Matayo 12:10 - Pokomo

¹⁰ Humuḍe kuzimu kwiwa na muntu mumodza ahinamfiye mukono. Hawa Mafarisayo wekilacha kadzambo ka kumusit̯aki nako Yesu. D̯ubva wamuuza wamwamba, “Dze, kuuḅana ne Sharia yehu, ni hachi kuhenda kazi ya kupfonya muntu na nsiku ya Sabato?”

Matayo 12:10 Iomraidhean Croise

Matayo 12:2

D̯ubva hawa *Mafarisayo wepfowaona wamuuza Yesu wamwamba, “T̯awayowe hawa wanafund̯iwo! Kut̯i wakuhendani kazi na nsiku ya Sabato na hali hi *Sharia yehu ihuvingira kuhenda dzavyo?”

Matayo 19:3

*Mafarisayo wangine wamwendea na wekitsaka kumulevya Yesu na swali. Wamuuza wamwamba, “Ḅwana, ai *Sharia ya Musa inamuruhusu muntu kumuyatsa mukaziwe kwa saḅaḅu iḍeyonse?”

Marko 3:2

Na pia kwiwa na *Mafarisayo weowakilacha dzambo ḍya kumusit̯aki naḍyo Yesu. D̯ubva wekimuchimiza waone kwamba anamupfonya huyu muntu na nsiku ya Sabato ambu hat̯a.

Luka 11:54

wakilacha dzambo zuka adzeḍyonena ili wamuḍie.

Luka 13:14

Ela huyu mukuu jwa sunagogi kareja kwa kwamba Yesu kapfonya muntu na nsiku ya Sabato. Ndookomu kanena na hawa wantu kawamba, “Kuna nsiku ntandahu za kwamba munaweza kuhenda kazi. D̯ubva nzoni kuzimuni ya hizo hizo nsiku muriit̯we, ela namutsekudza na nsiku ya Sabato!”

Luka 20:22

D̯ubva t̯ahwambiye, dze ni hachi kwamba wantu waipfe kuwa kwa *Kaisari ambu hat̯a?”

Luka 23:14

Kawamba, “Mumuniyeheya huyu muntu na mwamba kakwaaryani wantu. Nami nimukora usoni yenu, ela sikumuona na tsowa hat̯a modza kahi ya hayaḍe mumuḍiiyeo nayo.

Luka 23:2

Waḍabva kumuḍia wamba, “Humut̯onga huyu muntu akwakuwaaryani wantu wehu akiwamba, watseipfa kuwa kwa sirikali ya *Kaisari. Na kakudzihanani *Kirist̯o, yani Haju.”

Yohana 5:10

Ndookomu hawa wayongozi wa Kiyahud̯i, wepfomuona huyuḍe muntu katsukuya t̯at̯a, wamwamba, “Yeo ni nsiku ya Sabato kisa nawe kwakuhendani kazi kwakutsukuyani mat̯at̯a! Nkudzi kwamba kwakuvunzani Sharia?”

Yohana 5:3

Humu maḅandani kwikikaa na kut̯ambaara wajwazi wenji na wenji, hangu ntumbu matso, vihewi na hat̯a wahinamfiyeo.

Yohana 7:23

Haya, nywinywi wana wenu munawahinya hat̯a ikiwa kwamba ni nsiku ya Sabato ili mupate kuit̯ii hi Sharia ya Musa. Mani d̯ubva ami nikimapfoza muntu na akiwa muzima kaḅisa na nsiku ya Sabato, kut̯i munirejea?

Yohana 8:6

Wamuuza dza hivi ili wapate kumusocha na wapate dzambo ḍya kumusit̯aki naḍyo. Ela Yesu kenama na kaḍabva kwora na ḍowe hapfa mutsangani.

Yohana 9:16

Wangine wa hawa Mafarisayo wamwamba, “Huyu muntu akupfonyeye si muntu jwa kuyawa kwa Muungu, maanaye nkakwakuiuḅani hi sharia ya kutsahenda kazi na nsiku ya Sabato.” Ela wangine wamba, “T̯ambere huyu muntu ni munabvise, andeweza kuhenda mafara ya kumakisa dzayahaya?” Ndookomu wagawika haya mat̯aro.