Matayo 26:14 - Pokomo

¹⁴ Makisa mumodza jwa hawa wanafund̯i kumi na wawii eyeakihanigwa Yud̯a Isikariota, kenda kwa hawa wakohani wakuu

Matayo 26:14 Iomraidhean Croise

Matayo 10:4

pfamodza na Simioni eyeakihanwa Jangina. Yungine ewa ni Yud̯a Isikariota, huyu adzeyeakimuḍawanya Yesu.

Matayo 26:25

Yud̯a Isikariota, huyu adzeyeakimuḍawanya, kamuuza kamwamba, “Ḅwana, ndimi?” Na Yesu kamwambukuya kamwamba, “Kuvinena wewe mwenye.”

Matayo 26:47

Hali akwakunenani, mumodza jwa hawa wanafund̯iwe kumi na wawii eyeakihanigwa Yud̯a, kakumpuya na kit̯aro chikuu cha wantu watsukwiiyeo myundu na mbuku. Hawa hawa wantu wewa wahumigwa ni hawa wakohani wakuu na wazee wangine.

Matayo 27:3

Yud̯a Isikariota, yani huyu amuḍawanyie Yesu, epfoona ya kwamba Yesu kahukumigwa kuyagwa, kadziut̯i muno. Kayahwaa hayaḍe mawe miyongo mihahu ya fwedha eyopfegwa, kayagalicha kwa hawa wakohani wakuu na hawa wazee wa gasa.

Yohana 12:4

Mumodza jwa hawa wanafund̯i wa Yesu eyeakihanwa Yud̯a Isikariota, nae ewa ka humuḍe nyumbani. Huyu ewa ni huyu adzeyeakimuḍawanya Yesu. Jeje epfoona hivi vya huyu muke ahendeyevyo kamba,

Yohana 13:2

Ipfofika mioro, Yesu na wanafund̯iwe wakaa chihako kuḍyani. Ela Shaat̯ani ewa kesakumungiza Yud̯a mat̯aro ya kumuḍawanya Yesu. Yud̯a ewa ni mwana jwa Simioni Isikariota.

Yohana 13:26

Yesu kambukuya kamba, “Mimi nat̯opya mukahe humu ḅaakulini, na huyuḍe nidzeyeumumpa ḅasi ni huyo huyo.” Na epfot̯opya hu mukahe akisa, kaumumpa Yud̯a mwana jwa Simioni Isikariota.

Yohana 13:30

Yud̯a epfopfegwa huḍe mukahe t̯u nkakukaa kawii, kagonzowa. Na epfonuka, kiza kiwa kimaanjia.

Yohana 18:2

Yesu na wanafund̯iwe wekikaa na kwenda hapfahapfaḍe pfantu kut̯wa. Ndookomu Yud̯a, huyu adzeyeakimuḍawanya Yesu, nae ewa kapfamanya.

Mahendo 1:16

Kamba, “Wandugu zangu, haya yorejweyo kuzimuni mwa haya matsoro madheru yewa ni had̯i yat̯imiye. Ruhu Mudheru kamuhendeza D̯aud̯i kunena dzuu ya Yud̯a. Kayavya unabii wa haya ya Yud̯a andeyohenda, huyu ayongoweyee wantu wadzeowakimugija Yesu.

Mahendo 1:18

Yud̯a kaguya nkonde na hizi fwedha aipfijwezo kwa hendo ḍyakwe zuka. Nae kagwa pfapfaḍe, kaḅaika na kahi na ntumboze zonse ziyawa nze.