Marko 9:24 - Pokomo

²⁴ Pfapfo babajwe huyuḍe mwana kaḅaa idzwi kamba, “Nihikiza! Ela nisaiḍia niwe na faro zaid̯i.”

Marko 9:24 Iomraidhean Croise

Marko 9:23

Yesu kamwambukuya kamwamba, “At̯i kwakwambani nikiweza? Mambo yonse yanawezekana kwa huyuḍe amuhikiziyee Muungu.”

Marko 9:25

Yesu epfoona kwamba hi t̯ut̯a ya wantu yakwongezekani, kaibusa hi mpepfo nzuka kayamba, “Wewe mpepfo nzuka umuhendezeyee huyu muurani kuwa ḅuḅwi na kurud̯ud̯u, nyakukuamuruni umuyawe huyu muurani, na nku ruhusa ya kumugalia kawii!”

Luka 17:5

Makisa hawa *ntumi wamwamba Yesu, “Ḅwana, hwongeze faro yehu.”

Luka 7:38

Kasumama nyuma ya Yesu, hafufi na maguuye huku akiwa kuiyani. Hi mitsoziye imutsaposa Yesu haya maguu. Kisa kaḍabva kamufuta na hizi nywiize, na kuyanonea haya maguu na kuyahiiya manunkanto.

Luka 7:44

Makisa Yesu kaperuka kumuyowa huyu muke na kamwambia Simioni, “Kumuona ayu muke ayu? Kanyosa maguu yangu na mitsoziye na kanipfanguya na nywiize. Kenge wewe nipfokudza nyumbani mwako nkukunimpa hat̯a madzi ya kukosea vumbi ḍya maguuni mwangu.

Mahendo 10:19

Pet̯ero ewa kakuḍemani amaale kuimuka maana ya hi nzozi, Ruhu Mudheru epfomwamba, “T̯ayowa! Kuna wantu wahahu weokukulachani.

Mahendo 10:31

na kanyamba, ‘Koronelio, Muungu kasikia mayombo yako, na kapfokea mvuugiyazo kwa masikini.

2 Wakorint̯o 2:4

Hihiiḍe ḅaruwa niimworea na mojo muziho wiwokuwa na tsungu mwinji huku mitsozi ikinibiga ḅagwi. Sikuimworea kumungiza tsungu, ela niimworea mupate kumanya namuna nimutsakiyevyo.

Waefeso 2:8

Mupfonywa kwa t̯ei ya Muungu t̯u kwa kwamba mumuhikiza Kirist̯o. Ela ntamukupfonywa kwa dzambo ḍya mema yaḍeyonse muhendeyeyo. Hu mupfonyo mupatiyeo ni t̯ola ya Muungu amumpiyeyo. Ndookomu nakutseewa jwa kudziona.

Wafilipi 1:29

Koro hi hii namfasi maalumu mupfegejweyo, ntamukuipfegwa kwa kumuhikiza Kirist̯o t̯u, ela hat̯a na kwa kukuntiswa d̯ina kwa dzambo ḍyakwe.

2 Watesalonike 1:11

D̯ubva naswi, hunamuyombea kwa Muungu kut̯wa, apate kumuhwaa dza wantu muishiyeo haya maisha amuhaniiyeyo muishi. Na pia, hunamuyombea ili Muungu kwa nguvuze amuwezese kuhenda kula dzema mwiḍyonatsaka kuhenda kwa dzambo ḍya kumuserefat̯a Ḅwana Yesu.

2 Watesalonike 1:3

Wandugu zangu, swiswi hunamala kumuyaviza ḍuḍa Muungu kut̯wa kwa dzambo ḍyenu. Ni hachi kwehu kuhenda hivi, kwa dzambo ḍya kwamba faro yenu igija kukuya zaid̯i na zaid̯i na mwakugijani kutsakana zaid̯i na zaid̯i.

2 Timoteo 1:4

Nyakukumbukani mitsozi iyokubiga ḅagwi, hwipfohukiḍamana, nami nyakut̯amanini kukuona muno, nipate kudzajwa ni tsekea.

Waeburania 12:17

Nywinywi wenye mumanya kwamba, nyumae, jeje kadzakatsaka kuvodhyegwa dza mwana hangafa, ela babajwe kamudzizia. Na hat̯a ingawa kalacha kuvodhyegwa huku akiiya, nkakuwa na cha kuhenda apate kuupata uhangafawe kawii.

Waeburania 12:2

Nahugije kumuyowa Yesu eye muḍabvisa na mut̯imiza jwe faro yehu. Jeje kabea kufwa kwa kinyaya hapfaḍe muhini mwa mpatsa pfasipfo kuviona dza kintu, kwa dzambo ḍya tsekea eyoakiyoweeya kudzawa nayo. Na sasa kakaa mukono kuyume Uhajuni mwa Muungu.

Waeburania 5:7

Yesu epfokuwa humu lumwenguni ekimuyomba Muungu na mojo. Ekiyomba na saut̯i nkuu na kuiya kwa huyu mwenye uwezo wa kumupfonya kuyawana na kufwa. Na kwa dzambo ḍya serefanoye na mojowe wa kut̯ii eokuwa nao kwa Muungu, Muungu kamusikia.