Marko 9:31 - Pokomo

³¹ koro ekiwayongweeza wanafund̯iwe. Kawamba, “Mimi Mwana jwa Ad̯amu nidzangizwa mikononi mwa wantu, nao wadzaniyaga, ela nsiku ya hahu nidzafufuka kuyawa kwa wafu.”

Marko 9:31 Iomraidhean Croise

Matayo 16:21

D̯ubva hangu hapfo hapfo, Yesu kaḍabva kuwambia hawa wanafund̯iwe wazi wazi dzuu ya mambo yadzeyomuhendekea. Kawamba ni had̯i ende Yerusalemi adzekokuntiswa d̯ina ni hawa wazee na wakohani wakuu pfamodza na waalimu wa Sharia. Kawamba kadzayagwa, ela nsiku ya hahu kadzafufujwa kuyawa kwa wafu.

Matayo 20:28

Koro hat̯a nami mimi Mwana jwa Ad̯amu sikudzia kuhumikijwa, ela nidza dza muhumisi. Na pia nidzia kuyayavya maisha yangu yawe mupfonyo wa wenji.”

Matayo 26:2

“Dza mumanyiyevyo, ḅaad̯a ya nsiku mbii inawa ni *Pasaka. Huo huo wakati, mimi *Mwana jwa Ad̯amu nidzaḍawanywa na nipfatsikwe muhini mwa mpatsa.”

Matayo 27:63

D̯ubva wepfofika wamwamba, “Ḅwana, hukumbuka kwamba huyuḍe muntu munsuwe asidzafwa ewa kamba anafwa, ela nsiku ya hahu anafufuka kuyawa kwa wafu.

Marko 10:34

Nao wadzanibaladhaiya na kunikamia mahe na kunibiga malucha, kisa waniyage. Ela nsiku ya hahu nidzafufuka kuyawa kwa wafu.”

Marko 8:31

Makisa Yesu kaḍabva kuwayongweeza hawa wanafund̯iwe. Kawamba kwamba ni had̯i jeje Mwana jwa Ad̯amu adzeakuntiswe d̯ina na adzizigwe ni hawa wazee na wakohani wakuu, pfamodza na waalimu wa Sharia. Kawamba kadzayagwa, ela nsiku ya hahu kadzafufujwa kuyawa kwa wafu.

Marko 9:12

Nae kawambukuya kawamba, “Gula ni ḍugha kwamba Eliya hi had̯i adze d̯ura ili ayaelekanye mambo yonse. Ela ni kwa dzambo ga vyoregwa matsoroni kwamba Mwana jwa Ad̯amu ni had̯i akuntiswe d̯ina na anyirwe ni wantu?

Luka 24:26

Ntaikumala hat̯a kwamba ayu *Masiya aoneswe tsungu asidzanjia maremboni mwakwe?”

Luka 9:44

“Pfindiiyani muno haya niyokumwambiani. Mimi Mwana jwa Ad̯amu nidzangizwa mikononi mwa wantu.”

Yohana 10:18

Ntaku eyenaweza kuyahwaa maisha yangu, ela nyakuyayavyani kwa kutsaka kwangu mwenye. Koro nina mamulaka ya kuyayavya na kuyahwaa mwenye dza vya Baba aniamuriyevyo nihende.”

Yohana 2:19

Yesu kawambukuya kawamba, “Nywinywi ivunzeni hi Hekalu, kisa nami naimbaka kawii kwa nsiku ntahu.”

Yohana 3:14

Na dza viviḍe vya Musa ailelevyeevyo hiḍe nyoka ya shaḅa hukuḍe yuwandani, ndivyo vyangu mimi Mwana jwa Ad̯amu nidzevyopfatsikwa,

2 Timoteo 2:12

Ikiwa kwamba hugija kuit̯isa, pia hudzat̯awala pfamodza nae. Ikiwa kwamba humukana jeje, nae pia anahukana.