Matayo 11:11 - Pokomo

¹¹ Hachi nyakumwambiani, kahi ya wanaad̯amu wonse waishiyeo, ntakudzawa na yuḍejwonse eye mukuu kumuchia Yohana Mut̯opya. Ela huyuḍe eye muḍoḍo jwa mwiso Uhajuni mwa Mbinguni, ni mukuu kumuchia Yohana.

Matayo 11:11 Iomraidhean Croise

Matayo 11:10

Koro Yohana ndiye anenejwee humu matsoroni kwamba kadzahumigwa. Haya matsoro yamba, ‘T̯ayowa, namuhuma ntumi jwangu usoni yako, adzeielekanya njiayo.’

Matayo 11:12

Hangu ngera ya Yohana aḍabviyeyo kusumwiiya hat̯a hi hii saasambi, haya maagu dzuu ya Uhaju wa Mbinguni yakupfingwani kula pfantu. Na hao hao wantu weokuyapfingani, wakutsakani kuukuya Uhaju wa Mbingu na nguvu.

Matayo 3:1

Hizihiziḍe ngera, Yohana Mut̯opya kanuka na kaḍabva kusumwiiya yuwanda jwa Yud̯aya

Matayo 3:11

Yohana kagija kunena kamba, “Mimi nyakumut̯opyani na madzi, kuyanga kwamba muziyatsa nabvise zenu. Ela huyuḍe eyekudzani nyuma yangu kadzamut̯opya na Ruhu Mudheru na moho. Jeje ana uwezo mukuu kunichia mimi, chima cha kwamba sinamala hat̯a kutsukuya viyahuvye.

Matayo 5:19

Ndookomu yuḍejwonse adzeyeivunza hat̯a hiḍe amuri ndoḍo ya mwiso, na akiwayongweeza na wangine wahende dzavyo, ḅasi muntu dzae anawa muntu jwa nsii jwa mwiso Uhajuni mwa Mbinguni. Ela yuḍejwonse adzeyeit̯ii hi Sharia na akiwayongweeza na wangine kuhenda dzavyo, ḅasi muntu dzae anawa mukuu Uhajuni mwa Mbinguni.

Luka 1:15

Yohana kadzawa muntu mukuu usoni kwa Ḅwana. Nkakudzanwa tembo wala kiḍechonse chichonarumisa. Hangu kuvyajwani kwakwe kadzadzazwa na Ruhu Mudheru.

Luka 7:28

Hachi nyakumwambiani, kahi ya wanaad̯amu wonse waishiyeo, ntakudzawa na yuḍejwonse eye mukuu kumuchia Yohana Mut̯opya. Ela huyuḍe eye muḍoḍo jwa mwiso Uhajuni mwa Muungu, ni mukuu kumuchia Yohana.”

Luka 9:48

Makisa kawamba, “Yuḍejwonse adzemupfokea huyu mwana kwa dzambo ḍyangu, kanipfokea mimi. Na huyuḍe adzenipfokea mimi kamupfokea huyu anihumiye. Koro awee muchuchu jwa mwiso kahi yenu, ndiye mukuu.”

Yohana 1:15

Yohana kashuhuḍia hi ya hachi dzuuye epfolalabva akyamba, “Huyu ndiye nyambiye kakudzani nyuma yangu ela ni mukuu kunichia mimi, maanaye ewapfo hangu nisidzavyajwa.”

Yohana 1:27

Jeje kakudzani nyuma yangu, ela sinamala hat̯a kufunguya milao ya viyahuvye.”

Yohana 10:41

Na wantu wenji wamwendea na waḍabva kunena wao na wao wakyamba, “Gula Yohana nkakuhenda mafara ya kumakisa yaḍeyonse, ela kula aneneyecho dzuu ya huyu muntu huyu kiiwa ncha ḍugha.”

Yohana 3:30

Ni had̯i jeje agije kushad̯wa zaid̯i na zaid̯i, nami nigije kutsowa shad̯u.

Yohana 5:35

Yohana ewa dza tsaa iyoikiyangaa, na nywinywi wenye mwiitsekezwa ni hivi vyuuwovye kwa muḍa, vivyokuwa dza muyanga kwenu.

Yohana 7:39

Yesu epfonena hivi, ewa kakunenani dzuu ya huyu Ruhu jwa kudzapfegwa hawaḍe wonse wamuhikiziyeo jeje. Wantu wewa ntawadzamupfegwa huyu Ruhu, kwa kwamba Yesu ewa nkadzahwajwa angizwe maremboni mwakwe.

1 Wakorint̯o 15:9

Koro kahi ya hawa ntumi wonse, ndimi muchuchu jwa mwiso. Na sinamala hat̯a kuhanwa ntumi, kwa kwamba niiḍikuntisa d̯ina hiḍi tsanganiko ḍya Muungu.

1 Wakorint̯o 6:4

D̯ubva, d̯ubi dzezihizi zikidza, munazipfiikia wantu weonanyirwa ni hiḍi tsanganiko munaa?

Waefeso 2:3

Naswi swiswi, hwonse d̯ura hwiiwa dzao. Hwikidzitsekeza myojo yehu na kula zuka, hukiuḅa t̯amaa zehu nzuka nzuka na mat̯aro yehu ya kiwanaad̯amu. Swiswi, dza wanaad̯amu wangine wonse, hwiiwa wantu wa kwamba Muungu andehuadhiḅu kwa dzambo ḍya kumurejesa na nabvise zehu.

Waefeso 3:8

Na hali kahi ya wantu wonse wa Muungu, mimi ndimi nisiyekuwa na maana jwa mwiso. Ela hat̯a vivyo, Muungu kanimpa kazi ya maana ya kuwasumwiiya wantu wa vyeet̯i dzuu ya mema makuu na makuu ya Kirist̯o yasiyo chima.

2 Timoteo 1:10

Ela sasa, hi t̯eiye huiona kwa kudza kwa Kirist̯o Yesu, mupfonya jwehu. Na kuyawana na haya Maagu Mema, humanya ya kwamba Kirist̯o kazishinda nguvu za kifo na kahuwezesa kuwa na maisha yasiyosia.

Waeburania 11:40

Hivi ni kwa kwamba Muungu kahupangia mema makuu zaid̯i. Koro wao ntawawezi kukamilika wao heket̯u pfasipfo kukamilika pfamodza naswi.

1 Pet̯ero 1:10

Dzuu yohuu mupfonyo, hawa manabii wat̯aḅiriyeo dzuu ya hi t̯ei ya Muungu idzeyokudza kwenu,