Matayo 26:36 - Pokomo

³⁶ Makisa Yesu kawahwaa hawa wanafund̯iwe kenda nao nkonde ya mizeituni iyoikihanwa Getsemani. Wepfofika kawamba, “Ikaani hapfa, mimi nyakwendani hapfaḍe kausoni nikayombe.”

Matayo 26:36 Iomraidhean Croise

Matayo 26:39

Kisa kenda kausoni kachuchu, kadzigisa funama mutsangani na kayomba kamba, “E Baba jwangu, nakuyomba ikiwezekana ukininwiiye hichi chikombe cha tsungu wa haya mad̯ina nidzeyokunta. Kenge si kwa miro yangu, ela miroyo naihendeke.”

Matayo 26:42

Kisa Yesu kanuka kawii ende akayombe mweedha wa pfii. Na kayomba kamba, “Baaba, ikiwa kwamba hichi hichi chikombe cha tsungu wa mad̯ina ntachiwezi kuninukia lamud̯a nikinwe, ḅasi Baba, miroyo naihendeke.”

Matayo 6:6

Wewe ukwakuyombani njia chumbani mwako ufunge muḍyangowo, na umuyombe Muungu sirini. Na jeje Babajo eyenaona hat̯a hayaḍe wiyonahenda mfitsoni, anakusikia.

Waeburania 5:7

Yesu epfokuwa humu lumwenguni ekimuyomba Muungu na mojo. Ekiyomba na saut̯i nkuu na kuiya kwa huyu mwenye uwezo wa kumupfonya kuyawana na kufwa. Na kwa dzambo ḍya serefanoye na mojowe wa kut̯ii eokuwa nao kwa Muungu, Muungu kamusikia.