani kuhenda, rebva uḍihende haraka.”

Mahendo 26:18

Ni uwapfenuye matso yao na uwaperuye kuyawa kizani wauje muyangani, na wayawe ut̯awalani mwa Shaat̯ani wamuujie Muungu. Ili kwamba, kwa dzambo wanihikiza, Muungu anawayatsia nabvise zao na wadzakaa kuntu kwao kahi ya watsanwa wa Muungu.’

Mahendo 5:3

Pet̯ero kamuuza kamwamba, “Anania, kut̯i kumuyatsa Shaat̯ani auheke mojowo na akuhendeze umukulekule Ruhu Mudheru kwa kudziwekea sehemu ya hizi fwedha upatiyezo wipfoiguza hi nkondeyo?

1 Wakorint̯o 5:5

huyu muntu ni mumungize mikononi mwa Shaat̯ani, ili hu mwiiwe upate kunangwa-nangwa, na apate kupfonywa ruhuye Nsiku ya Ḅwana Yesu adzeyokudza.

1 Wakorint̯o 7:5

Namutsenyimana nywinywi na nywinywi, lamud̯a muwe kwamba musikiana kuhenda hivyo hivyo kwa muḍa ili mupate kumuud̯amia mayombo. Ela kisa ni mugaliane kawii ili Shaat̯ani atsemugisa maḍemoni kwa dzambo ḍya kutsaweza kudzimiza kwenu.

2 Wakorint̯o 11:14

Gula si dzambo ḍya kumakisa, koro hat̯a Shaat̯ani nae anadzihendeza dza malaika jwa muyanga!

2 Wakorint̯o 12:7

Ela kwa kutsaka kunivingira nitsedziona muno kwa dzambo ḍya haya mambo menji makuu makuu aniyangiyeyo, Muungu kaningiza nd̯wari ya tsungu humu mwiini. Hi nd̯wari ikaa dza ntumi jwa Shaat̯ani jwa kunigisa chisa, kunivingira kutsadziona muno.

2 Wakorint̯o 2:11

Nahenda hivi nipate kumutsovya Shaat̯ani nguvu dzuu yehu, koro malengoye huyamanya.

Yakobo 4:7

D̯ubva nywinywi dziwekeni nsii ya mamulaka ya Muungu. T̯aragianani na Shaat̯ani, nae anamud̯arama.

1 Pet̯ero 5:9

D̯ubva zigijeni faro zenu muno, na mut̯aragiane nae; mukimanya ya kwamba hat̯a hawa wahikiza wenzenu wa lumwengu yuzima, nao wakukuntanani nezihizi d̯ina mwizokukuntani nywinywi.