Marko 9:42 - Pokomo

⁴² Yesu kagija kunena kamba, “Ela yuḍejwonse adzeemugisa nabviseni mumodza jwa hawa weo dza wana vichuchu wanihikiziyeo, huyo ni heri kufungwa iwe ḍya kupaazia ot̯ini na afat̯ulwe ḅaharini.

Marko 9:42 Iomraidhean Croise

Matayo 17:27

Ela kwa kwamba ntahu haḍya ya kuwaudhi, enda hukuḍe ziwani ukagise loo. Nswi ya d̯ura udzeyogiza iḅaze kanwa na unaona kuruḅembe modza. Ḍihwae wende ukaipfe kuwa ḍyako na ḍyangu.”

Matayo 18:10

D̯ubva manyani mutsebalifa hat̯a mumodza jwa hawa hawa wantu wanihikiziyeo, weo dza wana vichuchu. Koro hachi nyakumwambiani, hawa malaika wao saa zonse waa usoni pfa Baba jwangu jwa mbinguni.”

Matayo 18:6

Ela yuḍejwonse adzeemugisa nabviseni mumodza jwa hawa weo dza wana vichuchu wanihikiziyeo, huyo anamala kufungwa iwe ḍya kupaazia ot̯ini na afat̯ulwe ḅaharini.

Mahendo 9:4

Kagwa mutsangani na kasikia idzwi ḍimwambiyeḍyo, “Sauli, Sauli! Kut̯i kwakunionesani tsungu?”

Warumi 14:13

D̯ubva nyakumwambiani, manyani mutsehukumiana nywinywi na nywinywi kawii. Ishinu sasa hunani kutsahenda dzambo ḍiḍeḍyonse ḍya kwamba ḍinamuhendeza ndugu mwenziwo akolasike agwe nabviseni.

Warumi 15:21

Ishinu nyakuhendani dza hivi vya haya matsoro yaneneyevyo yakyamba, “Hawaḍe wasiodzakwambijwa kiḍechonse dzuu yakwe, wadzayamanya haya maagu dzuuye. Na hawaḍe wasiodzasikia meshi dzuuye, wadzayaimuka haya maagu urembo.”

Warumi 16:17

Na sasa wandugu zanguni, nyakumuyombani kwamba mudzit̯unze na hawa wantu weonayongweeza mayongweezo ya kwaarya wantu, yakayeha kutsaimukana na wantu wakaḅaikana vit̯aro vit̯aro. Haya weyokuyongweezani ni garagara na haya mayongweezo muyongweezejweyo. Wantu dzao wakaiyeni kuye.

2 Wakorint̯o 6:3

Ntahut̯aki kazi yehu ionekane na tsowa ḍiḍeḍyonse, ndookomu hwakuḍemani hutseewa mpingamizi kwa yuḍejwonse.

Wafilipi 1:10

ili kwamba muweze kutsana hayaḍe yeyo mema ya mwiso. Ndookomu nanywi ntamuwe na kat̯amba kaḍekonse wala alano hat̯a nsiku ya Kirist̯o adzepfokudza.

1 Timoteo 5:14

D̯ubva, ami nindetsaka hawa wake wachiwa waḍoḍo wahwajwe kawii, wavyae wana na wat̯unze madzumba yao, wapate kutsawapfa nyabva wehu kapfango ka kuhunenea mazuka.

2 Pet̯ero 2:2

Hat̯a vivyo, wenji wa hawa wantu wahikiziyeo wadzat̯aḅa hi myenendo yao mizuka. Na kwa dzambo ḍya mahendo yao, wantu wadzainenea mazuka hi Njia ya hachi.