Marko 9:20 - Pokomo

²⁰ Nao wamuhwaa huyu muurani wamumupfiikia. Iyo saa hi mpepfo nzuka ipfomuona Yesu, imuicha na mutsanga huyu mwana. Kaḍabva kushala-shala na kuyawa povu ḍya kanwa!

Marko 9:20 Iomraidhean Croise

Marko 1:26

Hi mpepfo nzuka imuhehemesa na nguvu huyu muntu, kisa ibiga idzwi kuu na imuyawa.

Marko 9:18

Kula mweedha ipfonamudzia, inakaa ikamuicha na mutsanga akayawa povu ḍya kanwa na kurhigha magego, na mwii wonse ukamupindika-pindika. Niwayomba hawa wanafund̯iwo waiyavye hi mpepfo nzuka, ela ntawakuweza.”

Marko 9:19

Yesu kawambukuya kawamba, “E nywinywi mu wantu musio faro t̯i! Amevihivi nagija kukaa nanywi na kumuit̯isia hat̯a ari?” Kisa kawamba, “Haya muyeheni huyu muurani hapfa.”

Marko 9:21

Yesu kamuuza babajwe huyu mwana kamwamba, “Haya haya mambo yamuḍabva hangu ari?” Nae kamwambukuya kamwamba, “Yamuḍabva hangu uḍyanani mwakwe.

Marko 9:26

Pfapfo hiḍe mpepfo nzuka iḅaa idzwi kuu na imuicha na mutsanga huyu muurani, kisa imuyawa. Huyuḍe muurani kalombaala mya, hat̯a wantu wenji wamba kwamba kafwa.

Luka 4:35

Ela Yesu kaibusa hiḍe mpepfo nzuka kayamba, “Nyamaa na umuyawe muntu huyu!” Ndookomu hi mpepfo nzuka imugisa huyu muntu usoni ya wantu, makisa imuyawa. Ela ntaikumukukamisa.

Luka 8:29

Kanena dza hivi koro Yesu ewa kaiamuru hi mpepfo nzuka iyoikimusumbuwa nsiku nyinji imuyawe. Hat̯a akyamijwa na kufungwa na minyoro maguuni na mikononi, anaihuna hi minyoro na kupfiikwa yuwandani ni mpepfo nzuka.

Luka 9:39

Anakaa na kugijwa ni mpepfo nzuka ḅwikira, akabiga idzwi na ikamuicha mpindu akat̯iḍa hat̯a akayawa povu ḍya kanwani. Inamuonesa tsungu na kumuyatsa na d̯ina muno.

Luka 9:42

Huyu muurani akwakupfiikwani, hi mpepfo nzuka imuicha na mutsanga na imuhehemesa. Ela Yesu kaibusa, na kamupfonya huyu muurani, makisa kamumumpa babajwe.

Yohana 8:44

Nywinywi mwa dza huyu baba jwenu Shaat̯ani. Mutsaka kuhenda haya mazuka ya huyu baba jwenu eyonahenda. Jeje Shaat̯ani, ni muyaji hangu ḍabvu na kaikeva hi hachi, koro jeje katsaka nsuwe meshi. Na epfonanena nsuwe anawa kakuyangani hivi aivyo, koro jeje ni munsuwe na ni baba jwa wansuwe.

1 Pet̯ero 5:8

Pfyenuyani matso na muchimize! Koro huyu nyabva jwenu, Shaat̯ani, kakuzingani dza nsimba eyekuvumiizani, akilacha muntu jwa kumuḍya.