Matayo 3:15 - Pokomo

¹⁵ Ela Yesu kamwambukuya kamwamba, “Kwe hi saasambi viyatse viwe dzevi hivi, koro ihumala kuhenda kula chicho cha sawa usoni kwa Muungu.” Ndookomu Yohana nae kamut̯opya.

Matayo 3:15 Iomraidhean Croise

Matayo 3:14

D̯ura Yohana kaḍema kudziza kamba, “Wewe ndiwe wiyenamala kunit̯opya mimi, awe unanidzia nikut̯opye mimi kawii?”

Luka 1:6

Wowii wewa wantu wahachi na wamutsakiza Muungu, wakiuḅa amuri na sharia zonse za Ḅwana.

Yohana 13:15

Mimi nisakumuyanga nywinywi mufaano wa kuuḅa ili mupate kuhendeana dza hivi nimuhendeeyevyo.

Yohana 15:10

Mimi nizigija amuri za Baba nae kagija kunitsaka. Dza vivyo, nanywi mukizigija amuri zangu munagija kuyaona matsako yangu.

Yohana 4:34

Yesu kawambukuya kawamba, “Mimi chakuḍya changu ni kuhenda miro ya huyu anihumiye na niise hi kazi animpiyeyo kuhenda.

Yohana 8:29

Na jeje anihumiye ka pfamodza nami, nkadzaniyatsa. Nkadzaniyatsa kwa kwamba mimi meshi nahenda yeyonamutsakiza jeje.”

Waeburania 7:26

Yesu ndiye huyu Mukohani Mukuu haswa hwiyenamala kuwa nae. Jeje ni mudheru, na nka t̯amba zuka wala nabvise. Kat̯engwa na wanabvise na kawekwa pfantu pfa hila nkuu mbinguni dzuu.

1 Yohana 2:6

Yuḍejwonse ambiye kakuishini Muunguni, ni had̯i aishi dza viviḍe vya Yesu Kirist̯o aishiyevyo.