Matayo 22:13 - Pokomo

¹³ D̯ubva huyu haju kawamba hawa wahumisiwe, ‘Mugijeni huyu muntu huyu mumufunge-funge maguu na mikono na mumufat̯ule kiza cha nze. Huko ndiko adzekoiya na kurhigha magego.’ ”

Matayo 22:13 Iomraidhean Croise

Matayo 12:29

Ambu, muntu anawezadze kuvunza nyumba ya muntu mwenye nguvu na aheke maliye, pfasipfo kumugija nguzi huyu mwenye amufunge-funge? Akisa kumufunga-funga sipfo kaweza kuyaheka aya maliye?

Matayo 13:30

Ishinu viyatseni vikuye pfamodza. Ngera ya mavuno idzepfofika nawamba hawa wahenda kazi waḍikuye-kuye hiḍi pfaiya na waḍifunge-funge malopa waḍigibvile moho. Ela nawambia kwamba hi nganu waivune na wainingiziye chihaani.’ ”

Matayo 13:42

na wadzawafat̯ula mohoni. Huko huko hawa wantu wadzaiya na kurhigha magego.

Matayo 13:50

Hawaḍe wazuka wadzafat̯ulwa mohoni wadzekoiya na kurhigha magego.”

Matayo 24:51

Hachi hukumu adzeyomumpa anamuḅaaḅaa kafu, na anamuhenda dza hiviḍe vya wantu wambiimbii wevyonahendegwa! Huko huko adzekowekwa kadzaiya na kurhigha magego.”

Matayo 25:30

Haya muhwaeni huyu muhumisi asiye maana huyu na mumufat̯ule kiza cha nze. Huko ndiko adzekoiya na kurhigha magego!’ ”

Matayo 8:12

Ela hawaḍe weopangijwa kuwa wantu wa hu huu Uhaju, Muungu kadzawafat̯ula kiza cha nze, wadzekoiya na kurhigha magego.”

Luka 13:28

Mudzaiya na kurhigha magego mudzepfomuona Iburahimu, Isaka na Yakobo, na manabii wonse Uhajuni mwa Muungu, huku anywi mukifat̯ulwa nze.

Yohana 21:18

Koro hachi nyakukwambiani, wipfokuwa muurani wikidzielekanya na ukenda wikonatsaka wewe mwenye. Ela udzepfojara, kudzagonzowa mikonoyo na muntu yungine kadzakugija akupfiike usikotsaka kwenda.”

Mahendo 21:11

Kahudzia, kauhwaa hu mulao wa Paulo, kaudzifunga nao maguuye na mikonoye, makisa kamba, “Ruhu Mudheru kamba, ‘Mwenye hu mulao hu anafungwa dzevi ni Wayahud̯i wa Yerusalemi, makisa wanamungiza mikononi mwa wantu wa vyeet̯i vingine.’ ”

Mahendo 7:54

Hawa wazee we gasa wepfosikia hivi, wareja na wamurhighia magego na ngoro.

2 Watesalonike 1:9

Wadzahukumigwa hukumu isiyosia wakit̯anywa kuye na Ḅwana na maremboye makuu.

2 Pet̯ero 2:17

Hawa waalimu wa nsuwe waa dza matsana ya mutsangani kuzimu yakumiyeyo ḍama gu. Waa dza mawingu yeyonabigwa ni vut̯o kali yakavarika-varika. Nae Muungu kesakuwapangia kwamba wanakaa wahira, pfantu pfepfo na kiza cha go.

2 Pet̯ero 2:4

Koro ikiwa kwamba malaika wagwiyeo nabviseni t̯u, Muungu nkakuwayatsa, ishinu kawafunga-funga na minyoro na kawafat̯ula simo ḍya kiza. Na humuhumuḍe ndimo wemokuindiiyani hi Nsiku yao ya kuhukumigwa.

Yud̯a 1:13

Haya mahendo yao mazuka mazuka yanadziyavya nze tswee dza hiviḍe vya mawimbi makali ya ḅahari yevyonabiga na kuyavya povu ḍya uchafu. Wao waa dza hiziḍe nyoha zizonadzichiiya ḅasi humu yuwinguni, yani hiziḍe nyoha zizonachia zikaariya kuntu kwa kiza cha go.

Yud̯a 1:6

Na pia natsaka kumukumbusya kwamba hawaḍe malaika wayayatsiyeo haya mamulaka ya Muungu awapfiyeyo, na wakikuyatsa hukuḍe kuntu kwao wapangiijweko kukaa, Muungu kawafunga-funga na minyoro isiyohunika meshi. Kisa kawangiza simo ḍya kiza wemokuindiiyani Nsiku ya kuhukumigwa.

Upfenuo wa Yohana 21:27

Ela humu mudzini ntakunjie kiḍechonse chicho kichafu, wala wantu weonahenda mambo machafu machafu wala wansuwe. Wadzeonjia ni hawaḍe worejweo masari yao kuzimuni mwe Chuo cha maisha cha huyu Mwana Mbuzi.