Matayo 18:8 - Pokomo

⁸ D̯ubva ikiwa kwamba mukonowo ambu kuguuḍyo ḍinakungiza nabviseni, ḍikente uḍifat̯ule. Koro ni heri kupata maisha ya kuunga na yuungo ukiwa na mukono mumodza ambu ukiwa na kirema, kuliko kuwa na mikono miwii ambu maguu mawii, makisa ufat̯ulwe mohoni.

Matayo 18:8 Iomraidhean Croise

Matayo 17:27

Ela kwa kwamba ntahu haḍya ya kuwaudhi, enda hukuḍe ziwani ukagise loo. Nswi ya d̯ura udzeyogiza iḅaze kanwa na unaona kuruḅembe modza. Ḍihwae wende ukaipfe kuwa ḍyako na ḍyangu.”

Matayo 25:41

Yesu kagija kunena kamba, “Makisa huyu haju kadzawaperukia hawaḍe weo mukono tsonso wakwe awambe, ‘Haya ninukiani hapfa nywinywi wantu muḍuijweo! Endani kwa moho usiozimika maishi, welekanyijweo kwa dzambo ḍya Shaat̯ani na malaikawe.

Matayo 25:46

Ndookomu hawa wantu wazuka wadzangizwa pfantu pfa adhaḅu isiyosia. Ela wahachi wadzangizwa pfantu pfa maisha ya kuunga na yuungo.”

Luka 14:33

D̯ubva ntaku mumodza jwenu adzeeweza kuwa mwanafund̯i jwangu pfasipfo kujibat̯a yonse eyonayo.”

Luka 16:24

D̯ubva kahana kamba, ‘Ee baba Iburahimu, nifwiya t̯ei. Muhume Lazaro, at̯opye nsa ya ḍoweḍye madzini, anipfoze jwiimi jwangu, koro nyakuoneswani tsungu muno humu mohoni.’

Warumi 13:12

Hu siku umakuchiani na hi nsi imakuchani. Dza vivyo, hi hii ngera ya mambo mazuka mazuka imakuchiani, na Kirist̯o kamaawa hafufi kuuja. D̯ubva nahuyatseni kuhenda mambo ya kiza na hutsukuye vyeera vya kuhuwezesa kujwania muyangani.

Upfenuo wa Yohana 14:10

huyo nae anainwa hi mvinyo ye ngoro nkali ya Muungu. Koro hi hukumu ya Muungu yaa dza mvinyo nkali isiyotsanganywa na madzi. Muungu jeje mwenye kaikakanya hi hii mvinyo humu mwa hichi chikombeche cha ngoro, na wonse wahendeyeo haya haya mazuka wadzakunta d̯ina. Wadzatsomwa moho mukali wiwonawaka maḅiliḅili, usoni ya huyu Mwana Mbuzi na hawa malaikawe.

Upfenuo wa Yohana 20:15

Na yuḍejwonse asiyekworegwa sariḍye kuzimuni mwa Chuo cha maisha, huyo kafat̯ulwa humuḍe mwa hiḍi ziwa ḍya moho.

Upfenuo wa Yohana 21:8

Ela woga, wasiohikiza, wantu weonahenda mambo machafu machafu, wayaji, waḅari, watsawi, weonayomba masanamu na wansuwe wonse, hukumu yao wadzafat̯ulwa humuḍe mwa hiḍi ziwa ḍiḍyonawaka moho wa maḅiliḅili. Na huko ndiko kufwa kwa pfii.”