Matayo 12:3 - Pokomo

³ Ela Yesu kawambukuya kawamba, “Munamba ntamudzasoma hat̯a aviḍe vya D̯aud̯i ahendeyevyo epfokuwa na nzaa jeje na wantuwe?

Matayo 12:3 Iomraidhean Croise

Matayo 12:2

D̯ubva hawa *Mafarisayo wepfowaona wamuuza Yesu wamwamba, “T̯awayowe hawa wanafund̯iwo! Kut̯i wakuhendani kazi na nsiku ya Sabato na hali hi *Sharia yehu ihuvingira kuhenda dzavyo?”

Matayo 12:4

Wenda wanjia humuḍe hemani mwa Muungu, na waiḍya hi mikahe iyoyavigwa mvuugiya kwa Muungu. Kahenda hivi na hali kisheria weoruhusijwa kuiḍya hiḍe mikahe wewa ni wakohani t̯u!

Matayo 12:5

Ambu ai Sharia ya Musa ntamudzaisoma hat̯a muimuke kwamba hawaḍe wakohani weonawa humuḍe Hekaluni, wanakaa na kuhenda kazi na nsiku ya Sabato, na vivyo ntawa matsowa yaḍeyonse?

Matayo 19:4

Yesu kawambukuya kawamba, “Aya matsoro munamba ntamudzayasoma hat̯a? Yamba, ‘Ḍabvu Muungu kaumba muke na muyume.’

Matayo 21:16

Wamuuza Yesu wamwamba, “Avi vya awa wana wevyokunenani kwakuvisikiani?” Yesu kawambukuya kawamba, “Nyakuvisikiani.” Makisa kawauza kawamba, “Munamba ntamudzasoma hat̯a apfaḍe pfa haya matsoro yaneneyepfo yakyamba, ‘Kuwahendeza wana na hat̯a vilelehea vikushad̯e na manwa yao.’ ”

Matayo 22:31

Na dzuu ya wantu kufufujwa kuyawa kwa wafu, natsaka kumwambia kwamba, Muungu si Muungu jwa wafu hat̯a. Jeje ni Muungu jwa wantu weo mojo. Munamba ntamudzayasoma hat̯a aya matsoro mumanye aviḍe vya Muungu aneneyevyo? Haya matsoro yamba kwamba, Muungu kamba, ‘Mimi ndimi Muungu jwa wabibizo, aḍe Iburahimu, Isaka na Yakobo.’ ”

Marko 12:10

Makisa Yesu kawauza kawamba, “Munamba ntamudzayasoma hat̯a aya matsoro yambiyeyo, ‘Hiḍi iwe ḍidzizijweḍyo ni wambaka, ndiḍyo ḍigaliyeḍyo iwe muhimu ḍya kumbakia.

Marko 12:26

Na dzuu ya wantu kufufujwa kuyawa kwa wafu, munamba ntamudzayasoma hat̯a aya matsoro ya Musa? Hapfaḍe pfaneneyepfo dzuu ya hichi kitsorya chichochikipfya, Muungu kamwamba Musa, ‘Mimi ndimi Muungu jwa wabibizo, aḍe Iburahimu, Isaka na Yakobo.’

Luka 10:26

Yesu kamwambukuya kamwamba, “T̯anyambia, ai *Sharia yambadze? Na unaiimukadze?”

Luka 6:3

Ela Yesu kawambukuya kawamba, “Munamba ntamudzasoma hat̯a aviḍe vya D̯aud̯i ahendeyevyo epfokuwa na nzaa jeje na wantuwe?