Matayo 16:23 - Pokomo

²³ Ela Yesu kamuperukia Pet̯ero kamupfohosa kamwamba, “Ninukia hapfa Shaat̯ani we! Kwakunikaiyani machingama! Koro hayo wiyokunenani ni mat̯aro ya kibenaad̯amu, si mat̯aro ya kuyawa kwa Muungu!”

Matayo 16:23 Iomraidhean Croise

Matayo 16:22

Pet̯ero kamukuntia geri na kamukanya kamwamba, “Po, navichiye na kuye Ḅwana! Haya ntayawezi kukupata meshi!”

Matayo 18:7

Wadzawa na d̯ina iyodze hawaḍe weonangiza wenzao nabviseni. Gula maḍemo ni had̯i yadze, ela huyuḍe eyenangiza wantu maḍemoni kadzakunta d̯ina nkuu muno!

Matayo 4:10

Ela Yesu kamwamba, “Ninukia hapfa Shaat̯ani! Koro vyoregwa matsoroni kwamba, ‘Umuhile Ḅwana Muungujo na umuhumikie jeje heket̯u!’ ”

Marko 8:33

Ela Yesu kaperuka kuwapfandukia hawa wanafund̯iwe wangine, kisa kamubusa Pet̯ero kamwamba, “Ninukia hapfa Shaat̯ani we! Kwakunikaiyani machingama! Koro hayo wiyokunenani ni mat̯aro ya kibenaad̯amu, si mat̯aro ya kuyawa kwa Muungu!”

Luka 4:8

Ela Yesu kamwambukuya kamwamba, “Vyoregwa matsoroni kwamba, ‘Umuhile Ḅwana Muungujo na umuhumikie jeje heket̯u!’ ”

Yohana 6:70

Kisa Yesu kawamba, “Uriye simi nimutsaniye nyonse wanafund̯i wangu kumi na wawii? Ela mumodza jwenu ka dza Shaat̯ani haswa!”

Warumi 14:13

D̯ubva nyakumwambiani, manyani mutsehukumiana nywinywi na nywinywi kawii. Ishinu sasa hunani kutsahenda dzambo ḍiḍeḍyonse ḍya kwamba ḍinamuhendeza ndugu mwenziwo akolasike agwe nabviseni.

Warumi 14:21

Ni heri kutsaaḍya nyama, wala kunwa mvinyo ambu kuhenda kintu kiḍechonse chichonaweza kumugisa nabviseni ndugu mwenziwo.

Wafilipi 3:19

Wao chikuu wechonauḅa ni t̯amaa zao za kimwii. Wanaziuḅa dza kwamba ndizo miungu yao. Haya mambo ya kwamba wayaoneye yutswa, ndiyo yao weyonadzishad̯a nayo. Chao t̯u wechonat̯aria ni mambo ya huju huju lumwengu. Hakika mwisowe Muungu kadzawananga-nanga!

Wakolosai 3:2

Namutsekaiya t̯amaa za mambo ya huju lumwengu, ela jwaniani kupata mema ya mbinguni.