Matayo 14:6 - Pokomo

⁶ Ela nsiku modza Herod̯e epfoakihenda jila ya kukumbuka kuvyajwa kwakwe, mwanamuke jwa Herod̯ia kavina urembo muno usoni ya hawa wageni wonse. Hivi vya huyu mwanamuke aviniyevyo vimutsakiza Herod̯e muno,

Matayo 14:6 Iomraidhean Croise

Matayo 14:3

Herod̯e kanena hivi kwa kwamba ewa kamugija Yohana Mut̯opya na kamungiza gerenzani ili aweze kumutsakiza mukaziwe. Huyu huyu mukaziwe eyeakihanigwa Herod̯ia, d̯ura ewa ni muyamuwe, koro ewa mukaza Filipo, na hali Filipo na Herod̯e wewa ni ndugu. Herod̯e ewa kamuhwaa Herod̯ia na hali Filipo ewa ka mojo.

Matayo 14:7

hat̯a kaḍya kiyapfo usoni ya hawa wageniwe kwamba anamuhendea huyu mwanamuke kiḍechonse adzechotsaka.

Matayo 22:24

wamwamba, “Mwaalimu, *nabii Musa ewa kamba muntu akifwa pfasipfo kuvyaa wana, huyu ndugujwe ni had̯i amuḍale muyamuwe ili aweze kumuvyaiya wana huyu ndugujwe afwiye.

Marko 6:14

Maagu dzuu ya Yesu yad̯achaa kula pfantu hat̯a yendayamufika Haju *Herod̯e. Wantu wangine wekyamba, “Yohana Mut̯opya kafufuka kuyawa kwa wafu, ndiyo maana anaweza kuhenda mafara ya kumakisa dzayahaya.”

Marko 6:17

Herod̯e kanena hivi kwa kwamba ewa kahuma wantu wenda wamugija Yohana Mut̯opya na kamungiza gerenzani ili aweze kumutsakiza mukaziwe. Huyu huyu mukaziwe eyeakihanigwa Herod̯ia, d̯ura ewa ni muyamuwe, koro ewa mukaza Filipo, na hali Filipo na Herod̯e wewa ni ndugu. Herod̯e ewa kamuhwaa Herod̯ia na hali Filipo ewa ka mojo.

Marko 6:19

Herod̯ia kamuwekea kevo Yohana na katsaka kumuyaga, ela nkakuweza.

Marko 8:15

Yesu kawamba, “Nywinywi manyani! Dzit̯unzeni muno na hamira ya Mafarisayo na ya *Herod̯e.”

Luka 13:31

Iiḍe saa *Mafarisayo wangine wamuḍaabvata Yesu wamwamba, “Nuka hapfa wende kuntu kungine, koro haju *Herod̯e anatsaka kukuyaga.”

Luka 23:11

Na Herod̯e na asikariwe waḍabva kumutsezea na kumubaladhaiya Yesu. Makisa wamuvwika lot̯a ḍya mad̯aha na wamugalicha kwa Pilato.

Luka 23:7

Epfomanya kwamba Yesu kayawa Galilaya, ḍyimbo ḍiḍyoḍikit̯awaligwa ni haju *Herod̯e, kamupfiika kwa Herod̯e. Hizihiziḍe nsiku, Herod̯e ewa kadza Yerusalemi.

Luka 3:1

Wiwa mwaka wa kumi na nsano hangu *Kaisari Tiberio awe haju jwa nsi yonse ya Rumi. Nsiku hizo, Pontio Pilato, ewa liwali jwa Yud̯aya. Na *Herod̯e ewa haju jwa Galilaya, na Filipo ndugujwe, ewa haju jwa Iturea na Tirakoniti. Hali Lisania ewa haju jwa Abileni.

Luka 3:19

Kamut̯olela haju Herod̯e, kwa dzambo ḍya kumuhwaa Herod̯ia, eyekuwa mukaza ndugujwe na kwa mazuka yangine ahendeyeo.

Luka 8:3

Yoana, muke jwa muhenda kazi mukuu jwa *Herod̯e ahanijwe Kuza, na Susana, pfamodza na wake wangine wenji wawahumikiiyeo na malit̯e yao, Yesu na wanafund̯iwe.

Mahendo 12:1

Hafufi ziziḍe ngera, haju *Herod̯e kaḍabva kuwakuntisa d̯ina wantu wangine wa hiḍi tsanganiko.

Mahendo 4:27

Ndivyo ḍugha, koro *Herod̯e, Pontio Pilato, wantu wa vyeet̯i na wantu wa Isiraeli wekudziana pfamodza humu mudzini, kumupfinga huyu muhumisi jwako mudheru, Yesu Masiya.