Matayo 28:2 - Pokomo

² Ḅwikira, kugunga muhehemo mukuu wa nsi, koro malaika jwa Ḅwana kasuka kuyawa mbinguni, kadza kaḍiperuya-peruya hiḍi iwe ḍifinikizijweḍyo hapfaḍe mbeerani na kaḍikaiya chihako.

Matayo 28:2 Iomraidhean Croise

Matayo 27:60

makisa kaungiza mbeerani. Hi hii mbeera iwa nza Yusufu jeje mwenye ait̯ukuriyeo mwambani, na iwa ni mpya. D̯ubva epfout̯ambaarya hu mwii wa Yesu akisa, kaperuya-peruya iwe kuu kaḍifinikiza hapfaḍe muḍyangoni pfe mbeera, na kagonzowa.

Matayo 27:66

Ndookomu nao wenda waḍingiza muhuri hiḍi iwe ḍiwekejweḍyo hapfaḍe muḍyangoni pfe mbeera, na waweka na kit̯aro cha asikari wa kwamia.

Yohana 20:1

Nsiku ya d̯ura ya ḍyuma, magura mapfema, kwipfokuwa amaale ni kiza kiza, Maria Magid̯alena kenda hukuḍe mbeerani. Epfokwenda, kaḍiona hiḍiḍe iwe ḍiḍyowekwa hapfa pfa kunjiiya humu mbeerani, ḍiperujwa-perujwa ḍinujwa.

Mahendo 16:26

Iyo saa kugunga muhehemo mukuu wa nsi, hat̯a hu musinji we gerenza usukusika. Mweedha mumodza, miḍyango yonse ifunguka na minyoro ya kula mufungwa igwa mutsangani.

Mahendo 5:19

Ela huḍe sikuwe, malaika jwa Ḅwana kawafungwiiya miḍyango ya gerenza, kawayongowa hat̯a nze. Kisa kawamba,

1 Timoteo 3:16

Na ya kwamba hi ngadzi ye faro yehu ni nkuu, hayo hayo ntaya kajela. Kirist̯o kadza lumwenguni dza mwanaad̯amu, na kayanganywa ni huyu Ruhu kwamba ni muhachi. Kaonegwa ni malaika, na nsumwiizi dzuuye zisumwiijwa kwa vyeet̯i vingine vyonse. Kahikizwa ni wantu wa lumwengu yuzima, na kahwajwa kwenda kwa Muungu mbinguni dzuu.

1 Pet̯ero 1:12

Muungu kawapfenuiya hawa manabii kwamba haya haya mambo ntayakwakuhendeka ngera zao, ela yadzahendeka ngera zenu. Na sasa, haya *Maagu Mema yesakusumwiijwa kwenu ni wantu wayongowejweo ni Ruhu Mudheru asusijwe na yuwinguni. Haya ni mambo ambayo kwamba hat̯a malaika wakuyakamiani wayamanye.

Upfenuo wa Yohana 11:19

Kisa Hekalu ya Muungu iyo mbinguni ifungujwa, na hiḍi sand̯uku ḍya ḍamano ḍikionekana humuḍe kuzimu. Na kugunga maḅaḅat̯u, mpepfe na muhehemo mukuu wa nsi. Na kugwa mvuya nkuu ya mawe.